Jeremia 3:18 - MUKANDA USANDU WA ZAMBI 1975

¹⁸ Ha matangwa aze munyachi wa Yunda muulinunga ni munyachi wa Izalele mba hamuwika makatuka ku chifuchi cha Norte ni kwiza ku chifuchi chino nahanyine chihinga kuli tulamba twenu.

Mukanda Wa Zambi 1970

¹⁸ Israele makalichinga ni Yuda. Eswe aali maakakatuka hamuwika mu chifuchi cha undungo ku norde ni kuhiluka mu chifuchi chize nahanyine kuli tushakulu twe kubwa chihinga che ku miaka yeswe.”

Jeremia 3:18 Iomraidhean Croise

Ubutukilo 12:7

Mba Yehova yasoloka kuli Apalama, yamba ngwenyi, Chifuchi chino munguchihana ku munyachi we. Mba kuli Yehova yoze yasoloka kuli iye yamutungilako chilumbilo.

Izaya 43:5

Kanda wivwa woma mumu nguli hamwe ni yena. Munguneha ana je ku Chivumbuko, ni ku Chitokelo mungukukonga.

Izaya 43:6

Mungwamba ku Norte ngwami, Echako! Ku Sule mungwamba ngwami, Kanda ulalaminya! Chizenu ana jami a malunga kusuku; chizenu anami a mapwo ku songo lia hashi,

Jeremia 16:15

alioze mamba ngwo, Ni mwono wa Yehova yoze wachijile A-Izalele ku chifuchi cha ku Norte ni ku yifuchi yeswe kuze haahumina. Mumu mungwahilwisa nawa ku chifuchi cho ene chize nahanyine kuli tulamba two.

Jeremia 23:8

alioze makamba ngwo, Ni mwono wa Yehova yoze wachijile ni kusongwela ana ja ku munyachi wa Izalele ku chifuchi cha ku Norte ni ku yifuchi yeswe kuze te hanaahumina. Mba matwama mu chifuchi cho ene.

Jeremia 3:12

Yako ukambe maliji ano nikutalikisa ku Norte ngwe, Yehova kanambe ngwenyi, Mukwa mafwefwe Izalele, hiluka. Chichi kukutala ni utenu mumu nguli mukwa keke. Yehova kanambe ngwenyi, Chichi kutenuka ndo ku miaka yeswe.

Jeremia 30:3

Mumu Yehova kanambe ngwenyi, Matangwa kaneza muze munguhilwisa kuwaha cha atu jami A-Izalele ni A-Yunda. Mungukaaneha nawa ku chifuchi chize nahanyine kuli tulamba two, mba makachizuka. Chocho kanambe Yehova.

Jeremia 31:8

Mungwachiza ku chifuchi cha ku Norte, mungwakonga chize ku kusula-songo lia hashi. Hakachi ko kumukukapwa afwa-meso ni yitonji, ni tufumba ni tufumbakaji hamuwika, mbunga yinene, eswe makahiluka kuno kwene.

Jeremia 50:20

Yehova kanambe ngwenyi, Ha matangwa aze ni ha mwaka uze makafupa uhenge mu Izalele alioze kechi kawana niumwe; makafupa shili mu Yunda, alioze kechi kawana niyimwe; mumu mungukonekena waze ngunahichika ngwe masalila.

Jeremia 50:4

Yehova kanambe ngwenyi, Ha matangwa aze ni ha mwaka uze A-Izalele ni A-Yunda meza hamuwika, nikulila shimbu machenda. Kumakafupa Yehova Zambi yo.

Jeremia 50:5

Makahula jila ya kuya ku Zaione ni meso jo a kutalikisako ngwo, Tatuyenu tulinunge ni Yehova ni usendo wa mutolo uze kechi kahasa kuvulama.

Jeremia 7:7

nyi munu linga chocho mba mungunutayiza kutwama muma muno, mu chifuchi chize nahanyine ha shakulu kuli tulamba twenu ha miaka yeswe.

Ezekiel 11:17

Kashika amba ngwe, Mwene Yehova kanambe ngwenyi, Mungukanukonga ku mavungu; mungukanuchiza ku yifuchi kuze hinwamwanganyina, mungukanwaha chifuchi cha Izalele.

Hosea 1:11

Atu ja Yunda ni atu ja Izalele makaakungulula, mba makalitongwela kasongo umuwika mba makatuka ku chifuchi, mumu lie tangwa lia Yezerele mulipwa linene.

Hosea 11:12

Eframe hanangujingilika ni mahuza, munyachi wa Izalele hanangujingilika ni kwonga. Hindu Yunda kakwenda ni Zambi, kakulalaminya kuli mwe Musandu.

Hosea 2:2

Lembelela kuli noko. Aye hi pwo liami ko, ami hi nguli lunga lienyi ko, kashika lembelela kuli iye; akambile ukoi wenyi kumeso jenyi, akachize utanji wenyi mu kondo.

Amose 9:15

Mungukaatumba mu chifuchi cho, mba kechi katukukako nawa ku chifuchi chize hinaaha. Chocho kanambe Yehova Zambi yenu.

Zakaria 10:6

Kumungukutakamisa munyachi wa Yunda; kumungukalamwina munyachi wa José. Mungukaahilwisa mumu ngunaavwila keke, mba makapwa ngwe chalitunyino, mumu yami nguli Yehova Zambi yo kashika mungukaakumbulula.

Zakaria 2:6

Ivwenu! Ivwenu! Yehova kanambe ngwenyi, Chinenu chifuchi cha ku Norte. Mumu nanumwangine mwamwa ngwe fuji jiwana ja malilu. Chocho kanambe Yehova.