Jeremia 3:3 - MUKANDA USANDU WA ZAMBI 1975

³ Kashika hakumina vula wa chehu ni vula wa samakwasa kejile. Hindu uli ni huma lia chikoi; kusolo kwivwa sonyi.

Mukanda Wa Zambi 1970

³ Kashika vula musazu kanokene ko, ni vula wa mubatuko neye kanokene ko. Chi bwe ku meso je wamonekene ngwe chitanji, kuushi kwivwa sonyi.

Jeremia 3:3 Iomraidhean Croise

Ubutukilo 19:34

Mba mu kucha mukulwana yamba kuli kanuke ngwenyi, Tala, napombanga ni tata. Tumunwise vinyu musono nawa, mba njila yena ukapombe nenyi, hanga tukafunge munyachi wa tata.

Nehemia 9:17

Kazangile kwononoka; kasolo kwiwuluka yikomokeso yize walingile hakachi ko. Akwachile pami ni ha kukukatukila atongwele umwe kasongo akahiluke ku undungo wo. Alioze yena uli Zambi mukwa kukonekena, mukwa vumbi, wa tò ni keke, kushi kutenuka washi, mukwa kulumbamisa utu wa zango, kashika kwaehukile.

Yishima 21:29

Chingulungulu kakukalisa meso jenyi; alioze mukwa ululi kakululikisa ndako jenyi jeswe.

Izaya 5:6

Munguupwisa puya, kechi kauteta hanji kuusangula, mba mikalale ni mingonga muyikasoka. Mungutumina malelwa kanda anokaho vula.

Jeremia 14:1

Liji lia Yehova lize liejile kuli Jeremia lia kutwala ku changa ngwenyi,

Jeremia 14:22

Umwe hakachi ka mazambi aze a mahuza a mavungu mahasa kuneha vula? Te malilu ene mahasa kunokesa vula? Hi yena ko te, Yehova Zambi yetu? Tunatalatala kuli yena, mumu yena kuwakulinga yino yuma yeswe.

Jeremia 14:3

Alemu jenyi kakutuma ngamba jo ku meya; kakwiza ku mashima, keshi kuwana meya, kakuhiluka ni yikwachilo ya upolongo, kakupwa ni sonyi, chakwatatajala, kakutuka mitwe yo.

Jeremia 14:4

Se vula wakuhi mu chifuchi, njimi kanevu sonyi, ni kufuka mitwe yo, mumu ha mavu a chinyengo.

Jeremia 36:2

Anda mukanda wa chivungo ukasonekemo maliji eswe hinamba kuli yena a kulimika ni Izalele ni Yunda ni mavungu eswe chize ku tangwa litangu nahanjikile ha matangwa a Josia ndo musono.

Jeremia 5:24

Kambile mu mbunge jo ngwo, Tuvwilenu woma Yehova Zambi yetu, yoze wakutwaha vula ha kangonde kenyi, vula wa samakwasa ni vula musazu, ni kakutufungila semana ja kufunjika ja kucha.

Jeremia 5:25

Uhenge wenu hiunahumu yino yuma, ni milonga yenu hiyinanumina yuma yipema.

Jeremia 5:3

Yehova, ngwami, meso je kakufupa umwenemwene. Hiwaalamba, alioze kevwile kupiha. Hiwaonwona, alioze kasolo kutambula lufumbo. Hakalisa meso jo kuhiana yimawe. Kasolo kulikonyeka.

Jeremia 6:15

Te sonyi evwile ha kulinga yuma ya lwaji? Kenu! Kevwile sonyi nijimwe. Sonyi kajinyingikine. Kashika makalimbuka hakachi ka akwa kulimbuka. Mwaka uze muze mungwalamba mungwanunguna. Chocho kanambe Yehova.

Jeremia 8:12

Te sonyi evwile ha kulinga yuma ya lwaji? Kenu! Kefwile sonyi nijimwe. Sonyi kajinyingikine. Kashika makalimbuka hakachi ka akwa kulimbuka. Mwaka wa kastigu mungwanunguna. Chocho kanambe Yehova.

Jeremia 9:12

Mutu wa mana yoze yuma yino muyimulumbunuka, iya? Yoze hevwa chuma chino ku kanwa lia Yehova akahase kuchilumbununa, iya? Kuchi te chifuchi hachenyeka, hachipihisa ngwe puya, kashika niumwe mapalikilako?

Ezekiel 3:7

Alioze akwa munyachi wa Izalele kechi kukwivwa, mumu kazangile kungwivwa yami. Mumu akwa munyachi wa Izalele eswe kali ni mahuma akalu, ni mbunge ja pami.

Alevi 26:19

Mungumakuna kulenga chenu cha tachi. Mungwalumuna malilu ngwe utale ni mavu jenu mungwaalumuna ngwe unengu.

Amose 4:7

Nanuminyine vula muze kwasala hindu tukweji atatu ku matangwa a kucha. Napwile nikutuma vula ha chihunda chimwe ni kukwika vula ha chihunda chikwo. Munda umwe watambwile vula; shimbu munda ukwo kuwatambwile mba womine.

Amose 4:8

Akwa yihunda yiali yitatu endele ku chihunda chimuwika akanwe meya hindu pwila kuyahwile. Hindu kunwahilukile kuli yami. Chocho kanambe Yehova.

Zefania 2:1

Enu akwa vungu kulishi sonyi, Swilenu mu chikungulwila,

Zefania 3:5

Yehova muchima lienyi mukwa ululi, kalingile nichimwe chipi. Tangwa ha tangwa chimene upatwilo wenyi wa kulita unasoloka; ha kucha cha tangwa keshi kuhona, alioze akwa uhenge keshi sonyi.

Hagai 1:11

Hinasanyika changa ha chifuchi, ni ha milundu, ni ha mbuto, ni ha vinyu yaha, ni ha maji, ni ha yuma yize mavu akwima, ni hali atu, ni hali yimuna, ni ha milimo yo yeswe.

Shimbi 28:23

Lilu lienu lili helu lia mitwe yenu mulikapwa unengu, hashi hali kushi lia yenu muhakapwa utale.

Hebreu 12:25

Talenu kanda nulituna yoze unahanjika. Mumu kachi kapulukile muze alitunyine yoze waatumbile hano hashi, kachi kuhiana chikolo yetu kutuchi kuputuka kachi mutumba manyima kuli yoze unafumbu mwilu: