Jeremia 3:21 - MUKANDA USANDU WA ZAMBI 1975

²¹ Liji limwe kanalivu ha milundu kuyishi mitondo, ana ja Izalele a malunga kulila ni kulembelela mumu hanahengesa majila jo, ni kuvulama Yehova Zambi yo.

Mukanda Wa Zambi 1970

²¹ Zungo lili ko helu lia milundu, Aisraele kaanatete nikuliumba, mumu haanavulumuna, haanavulama Mwene Zambi, Zambi yo.

Jeremia 3:21 Iomraidhean Croise

Jobe 33:27

Memba kumeso ja atu ngwenyi, Navulumwine; nahengesele chize Chinalulama, alioze kangufweteselelecho.

Yishima 10:9

Yoze wakwenda ni kutuwika cha mbunge kakujikiza, alioze mukwa kuhengesa majila jenyi kumakamunyingika.

Yishima 19:3

Uhepuke wa mutu kuwakuhengesa ndako jenyi; mbunge yenyi kuyakulifwita ha kulimika ni Yehova.

Izaya 15:2

Mwana wa Ndibone wa pwo hanakanduka ku manangamo akalile. Moape kanalili mbimbi ha Nebo ni Medeba. Mutwe weswe wa kawewe, ni wevu weswe wa kutewula.

Izaya 17:10

Mumu hinwavulama mwe Zambi ya ulamwino wenu, kunwewulukile Luliwe lwa uchinyino wenu. Kashika chipwe munutumba mitondo yipema, ni kutumba yitondo ya zambi umwe wa tundaka,

Izaya 57:11

Iya wamuvwilile woma ni mwongo, kashika wahanjikile mahuza, kwangwiwulukile, kwangunyongene chipwe kamuwika? Nahola kwami ha shimbu linene, kashika kwanguvwilile nawa woma.

Jeremia 12:12

Akwa kupunda haneza ha milundu yeswe ya hululu mu puya, mumu katana ka Yehova kakuwumbula, chize ku songo limwe lia chifuchi ndo ku songo likwo lia chifuchi; niumwe mutu kali ni sambukila.

Jeremia 13:25

Yehova kanambe ngwenyi, Chino chihanda chenu, fweto yize hinanufunjikila, mumu hinwanguvulama, hinwafuliela mahuza.

Jeremia 18:15

Alioze atu jami hananguvulama. Kakwochela insensu mazambi eka. Hanatalinga mu majila jo, mu matapalo akulu, hanakondoloka mu tumajila twa ku malumbu hi tapalo ko.

Jeremia 2:32

Te mwana-pwo mavulama yuma yenyi ya uhenya? Hanji ndungi mavulama mazalo jenyi? Hindu atu jami hananguvulama kwalula matangwa anji kuhiana.

Jeremia 3:2

Hetula meso je ku milundu kuyishi mitondo utale! Halihi kapombele ni yena? Kwe ku masesa a majila hiwatwaminyina akwa kukuzanga, ngwe Ka-Arabe mu puya. Hiwapihisa chifuchi ni ukoi we upi.

Jeremia 31:9

Meza nikulila, mungwakoka ni kwalembejeka. Mungwaendesa ku yitwetwe ya meya mu jila yimwe yalulama muze kechi katalinga; mumu nguli tato kuli A-Izalele. Eframe mwe mwanami mutangu.

Jeremia 7:29

Tewula kambu je ujimbile; imba lungungu ha milundu ya hululu, mumu Yehova hambila chisemuko cha utenu wenyi; halitunacho.

Ezekiel 23:35

Kashika Mwene Yehova kanambe ngwenyi, Se hiwanguvulama ni kungumbila kunyima ye, kashika panjika ku yuma yino muyikuwana ha mukunda wa usolo we ni ukoi we.

Ezekiel 7:16

Nyi amwe akwa kwomboka mapwa ni mwono, hindu makapwa ha milundu, ngwe membe a mu yikulo, eswe nikutwa mikuma, mutu mweswe ha mukunda wa uhenge wenyi.

Hosea 13:6

Alioze muze halia hakuta, Mayuka, mba mbunge jo jalifujile; kashika anguvulamine.

Hosea 8:14

Izalele hanavulama Tangi yenyi, hatunga palasiu. Yunda hanokesa yihunda ya kukolesa, alioze mungutuma kahia ha yihunda yenyi, mukalalisa mbonge jenyi.

Mika 3:9

Panjikenu, enu akwa lutwe mu munyachi wa Yakomba, ni akwa kuyula mu munyachi wa Izalele. Enu upatwilo wa kulita wanupihila, nwakuhengesa ululi weswe.

Kwalula 22:32

Mungelo wa Yehova yamba kuli iye ngwenyi. Kuchi te hiwalamba chimbulu che kaze katatu? Kutala! Yami hinatuhuka mukupwa mukwa kole, mumu jila ye kuyahenga kumeso jami.

2 Korintu 7:10

Mumu chinyengo cha kulita ni Zambi kuchakulinga kulikonyekena ku ulamwino, chize kechi kachipihilila nawa: alioze chinyengo cha hano hashi kuchakulinga kufwa.