Jeremia 3:5 - MUKANDA USANDU WA ZAMBI 1975

⁵ te matenuka matangwa eswe? Mapwa ni matoto ndo ku songo? Kuhanjika hiwahanjika, alioze hiwalinga chipi cheswe hiwahasa.

Mukanda Wa Zambi 1970

⁵ Kuuchi kubwa ni ufwatulo matangwa eswe.’ Israele, ayo ye wakwamba, alioze wakulinga yibi yeswe yize wakuzanga.”

Jeremia 3:5 Iomraidhean Croise

2 Sango Ja Mianangana 29:10

Mbunge yami yinazange kukolesa usendo ni Yehova, Zambi ya Izalele, akatewulule utenu wenyi usasu kuli yetu.

Miaso (Masamu) 85:5

Kumutenuka ni yetu ndo ku miaka ya mutolo, nyi? Kumukalindulula utenu we ku yisemuko yeswe, nyi?

Miaso (Masamu) 85:6

Kushi kutuhuzulula nawa hanga atu je akawahilile muli yena, nyi?

Izaya 57:16

Mumu chichi kalitachika miaka yeswe, chipwe kutenuka, chichi katenuka matangwa eswe. Kuli yami kwakatuka spiritu ni yami mwene natangile mwiku wa mwono.

Izaya 64:9

Yehova, kanda uhiana kutenuka; kanda wiwuluka uhenge miaka yeswe. Tala, Zewula, etu eswe tuli atu je.

Jeremia 3:12

Yako ukambe maliji ano nikutalikisa ku Norte ngwe, Yehova kanambe ngwenyi, Mukwa mafwefwe Izalele, hiluka. Chichi kukutala ni utenu mumu nguli mukwa keke. Yehova kanambe ngwenyi, Chichi kutenuka ndo ku miaka yeswe.

Jeremia 8:5

Nyi chocho wano atu kuchi te kakupiangukila mu kukokoloka cha mutolo? Kanakakaminya ku kwonga; kasolo kuhiluka.

Jeremia 8:6

Hinatelako matwi, hinapanjika, alioze kahanjikile kanawa. Niumwe kanalikonyeka ha ungulungulu wenyi ngwenyi, Yika nalinga? Mweswe kanatalikisa mu jila yenyi mwene ngwe kavwalu yoze kanalimbilila mu jita.

Ezekiel 22:6

Alemu ja A-Izalele muli yena, mweswe hakachi ko hasa mbunge yenyi, nikulita ni tachi jenyi, kumwanga manyinga.

Mika 2:1

Lamba kuli waze akutaka ungulungulu, nikunyonga yipi ha mihela yo! Mu kucha mayilinga mumu machihasa ni tachi jo.

Mika 7:3

Moko jo kakukwata ku chuma chipi achilinge ni mbunge yeswe. Ni mulemu ni ngaji eswe kakwita chindo; ni mutu munene kakwamba usolo upi wa muchima wenyi. Chocho kakuyiseleka yeswe hamuwika.