Jeremia 3:23 - MUKANDA USANDU WA ZAMBI 1975

²³ Pundu mindundena yinapu ya kutwonga ni mizumbu ya ha milundu. Pundu, ulamwino wa Izalele uli muli Yehova Zambi yetu.

Mukanda Wa Zambi 1970

²³ Muze twawayililile mazambi a tundaka helu lia milundu kuchatukwashile ko nichimwe. Ku kwasa cha Aisraele kuchakwiza shina kuli Mwene Zambi, Zambi yetu.

Jeremia 3:23 Iomraidhean Croise

Miaso (Masamu) 3:8

Ulamwino wapwa wa kuli Yehova. Uwape we upwe hali atu je. (Litulike.) Kuli Njimba mukwa lutwe. Ha tulialia a kusa. Samu lia David.

Miaso (Masamu) 62:7

Kuli Zambi kwatwama ulamwino wami ni ulemu wami. Liwe lia tachi jami kanda uchinyino wami uli muli Zambi.

Yishima 21:31

Kakululika kavwalu ha tangwa lia jita, alioze kuwaha chinakatuka kuli Yehova.

Izaya 10:20

Ha tangwa lize masalila ja A-Izalele ni waze kafwile a ku munyachi wa Yakomba, kechi kujamina nawa hali mukwa kwalamba, alioze majamina chamwenemwene hali Yehova, mwe Musandu wa Izalele.

Izaya 12:2

Zambi iye ulamwino wami, mungufuliela, chichi kwivwa woma; mumu Yehova, Yehova iye tachi jami ni mwaso wami. Iye hanapu ulamwino wami.

Izaya 43:11

Yami, yami nguli mwe Yehova. Niumwe chilamwina keshiko shina yami mwene.

Izaya 44:9

Akwa kulinga tuponya kapwa amokomoko; yuma yize yaawahila kuyafumbukile. Yela jo kamwene, kanyingikine. Kumakaakolesa sonyi.

Izaya 45:15

Pundu, yena Zambi ya Izalele, mwe Chilamwina, uli umwe Zambi wakuswama.

Izaya 45:17

Alioze Yehova kakulamwina A-Izalele ni ulamwino wa mutolo. Enu kunuchi kevwa sonyi chipwe kutatajala ku miaka ya mutolo.

Izaya 45:20

Kungulukenu nwize; kundamenu hamuwika, enu kunwafwile hakachi ka akwa mavungu. Waze akumbatambata tuponya twa mitondo, nikulemba kuli umwe zambi kahashile kulamwina, o keshi yinyingi.

Izaya 63:1

Iya yono kanakatuka ku Endome, kanazala uzalo wa ulombo uchila wa ku Mbozera, mazalo jenyi a uhenya, kanende mu kulumbama cha tachi jenyi? Yami nguneza nikwambujola usambiso, yami nguli ni ndundo kulamwina.

Izaya 63:16

Mumu yena uli Tata, chipwe Apalahama katunyingikine, chipwe Izalele katutayijile. Yena Yehova, uli Tata. Chize ku shakulu jina lie ngwo, Mukwa-Kutukula.

Jeremia 14:8

Ena, kutalatala cha Izalele, chilamwina cho ha tangwa lia lamba, kuchi te unapu ngwe chilambala mu chifuchi, ngwe ngeji yoze majingako akapombe ufuku umuwika?

Jeremia 17:14

Yehova, unguwuke mba munguhinduka, ungulamwine mba munguwaha; mumu yena uli uhaliso wami.

Jeremia 17:2

shimbu ana jo anewuluka yilumbilo yo, ni Ashera jo, ku mutondo weswe wa wisu ni ha milundu yisuku,

Jeremia 3:6

Yehova yamba kuli yami ha matangwa a mwanangana Josia ngwenyi, Hiwamona chize yono Izalele mukwa mafwefwe halinga? Hiwamona chize haya ku mulundu weswe usuku ni mushi lia mutondo weswe wa wisu nikulinga ukoi?

Jeremia 31:7

Mumu Yehova kanambe ngwenyi, Imbenu ni liji linene lia chiseke mumu hali Yakomba; likwizenu mumu hali mukwa lutwe hakachi ka mavungu. Ambululenu; halisenu nikwamba ngwenu, Yehova hanalamwina atu jenyi, e masalila ja A-Izalele.

Ezekiel 20:28

Mumu muze hinaaneha mu chifuchi chize nalishingile kwaaha, mba heswaho amwene mulundu umwe usuku hanji mutondo umwe wa mafwo, kwenako alambwile yitapo yo ni kukunjika milambu yo ya kwihia; kwenako afwinjishile lupembo wo wa kutulisa mbunge, ni kuzujila milambu yo ya kunwa.

Hosea 1:7

Alioze munguvwila keke munyachi wa Yunda, mba mungukaapulula ni kwoko lia Yehova Zambi yo. Chichi kaapulula ni uta, hanji ni katana, hanji ni jita, hanji ni tuvwalu, hanji ni akwa kwendesa tuvwalu.

Yoano 4:22

Yenu nwakuwayila chize kunwanyingikine: yetu twakuwayila chize tunanyingika; mumu ulamwino wa kuli A-Yunda.