Jeremia 3:24 - MUKANDA USANDU WA ZAMBI 1975

²⁴ Chize ku ukweze wetu che chuma cha sonyi hichalia yuma yize yeswe tulamba twetu ahondanganyinyine ni mapanga jo, ni ngombe jo, ni ana jo a malunga ni a mapwo.

Mukanda Wa Zambi 1970

²⁴ Mumu ha kukombelela hamba Bale, zambi ya sonyi, tunakatokesa yimuna yetu ni ana jetu ni mihuko yeswe ya kuhondangana cha tushakulu twetu.

Jeremia 3:24 Iomraidhean Croise

Jeremia 11:13

Mumu yenu A-Yunda, mazambi jenu hoka ngwe yihunda yenu, ni yilumbilo yize hinwamika ya kunukolesa sonyi, yilumbilo ya kwochelaho insensu kuli Mbale, yoka ngwe matapalo a mu Yerusaleme.

Jeremia 22:21

Nahanjikile kuli yena ha mwaka wa kuwaha che, alioze wambile ngwe, Chisolo kupanjika. Ndako jino te nije chize ku ukweze we kusolo kwivwa liji liami.

Jeremia 44:7

Haliapwila Yehova Zambi-ya-Tujita, mwe Zambi ya Izalele kanambe ngwenyi, Kuchi te nunalingi chuma chino chipi chikolo cha kulimika ni yenwene, nukatete hakachi ka A-Yunda malunga, ni mapwo, ni kemba, ni mwana, ni masalila akuhi?

Jeremia 8:16

Kuchehula cha tuvwalu two kanachivu ku Ndane; ha kuteta cha tuvwalu two a kuji chifuchi cheswe chinanyiki. Kaneza mukulia chifuchi ni chize cheswe chilimo ni chihunda ni waze atwamamo.

Jeremia 9:18

Atambuke aputuke kutulilila mbimbi, hanga mu meso jetu musulumioke masoji, ni yindayizo yetu yikapukumune meya.

Ezekiel 16:19

Chikwo nawa mbolo yami yize nakuhele (mumu nakulishile ni wunga wafufunuka ni maji ni wuchi), wayisele kumeso jo yikapwe ya lupembo mupema. Chocho kanambe Mwene Yehova.

Ezekiel 16:20

Wanjile ana je a malunga ni a mapwo aze wangusemene ni kwahana milambu kuli ayo akaahe. Ukoi we te wakeha naye,

Ezekiel 16:61

Mba muwiwuluka ndako je, muwivwa sonyi muze mungwanda yayenu ni mwanakwenu nikukwaho akapwe kuli yena ana je a mapwo, alioze hi ha usendo we ko.

Ezekiel 16:63

hanga ukewuluke ukalitupieke, kanda upakula nawa kanwa lie mumu ha sonyi muze mungukakukonekena yize yeswe hiwalinga. Chocho kanambe Mwene Yehova.

Hosea 10:6

Ewa che chuma chene makachimbata ku Asuria akachitenge mulambu kuli mwanangana wa kulitachika. Makakolesa Eframe sonyi; Izalele makevwa sonyi ha punga yenyi.

Hosea 2:8

Kanyingikine, yami namuhele mbuto, ni vinyu, ni maji, nikumwaha prata ni oru ya kulumbama, yize o alingilile nayo Mbale.

Hosea 9:10

Nawanyine Izalele ngwe uva ja mu puya. Namwene tulamba twenu ngwe mihuko yitangu ya mikuyu ha mwaka wayo litangu. Alioze ejile ku Mbale-Peore ni kulitumbikila kuli Mbale, ni kwalumuka a kuvwisa lwaji chizechene ngwe che chuma chize azangile.