Jeremia 3:16 - MUKANDA USANDU WA ZAMBI 1975

¹⁶ Yehova kanambe ngwenyi, Mba muze munusema ni kuliokesa mu chifuchi, ha matangwa aze kechi kamba nawa ngwo, Mushete wa usendo wa Yehova! Kechi kaunyonga, hanji kuwiwuluka, hanji kuufupa. Kechi kaulinga nawa.

Mukanda Wa Zambi 1970

¹⁶ Muze munukabwa anji mu che chifuchi, atu keechi kahanjeka nawa hakutwala ku mushete wa Usendo wami. Hikeechi kaunyonga nawa hanji kuwiwuluka; keechi kauzanga nawa, hanji kuulingila nawa.

Jeremia 3:16 Iomraidhean Croise

Izaya 60:22

Mulelu Wahiana kumakapwa munyachi, mukepe wahiana kumakapwa vungu lia ndundo. Yami nguli Yehova, mungutambwisa chuma chino ha mwaka wacho.

Izaya 61:4

Makatunga nawa mazuwo a shakulu waze hanapuzuka, makatunga nawa yuma ya kushi yize hanonwona. Makalulika yihunda yize hiyinalumbuka, yuma ya kwonwona ku yisemuko yinji.

Izaya 65:17

Mungutanga lilu liaha ni hashi haha, ni yuma ya kushi kechi kayiwuluka nawa, chipwe kuyinyonga.

Jeremia 3:17

Ha miaka yize matongola Yerusaleme ngwo, Ngunja ya Yehova, ni mavungu eswe maswilako kumeso ja Yehova mu Yerusaleme mba kechi kasa nawa pami kukaula mbunge ja ayo ene jipi.

Jeremia 30:19

Momwene mukatuhukila miaso ya kusakwila, ni maliji ja akwa kusehejela. Mungukaokesa; kechi katepuluka; mungukaaha ulemu; kechi kakeha.

Jeremia 31:27

Yehova kanambe ngwenyi, Matangwa kaneza muze munyachi wa Izalele ni munyachi wa Yunda mungukuwako mbuto ya atu ni mbuto ya tushitu.

Jeremia 31:8

Mungwachiza ku chifuchi cha ku Norte, mungwakonga chize ku kusula-songo lia hashi. Hakachi ko kumukukapwa afwa-meso ni yitonji, ni tufumba ni tufumbakaji hamuwika, mbunga yinene, eswe makahiluka kuno kwene.

Jeremia 7:4

Kanda nufuliela maliji wano a kwonga ngwo, Yino yinapu tembele ya Yehova, tembele ya Yehova, tembele ya Yehova.

Ezekiel 15:5

Shimbu te uchili wa muwundu kuushi milimo; mba muze hiwahwa ni kahia, hiwapwa makala, mahasa kulinga nawo milimo yimwe nawa?

Ezekiel 37:26

Mungukakolesa no usendo wa sambukila. Muukapwa usendo wa mutolo, mba mungukaawahisa, nikwaokesa; mungukasa zuwo liami lisandu hakachi ko ndo ku miaka yeswe.

Amose 9:9

Mumu mungukatuma kusakumuna munyachi wa Izalele hakachi ka mavungu ngwe umwe kakusakumuna musalo wa masekeseke, alioze nikamwe kaliwe mukaholoka hashi kakuhi.

Zefania 3:11

Ha tangwa lize kechi kunukolesa sonyi ha mukunda wa yitanga yize nwangukatukilile nayo; mumu ha mwaka uze munguchiza hakachi kenu waze akulisamba ni kulengumuka cho, ni yenu kunuchi kulizata nawa mu mulundu wami usandu.

Mateu 1:11

Josia wasemene Jekonia ni ana-akwo, ha mwaka wa kwatutulwila ku Babilonia.

Mateu 3:9

kanda nushinginyeka kwamba muli yenwene ngwenu, Apalahama tuli nenyi kaka: mumu ngunambe kuli yenu ngwami, Chipwe ku mawe ano Zambi mahasa kusangula ana kuli Apalahama.