Jeremia 3:12 - MUKANDA USANDU WA ZAMBI 1975

¹² Yako ukambe maliji ano nikutalikisa ku Norte ngwe, Yehova kanambe ngwenyi, Mukwa mafwefwe Izalele, hiluka. Chichi kukutala ni utenu mumu nguli mukwa keke. Yehova kanambe ngwenyi, Chichi kutenuka ndo ku miaka yeswe.

Mukanda Wa Zambi 1970

¹² Yangutuma ni kulweza Israele ngwenyi: “Yena chihulia, hiluka kuli yami. Nguli mukwa keke, chichi kutenuka, chichi kukutenukina ndoo ku miaka yeswe.

Jeremia 3:12 Iomraidhean Croise

Ubutukilo 4:7

Nyi mulinga kanawa kechi kukutambula nyi? Alioze nyi kwalingile kanawa shili kuyinautama ku chikolo. Kuli yena anase mbunge yenyi mba yena mukamuyula.

1 MIANANGANA 15:29

Ha matangwa a Peka mwanangana wa Izalele, Tigelate-Pilesere mwanangana wa Asuria yeza. Yatambula Ijone, ni Abele-Mbete-Maka, ni Janoa, ni Kendeshe, ni Hazore, ni Ngiliate, ni Ngalileya, te chifuchi cheswe cha Napatali. E atu yaambata funge ku Asuria.

1 MIANANGANA 17:23

ndo Yehova wachijile Izalele kumeso jenyi, ngwe wambile kuli tuvumbi twenyi aprofeta eswe. Chocho yachiza A-Izalele ku chifuchi cho, yaatwala ku Asuria, ndo musono.

1 MIANANGANA 17:6

Ha mwaka wamuchilivwa wa Hoshia, mwe mwanangana wa Asuria yatambula Samaria. Yambata A-Izalele funge ku Asuria, yaasa mu Hala, ni mu Habore ha lwiji Ngozane ni mu yihunda ya A-Media.

1 MIANANGANA 18:1

Mu mwaka wamuchitatu wa Hoshia mwana Ela mwanangana wa Izalele, Hezekia mwana Ahaze mwanangana wa Yunda yaputuka kuyula.

2 Sango Ja Mianangana 29:10

Mbunge yami yinazange kukolesa usendo ni Yehova, Zambi ya Izalele, akatewulule utenu wenyi usasu kuli yetu.

2 Sango Ja Mianangana 30:9

Mumu nyi munuhiluka kuli Yehova usoko wenu ni ana jenu nwavwila keke kuli waze kali no mu ufunge, mba meza nawa ku chifuchi chino. Mumu Yehova Zambi yenu mukwa vumbi ni keke. Kechi kutewulula meso jenyi kuli yenu nyi munuhiluka kuli iye.

Miaso (Masamu) 103:17

Alioze utu wa zango lia Yehova kuli waze akumuvwila woma wapwa wa ku miaka ya mutolo ndo ku miaka ya mutolo. Ululi wenyi wapwa kuli ana ja ana jo;

Miaso (Masamu) 103:8

Yehova kazala tò ni keke ni vumbi; iye makoke kutenuka, utu wa zango lienyi kuwalumbama.

Miaso (Masamu) 103:9

Keshi kwambamba matangwa eswe, chipwe utenu wenyi keshi kuufunga ndo ku miaka ya mutolo.

Miaso (Masamu) 145:8

Yehova iye mukwa vumbi kanda mukwa keke. Keshi kutenuka kawashi. Utu wa zango lienyi unene.

Miaso (Masamu) 79:5

Yehova, ndo mwiji muka? Mukatenuka ku miaka ya mutolo, nyi? Ukwa we muuyila ngwe kahia, nyi?

Miaso (Masamu) 86:15

Alioze yena Mwene uli Zambi wa tò ni keke ni vumbi. Kushi kutenuka nikawashi; utu wa zango lie ni umwenemwene we kuyalumbama.

Miaso (Masamu) 86:5

Mumu yena Mwene uli mupema, uli mukwa kukonekena. Utu we wa zango kuwakulumbama kuli waze eswe masanyika kuli yena.

Yishima 28:13

Mweswe masweka uvulumunyi wenyi kechi kawaha; alioze mweswe maushikisa nikuumbila mawana keke.

Izaya 31:6

Hilukenu nawa kuli yoze nwakolemene chikolo, enu atu ja Izalele.

Izaya 44:22

Hinajimuna utanguko we ngwe lelwa. Hinajimuna milonga ye ngwe mbundu. Hiluka kuli yami mumu nakukulile.

Jeremia 11:6

Yehova wambile kuli yami ngwenyi, Ambujola maliji wano eswe mu yihunda ya Yunda, ni mu matapalo a Yerusaleme ngwe, Ivwenu maliji a usendo uno nukaalinge.

Jeremia 12:15

Alioze muchikapwa muze te hinaatukula munguhiluka, mungwavwila keke. Mungwaneha nawa mutu mweswe ku chihinga chenyi, mutu mweswe ku chifuchi chenyi.

Jeremia 23:8

alioze makamba ngwo, Ni mwono wa Yehova yoze wachijile ni kusongwela ana ja ku munyachi wa Izalele ku chifuchi cha ku Norte ni ku yifuchi yeswe kuze te hanaahumina. Mba matwama mu chifuchi cho ene.

