Jeremia 3:19 - MUKANDA USANDU WA ZAMBI 1975

¹⁹ Nangyonga chize mungukusa hakachi ka ana jami a malunga nikukwaha chifuchi chipema, chihinga chahiana kuwaha hakachi ka mavungu eswe. Nanyonga ngwami, Mangutongola ngwenyi, Tata. Mangukaula, kechi kapianguka.

Mukanda Wa Zambi 1970

¹⁹ Mwene Zambi kanambe ngwenyi: “Israele nambile kukupwisa mwanami, ni kukwaha chifuchi chibema, chifuchi chinahiana yifuchi yeswe ya hano hashi kubema. Nazangile te unguvuluke ngwe tata, kungwehuka nawa ka.

Jeremia 3:19 Iomraidhean Croise

Miaso (Masamu) 106:24

Ewa, alelesele chifuchi chipema; kafulielele liji lienyi.

Miaso (Masamu) 16:6

Manjiza hanaholokela kuli yami ha mihela yipema, ewa, chihinga chipema nguli nacho.

Miaso (Masamu) 89:26

Kumakateta kuli yami ngwenyi, Yena uli tata, kanda Zambi yami, kanda liwe lia ulamwino wami.

Yishima 3:35

Akwa mana kumakatunga ulemu, alioze kuli yihepuke sonyi mujipwa kufumbuka cho.

Izaya 63:16

Mumu yena uli Tata, chipwe Apalahama katunyingikine, chipwe Izalele katutayijile. Yena Yehova, uli Tata. Chize ku shakulu jina lie ngwo, Mukwa-Kutukula.

Izaya 64:8

Hindu, Yehova, uli Tata. Etu tuli uma, ena uli tengi. Etu eswe tuli chitanga cha moko je.

Jeremia 12:10

Tufunga anji hanenyeka munda wami wa uva, hanaliate chihinga chami ni molu jo, hanapwisa chihinga chami chipema ngwe puya ya hululu.

Jeremia 3:17

Ha miaka yize matongola Yerusaleme ngwo, Ngunja ya Yehova, ni mavungu eswe maswilako kumeso ja Yehova mu Yerusaleme mba kechi kasa nawa pami kukaula mbunge ja ayo ene jipi.

Jeremia 3:4

Ngwami haliapwila wangusanyika ngwe, Tata, uli sepa lia ukweze wami—

Jeremia 31:20

Eframe iye mwanami wa lunga mulemu nyi? Iye mwanami wa zango nyi? Mumu cheswe munguhanjika cha kulimika nenyi kunakumwiwuluka hindu. Kashika mbunge yami yakumuvwila usona. Pundu, mungumuvwila keke. Chocho kanambe Yehova.

Jeremia 31:9

Meza nikulila, mungwakoka ni kwalembejeka. Mungwaendesa ku yitwetwe ya meya mu jila yimwe yalulama muze kechi katalinga; mumu nguli tato kuli A-Izalele. Eframe mwe mwanami mutangu.

Jeremia 33:9

Ni chihunda chino kumuchikapwa kuli yami jina lia uwahililo, ni uhaliso, ni uhenya kumeso ja mavungu eswe a hashi waze mevwa yipema yize yeswe mungwalinga. O kumakevwa woma ni kuchikima mumu ha yipema yeswe ni kuwaha cheswe mungwalingila.

Jeremia 5:7

Kuchi munguhasa kunukonekena? Ana jenu hanangwehuka, hanalishingi ni waze hi mazambi ko. Muze naalishile kanawa, alingile utanji, ni kakuya mu yendo ku mazuwo ja yikoi.

Ezekiel 20:6

Ha tangwa lize nalishingile kuli ayo kwachiza mu chifuchi cha Engitu nikwaneha ku chifuchi hinaafupila; chifuchi chinokela yamwa ni wuchi, che chifuchi chahiana yifuchi yeswe ni uhenya.

Daniel 11:16

Alioze yoze makeza kulimika nenyi makalinga nikulita ni upale wenyi mwene; niumwe mahasa kujikiza kumeso jenyi. Makamana mu chifuchi cha uhenya; kwonwona muchikapwa mu kwoko lienyi.

Daniel 11:41

Makanjila nawa mu chifuchi cha uhenya, ni anji makaanunguna. Alioze wano makapuluka ku kwoko lienyi: Endome, ni Moape, ni akwa lutwe ja A-Amone.

Daniel 11:45

Makajika mbalaka ja palasiu yenyi hakachi ka kalunga-lwiji ni mulundu usandu wa uhenya. Hindu kumakaheta kwe ku songo lienyi, ni yoze mamukwasa wakuhi.

Daniel 8:9

Mu mbinga yimwe mwasokele kambinga kakwo, yikatatuka kuhiana kutalikisa ku Sule, ni ku Chivumbuko, ni ku chifuchi cha uhenya.

Hosea 11:8

Ena Eframe, kuchi munguhasa kukwecha? Ena Izalele, kuchi munguhasa kukukunjika? Kuchi munguhasa kukupwisa ngwe Andama? Kuchi mungukulinga ngwe Zepoime? Mbunge yami kuyatayile muchima; keke yami yinaliwezela chivukuminya ni vumbi.

Galashia 3:26

Mumu yenu eswe muli Kristu nuli ana a Zambi ku Ufulielo.

Efesu 1:5

Se watufunjikile ni zango Shimbu-kanda, hanga muli Yesu Kristu akatupwise ana kuli iye mwene, nikulita ni kuwaha cha upale wenyi,

Shimbi 14:1

Enu nuli ana ja Yehova Zambi yenu. Kanda nulichata, chipwe kulitewula ha mahuma jenu hali afu, ka.

Hebreu 10:39

Alioze yetu hi tuli akwa kusosolokela kunyima ko ku kwonwona; aiioze tuli akwa kufuliela ha ulamwino wa mwono.

1 Petulu 1:17

Nyi kachi nwakumutongola ngwenu, tata yoze keshi katonde, kakupatula nikulita ni chitanga cha mutu ni mutu, endenu ni woma, wenyi wenu weswe: