Jeremia 3:8 - MUKANDA USANDU WA ZAMBI 1975

⁸ Aye yamona ngwe ha utanji weswe wa yono mukwa mafwefwe Izalele hinamuhuma ni mukanda wa kulakula. Hindu yayo wa mahuza Yunda kevwile woma alioze iye nawa yaya nikulinga ukoi.

Mukanda Wa Zambi 1970

⁸ Yuda neye hamona ngwenyi, yami Mwene Zambi hinalakula Israele, hinamwehuka mumu kahilukile ko kuli yami, mumu halinga utanji. Alioze chihulia Yuda, mwanakwo ya Israele, kevwile ko woma, neye yabwa chitanji.

Jeremia 3:8 Iomraidhean Croise

2 Sango Ja Mianangana 21:11

Chikwo nawa yatunga manangamo mu milundu ya Yunda; yakoka A-Yerusaleme ku ukoi; yatwala A-Yunda akapianguke.

Izaya 50:1

Yehova kanambe ngwenyi, Mukanda wa noko, wa kumulakula ulihiwo, uze namulakwile nawo? Nanuhanyine tombo kuli iya hakachi ka akwa mikuli yami? Nwalanjiwile mumu ha uhenge wenu; ha Utanguko wenu ahumine noko.

Jeremia 2:19

Ungulungulu we muukakufumba kukatuka che kuli yami muchikakukanjisa. Nyingika umone chinapu chipi chisasu kukatuka kuli Yehova Zambi ye, woma wa yami wakuhi muli yena. Chocho kanambe Mwene Yehova-wa-Tujita.

Jeremia 3:1

Nyi mutu malakula pwo lienyi aye makatuka kuli iye, maya ulo weka, te mamuhilukila nawa? Chifuchi chize te kuchichi kupiha chikolo nyi chocho? Mba Yehova kanambe ngwenyi, Yena hiwalinga ukoi ni akwa kukuzanga anji; mba muhiluka nawa kuli yami?

Jeremia 33:24

Kwevwile chize wano atu anambe ngwo, Yehova hanalitunu minyachi yize yiali atongwele? Chocho hanalelesa atu jami ngwe kapwile vungu kumeso jo.

Jeremia 5:7

Kuchi munguhasa kunukonekena? Ana jenu hanangwehuka, hanalishingi ni waze hi mazambi ko. Muze naalishile kanawa, alingile utanji, ni kakuya mu yendo ku mazuwo ja yikoi.

Ezekiel 16:46

Yayenu aye Samaria yoze Watwamine ni anenyi a mapwo sali ha ku Norte. Mwanakwenu yoze Watwamine sali ha ku Sule aye Sondome ni anenyi a mapwo.

Ezekiel 16:47

Hindu kulinga yuma yo ya lwaji kuchakuhetele, chipwe kwenda mu majila jo, ahoze ni shimbu likepe wika wapiha kuhiana ayo mu ndako je jeswe.

Ezekiel 16:51

Samaria kavulumwine chihanda cha muchima cha milonga ye. Yena hiwalinga yuma ya lwaji kuhiana ayo. Nikulita ni yitanga ye ya lwaji mwanakwenu ni yayenu kanasoloka ngwe akwa ululi.

Ezekiel 23:44

Mumu hanjila kuli iye ngwe malunga kakunjila kuli chikoi. Chocho anjilile kuli Ohola ni Oholiba akalinge usolo.

Ezekiel 23:9

Kashika namukunjikile kuli akwa zango lienyi, mwe mu moko ja A-Asuria waze afwilile.

Hosea 3:4

Mumu A-Izalele makatwama matangwa anji keshi mwanangana hanji mukwa kuyula; keshi chitapo hanji nguji; keshi efode hanji terafimi.

Shimbi 24:1

Lunga ha kumbata pwo, nyi kamuwahilile, mumu te hawana chuma cha sonyi muli iye, amusonekene mukanda wa kulakula, amwehewo mu kwoko lienyi amukatwise ku zuwo lienyi.

Shimbi 24:3

Kachi lunga lienyi wamuchiali mamuvwila kole nikumusonekena mukanda wa kulakula, mamwahawo mu kwoko lienyi ni kumukatwisa ku zuwo lienyi, chipwe kachi lunga lienyi wamuchiali mafwa,