Jeremia 3:1

Nyi mutu malakula pwo lienyi aye makatuka kuli iye, maya ulo weka, te mamuhilukila nawa? Chifuchi chize te kuchichi kupiha chikolo nyi chocho? Mba Yehova kanambe ngwenyi, Yena hiwalinga ukoi ni akwa kukuzanga anji; mba muhiluka nawa kuli yami?

Jeremia 3:14

Yehova kanambe ngwenyi, Hilukenu enu ana a mafwefwe, mumu yami nguli mukwa kunuyula. Mungunwandanda umuwika ku chihunda aku hanji aali ku munyachi umwe, ni kununeha ku Zaione.

Jeremia 3:18

Ha matangwa aze munyachi wa Yunda muulinunga ni munyachi wa Izalele mba hamuwika makatuka ku chifuchi cha Norte ni kwiza ku chifuchi chino nahanyine chihinga kuli tulamba twenu.

Jeremia 3:22

Enu ana a mafwefwe hilukenu, mba munguwuka mafwefwe jenu. Tuneza kuli yena mumu uli Yehova Zambi yetu.

Jeremia 3:5

te matenuka matangwa eswe? Mapwa ni matoto ndo ku songo? Kuhanjika hiwahanjika, alioze hiwalinga chipi cheswe hiwahasa.

Jeremia 3:7

Hindu nanyonga ngwami, Muze halinga chino cheswe mahiluka kuli yami. Alioze kahilukile, ni yayo wa mahuza Yunda yachimona.

Jeremia 30:11

Mumu Yehova kanambe ngwenyi, Yami kunguli hamwe ni yena kukulamwina. Mungumanununa liakulu mavungu eswe kuze hinakumwangina, alioze chichi kakumanununa yena. Mungukufwetesa ni kulita; chichi katá kukuhichika ni kastigu yakuhi.

Jeremia 31:20

Eframe iye mwanami wa lunga mulemu nyi? Iye mwanami wa zango nyi? Mumu cheswe munguhanjika cha kulimika nenyi kunakumwiwuluka hindu. Kashika mbunge yami yakumuvwila usona. Pundu, mungumuvwila keke. Chocho kanambe Yehova.

Jeremia 31:21

Liselenu tema jikenu yinyingi ya jila hali yenwene; nyongenu kanawa Chikoka, tapalo lize nwayilile. Hiluka *virgem Izalele! Hiluka ku yihunda ye yino.

Jeremia 31:8

Mungwachiza ku chifuchi cha ku Norte, mungwakonga chize ku kusula-songo lia hashi. Hakachi ko kumukukapwa afwa-meso ni yitonji, ni tufumba ni tufumbakaji hamuwika, mbunga yinene, eswe makahiluka kuno kwene.

Jeremia 33:26

mba mungulituna waze masemuka kuli Yakomba ni kavumbi kami David; chichi katongola umwe wa waze masemuka kuli iye kuyula vungu lia Apalahama, ni Izake, ni Yakomba. Mumu mungukahilwisa kuwaha cho; mungukaavwila keke.

Jeremia 4:1

Yehova kanambe ngwenyi, Ena Izalele, nyi muhiluka chatamba kuhiluka kuli yami. Nyi muchiza yizelwokeso ye kumeso jami nikukakashana ka;

Lungungu 3:22

Utu wa zango lia Yehova kuuchi kahwa; keke yenyi kuyichi kasula.

Ezekiel 11:17

Kashika amba ngwe, Mwene Yehova kanambe ngwenyi, Mungukanukonga ku mavungu; mungukanuchiza ku yifuchi kuze hinwamwanganyina, mungukanwaha chifuchi cha Izalele.

Ezekiel 33:11

Amba kuli ayo ngwe, Mwene Yehova kanambe ngwenyi, Ni mwono wami, chevwile kuwaha ni kufwa cha chingulungulu. Ngunazange chingulungulu ahichike ndako jenyi atwame ni mwono. Alumukenu! Alumukenu! Katukenu ku ndako jenu jipi. Kuchi te nunazange kufwa, enu akwa munyachi wa Izalele?

Ezekiel 39:25

Kashika Mwene Yehova kanambe ngwenyi, Haliapwila mungukahilwisa kuwaha cha Yakomba, mungukavwila keke munyachi weswe wa Izalele. Mungukevwa ukwa ha jina liami lisandu.

Hosea 6:1

Tatuyenu tukahiluke kuli Yehova, mumu iye hatupapulula, mba iye matuwuka. Iye hatulamba, mba iye matukasakasa.

Alevi 26:40

Alioze nyi mashikisa uhenge wo ni uhenge wa akako, ni mafwefwe aze alingile a kulimika ni yami, ni chize endele nikulimika ni yami,

Zakaria 1:4

Kanda nupwa ngwe tulamba twenu, kuli ayo aprofeta a kushi akololokele ngwo, Yehova-wa-Tujita kanambe ngwenyi, Katukenu ku majila jenu api ni yitanga yenu yipi. Alioze kevwile; kangupanjikile; chocho kanambe Yehova.

Shimbi 30:2

ha kuhiluka kuli Yehova Zambi yenu ni kuzeya ku liji lienyi ni mbunge jenu jeswe, ni alma jenu jeswe, nikulita ni yeswe ngunanwambeyo musono, ni yenu, ni ana jenu,