Jeremia 3:20 - MUKANDA USANDU WA ZAMBI 1975

²⁰ Pundu, ngwe pwo mukwa mafwefwe mahichika lunga lienyi, chocho yenu hinwapwa ni mafwefweni yami enu munyachi wa Izalele. Chocho kanambe Yehova.

Mukanda Wa Zambi 1970

²⁰ Alioze yiubwa ngwe pwo chitanji, kuwabwile ko mukwa kushishika. Yami Mwene Zambi nachamba.”

Jeremia 3:20 Iomraidhean Croise

Izaya 24:16

Chize ku masongo a hashi tunevu miaso ya uhaliso, ya uhenya kuli Mukwa Ululi. Hindu yami ngunambe ngwami, Ngunapokieka, ngunapokieka. Lamba liami! Mumu akwa mafwefwe kanalingi ni mafwefwe, ni akwa mafwefwe kanalingi chikolo ni mafwefwe.

Izaya 48:8

Kunwachivwile, kunwachinyingikine nilimwe tangwa, chize ku shakulu kajikwile matwi jenu. Mumu nanyingikine ngwami, Munulinga ni mafwefwe anji. Chize ku kusemuka chenu nuli akwa kukolema.

Jeremia 12:1

Ena Yehova uli mukwa ululi, muze nakunenganyana kuli yena, hindu ngunazange kulumbununa chikuma chami kumeso je. Kuchi te jila ya chingulungulu yakuwaha? Kuchi te akwa mafwefwe eswe kakutatuka?

Jeremia 5:11

Mumu Yehova kanambe ngwenyi, Munyachi wa Izalele nimunyachi wa Yunda hapwa ni mafwefwe kuli yami pundu.

Hosea 3:1

Yehova wambile kuli yami ngwenyi, Yako nawa uzange pwo yoze kanamuzange kuli mukwa kumulumbula, aye chitanji nawa, chizechene ngwe Yehova kakuzanga A-Izalele, chipwe o kakutala kuli mazambi eka, nikuzanga tumbolo twa uva.

Hosea 5:7

Halinga ni mafwefwe kuli Yehova, mumu hasema ana ja yilambala. Haliapwila makahwa ni kakweji mwaha hamwe ni minda yo.

Hosea 6:7

O hanatangula usendo chizechene ngwe Alama; hanalingi ni mafwefwe kuli yami.

Malaki 2:11

Yunda halinga ni mafwefwe; halinga chuma cha kuvwisa lwaji mu Izalele ni mu Yerusaleme. Mumu Yunda hajilula tembele ya Yehova yize iye kanazange; hambata mwana wa zambi umwe wa tundaka.