Jeremia 3:13 - MUKANDA USANDU WA ZAMBI 1975

¹³ Tayiza uhie we, ngwe hiwakatukila Yehova Zambi ye, nikuzangazanga yilambala mushi lia mutondo weswe wa wisu, ni kwononoka ku liji liami ka. Chocho kanambe Yehova.

Mukanda Wa Zambi 1970

¹³ Tayiza lume ngwe: ‘Ngunahi. Nakatukilile Mwene Zambi, Zambi yami.’ Shikisa ngwe, ‘Mushi lia mitondo yeswe ya wisu hingunazange mazambi a tundaka, Chononokenene ko ku maliji je.’ Yami Mwene Zambi nachamba.

Jeremia 3:13 Iomraidhean Croise

Nehemia 9:2

Munyachi wa Izalele yalihandununa kuli yilambala eswe. Yamana nikushikisa milonga yo ni uhenge wa atato.

Yishima 28:13

Mweswe masweka uvulumunyi wenyi kechi kawaha; alioze mweswe maushikisa nikuumbila mawana keke.

Izaya 57:5

Nwakusasaminya ni usolo hakachi ka carvalho, mushi lia mutondo weswe wa wisu; enu nwakushiha ana jenu mu yikulo, mu yivwenge ya mawe.

Jeremia 14:10

Ha kutwala kuli wano atu Yehova kanambe ngwenyi, Kanazange kwenda chocho, kasulile ku molu jo. Kashika Yehova kaatambwile, haliapwila mewuluka uhenge wo maafwetesa milonga yo.

Jeremia 14:20

Yehova, tunatayiza ungulungulu wetu, ni uhenge wa tulamba twetu, mumu hitunakuvulumuna.

Jeremia 2:20

Hasuku wamakwine kanga ye nikupatula mihipu ye nikwamba ngwe, Chichi kuzeya. Ewa ha mulundu weswe usuku ni mushi lia mutondo weswe wa wisu wahetaminyine ngwe chikoi.

Jeremia 2:25

Funga molu je kandaya keshi haku, funga muliwu we ku pwila. Alioze wambile ngwe, Hijakangana kulu, mumu hinazanga yilambala mba mungwakaula.

Jeremia 3:2

Hetula meso je ku milundu kuyishi mitondo utale! Halihi kapombele ni yena? Kwe ku masesa a majila hiwatwaminyina akwa kukuzanga, ngwe Ka-Arabe mu puya. Hiwapihisa chifuchi ni ukoi we upi.

Jeremia 3:25

Tupombenu mu sonyi jetu, ulelu wetu utufuke mumu hitwavulumuna Yehova Zambi yetu, ni yetu ni tulamba twetu chize ku ukweze wetu ndo musono. Kutwononokene ku liji lia Yehova Zambi yetu.

Jeremia 3:6

Yehova yamba kuli yami ha matangwa a mwanangana Josia ngwenyi, Hiwamona chize yono Izalele mukwa mafwefwe halinga? Hiwamona chize haya ku mulundu weswe usuku ni mushi lia mutondo weswe wa wisu nikulinga ukoi?

Jeremia 7:24

Alioze kapanjikile chipwe kutela matwi. Endele nikulita ni yiyulo yo ni pami ja mbunge jo jipi. Ayile kunyima hi kulutwe ko.

Jeremia 7:26

hindu kapanjikile kuli yami, chipwe kutela matwi, alioze akalishile makota jo nikuhiana tulamba two kulinga chipi.

Ezekiel 16:15

Alioze wajikijilile upeme we, ni kulipwisa chikoi ha mukunda wa lufuma we, ni kupwa chikoi kuli mweswawo mapalika.

Hosea 5:15

Munguhiluka nawa kuma kwami, ndo matayiza uhie wo ni kufupa meso jami. Mu luyinda wo mangufupa ni mbunge yeswe, ngwo,

Shimbi 12:2

Chamwenemwene nukonwone yihela yeswe mavungu munwahuma avumbikilileho tuzambi two, ni ha milundu yisuku ni ha milundu ni ku mitondo yeswe ya wisu.