Jeremia 3:14 - MUKANDA USANDU WA ZAMBI 1975

¹⁴ Yehova kanambe ngwenyi, Hilukenu enu ana a mafwefwe, mumu yami nguli mukwa kunuyula. Mungunwandanda umuwika ku chihunda aku hanji aali ku munyachi umwe, ni kununeha ku Zaione.

Mukanda Wa Zambi 1970

¹⁴ “Yenu yihulia, hilukenu kuli yami. Mungwanda umuwika umuwika ku chihunda cheswe, aali aali a ku jiko lieswe, ni kunuhilwisa ku mulundu wa Zione.

Jeremia 3:14 Iomraidhean Croise

2 Sango Ja Mianangana 30:6

Kashika mikeji yaya ni mikanda ya mwanangana ni alemu jenyi, ndusu Izalele ni Yunda mweswe. Yatwala liji lia mwanangana ngwenyi, Enu A-Izalele hilukenu kuli Yehova, Zambi ya Apalahama, ni Izake, ni Izalele, hanga iye nawa akahiluke kuli yenu nwasala nwapuluka ku kwoko lia mianangana ja Asuria.

Izaya 1:9

Nyi kachi Yehova-wa-Tujita katuhichikilile amwe akehe a kulisalaho, kachi twapwa ngwe Sondome, kachi twalumuka ngwe Ngomora.

Izaya 10:22

Mumu chipwe atu jenu A-Izalele mapwa ngwe masekeseke a ha ngenge ya kalunga-lwiji, masalila wika mahiluka. Hanakolesa shimbi ya kunonga alioze muchikapukuka ni ululi.

Izaya 17:6

Mbuto yimwe muyilisalaho, ngwe muze masunga mutondo wa olevwe— mihuko yiali hanji yitatu ha masongo a mitango ya kwilu; yiwana hanji yitano ha mitango ya mutondo wa mihuko. Chocho kanambe Yehova Zambi ya Izalele.

Izaya 27:12

Ha tangwa lize Yehova mazungula mbuto chize ku lwiji Ufrateze ndo ku chitwetwe cha Engitu, ni yenu A-Izalele manwanda umwe ha umwe.

Izaya 31:6

Hilukenu nawa kuli yoze nwakolemene chikolo, enu atu ja Izalele.

Izaya 44:22

Hinajimuna utanguko we ngwe lelwa. Hinajimuna milonga ye ngwe mbundu. Hiluka kuli yami mumu nakukulile.

Izaya 54:5

Mumu Tangi ye iye lunga lie, jina lienyi Yehova-wa-Tujita. Musandu wa Izalele iye Mukwa-Kukukula, kakumutongola ngwo, Zambi ya hashi heswe.

Izaya 55:7

Chingulungulu akambile ndako jenyi, mukwa uhenge akambile manyonga jenyi. Eze kuli Yehova hanga amuvwile keke; eze kuli Zambi yetu mba mamwaha ukonekeno wa kulumbama.

Izaya 57:17

Mumu ha uhenge wa chipululu chenyi natenukine, namulambile, nafukile meso jami ni utenu, hindu wayile nikukokoloka mu jila ya mbunge yenyi mwene.

Izaya 6:13

Alioze umwe hakachi ka kumi malisalaho, hindu machocha nawa, ngwe mutondo wa terebine, hanji carvalho, uze wahichika chimbunji mu mavu ha kuupakula. Munyachi lisandu che chimbunji.

Jeremia 2:19

Ungulungulu we muukakufumba kukatuka che kuli yami muchikakukanjisa. Nyingika umone chinapu chipi chisasu kukatuka kuli Yehova Zambi ye, woma wa yami wakuhi muli yena. Chocho kanambe Mwene Yehova-wa-Tujita.

Jeremia 2:2

Yako ukambe mu matwi ja A-Yerusaleme ngwe, Yehova kanambe ngwenyi, Ngunewuluka kulalaminya cha ukweze we ni zango lie lia ndungi, chize wangukawile mu puya mu chifuchi chize kakuwilemo mbuto.

Jeremia 23:3

Henaho mungukonga masalila ja mapanga jami ku yifuchi yeswe kuze hinaahumina. Mungwaneha nawa ku limba lio mba masema ni kuliokesa.

Jeremia 29:14

Yehova kanambe ngwenyi, Mununguwana mba munguhilwisa kuwaha chenu ni kunukonga ni kunuchiza ku mavungu eswe ni yifuchi yeswe kuze hinanuhumina mba mungunuhilwisa nawa ku chifuchi kuze nanuchijile hatangu ngukanutume ku unjize. Chocho kanambe Yehova.

Jeremia 3:1

Nyi mutu malakula pwo lienyi aye makatuka kuli iye, maya ulo weka, te mamuhilukila nawa? Chifuchi chize te kuchichi kupiha chikolo nyi chocho? Mba Yehova kanambe ngwenyi, Yena hiwalinga ukoi ni akwa kukuzanga anji; mba muhiluka nawa kuli yami?

Jeremia 3:12

Yako ukambe maliji ano nikutalikisa ku Norte ngwe, Yehova kanambe ngwenyi, Mukwa mafwefwe Izalele, hiluka. Chichi kukutala ni utenu mumu nguli mukwa keke. Yehova kanambe ngwenyi, Chichi kutenuka ndo ku miaka yeswe.

Jeremia 3:8

Aye yamona ngwe ha utanji weswe wa yono mukwa mafwefwe Izalele hinamuhuma ni mukanda wa kulakula. Hindu yayo wa mahuza Yunda kevwile woma alioze iye nawa yaya nikulinga ukoi.

Jeremia 31:12

Kumakeza ni kwimba ni liji linene ha mulundu wa Zaione; kumakalikwiza ha yuma yipema ya Yehova, mbuto, ni vinyu, ni maji, ni misamba ya mapanga ni ngombe. Mwono wo kumuukapwa ngwe chala cha kutuchika, mba kechi kahonga nawa.

Jeremia 31:32

Yehova kanambe ngwenyi, Chichi kulinga usendo ngwe uze nalingile ni tulamba two muze naakwachile ku kwoko ngukaachize ku chifuchi cha Engitu. Usendo wami autangwile chipwe napwile mukwolunga.

Jeremia 31:6

Mumu tangwa muliza muze tulayi masanyika mu chifuchi cha Eframe ku milundu ngwo, Katukenu tuye ku Zaione kuli Yehova Zambi yetu.

Hosea 5:15

Munguhiluka nawa kuma kwami, ndo matayiza uhie wo ni kufupa meso jami. Mu luyinda wo mangufupa ni mbunge yeswe, ngwo,

Zakaria 1:4

Kanda nupwa ngwe tulamba twenu, kuli ayo aprofeta a kushi akololokele ngwo, Yehova-wa-Tujita kanambe ngwenyi, Katukenu ku majila jenu api ni yitanga yenu yipi. Alioze kevwile; kangupanjikile; chocho kanambe Yehova.

A-ROMA 9:27

Alioze Izaia kanatete ha kutwala kuli akwa Izalele ngwenyi, Kachi ha kwalula ana a Izalele mapwa chizechene ngwe masekeseke a ku kalunga-lwiji, masalila wika makaalamwina: