Jeremia 3:1 - MUKANDA USANDU WA ZAMBI 1975

¹ Nyi mutu malakula pwo lienyi aye makatuka kuli iye, maya ulo weka, te mamuhilukila nawa? Chifuchi chize te kuchichi kupiha chikolo nyi chocho? Mba Yehova kanambe ngwenyi, Yena hiwalinga ukoi ni akwa kukuzanga anji; mba muhiluka nawa kuli yami?

Mukanda Wa Zambi 1970

¹ Mwene Zambi kanahula ngwenyi: “Nyi lunga halakula pwo lienyi, hamumbata kuli lunga weka, kuma lunga mutangu mahasa kumuhilwisa ku mahienyi, nyi? Ka, nyi wachilinga chifuchi muchibiha liakulu. Alioze yenu Israele, ukwete akwa zango anji, hindu haliabwila unazange kuhiluka kuli yami!

Jeremia 3:1 Iomraidhean Croise

Miaso (Masamu) 106:38

Amwangine manyinga aze keshi chitela, chipwe manyinga ja anó a malunga ni a mapwo, waze alambwile yitapo ku tuponya twa A-Kanana. Chifuchi cheswe chapihile ni manyinga.

Izaya 24:5

Hashi hapwa ha luchisa kushi lia yiliato ya waze atwamaho, mumu hanatangula shimbi, hanavulumuna yiyulo, hanashihi usendo wa miaka yeswe.

Jeremia 2:20

Hasuku wamakwine kanga ye nikupatula mihipu ye nikwamba ngwe, Chichi kuzeya. Ewa ha mulundu weswe usuku ni mushi lia mutondo weswe wa wisu wahetaminyine ngwe chikoi.

Jeremia 2:23

Kuchi muhasa kwamba ngwe, Chalichishile, chakawile Ambale? Tala jila ye mu chikulo; nyingika chize hiwalinga ngwe chimbembe cha kamelu kanapinji ni kulikonekakoneka.

Jeremia 2:7

Nanunehene ndo mu chifuchi cha kulumbama cheswe hanga nukayuke ni mihuko yamo ni yuma yamo yipema. Alioze muze nwanjilile nwachishile chifuchi chami, ni kupwisa chihinga chami chuma cha lwaji.

Jeremia 22:20

Kanduka ku Lebano ukatete; tambika mu Mbashane; kololoka ku Aparime mumu akwa zango lie eswe hanaonwona.

Jeremia 3:22

Enu ana a mafwefwe hilukenu, mba munguwuka mafwefwe jenu. Tuneza kuli yena mumu uli Yehova Zambi yetu.

Jeremia 3:9

Mumu ukoi yiulela kuli iye, kashika yachisa chifuchi cheswe nikulinga utanji ni mawe ni mitondo.

Jeremia 31:22

Ndo mwiji muka mukakashana, ena mwanami wa pwo mukwa mafwefwe? Mumu Yehova hatanga chuma chaha hano hashi. Pwo majingilika lunga.

Jeremia 4:1

Yehova kanambe ngwenyi, Ena Izalele, nyi muhiluka chatamba kuhiluka kuli yami. Nyi muchiza yizelwokeso ye kumeso jami nikukakashana ka;

Jeremia 4:14

Yerusaleme, sanenu ku mbunge ungulungulu ukatuke, akanulamwine. Ndo mwiji muka manyonga jenu api matwama muli yenu?

Lungungu 1:2

Kanalili chikolo ha ufuku, masoji kumeso jenyi. Hakachi ka akwa zango lienyi eswe kawanyine niumwe kumuwumbijeka. Masepa jenyi eswe halinga nenyi ni mafwefwe, hanalumuka akwa kole kuli iye.

Ezekiel 16:26

Walingile ukoi ni A-Engitu, enyembo je a usolo, nikwokesa ukoi we nikungwihia.

Ezekiel 16:30

Mwene Yehova kanambe ngwenyi, Mbunge ye yayijile ni usolo ha kulinga yuma yipwa haha, yitanga ya chikoi keshi sonyi;

Ezekiel 16:35

Kashika yena chikoi, ivwa liji ha Yehova.

Ezekiel 33:11

Amba kuli ayo ngwe, Mwene Yehova kanambe ngwenyi, Ni mwono wami, chevwile kuwaha ni kufwa cha chingulungulu. Ngunazange chingulungulu ahichike ndako jenyi atwame ni mwono. Alumukenu! Alumukenu! Katukenu ku ndako jenu jipi. Kuchi te nunazange kufwa, enu akwa munyachi wa Izalele?

Hosea 1:2

Muze Yehova wahanjikile kuli Hozea hatangu Yehova wambile kuli Hozea ngwenyi, Yako umbate umwe pwo chikoi ukaseme ana ja ukoi, mumu akwa chifuchi kanalingi ukoi unene ha kwehuka Yehova.

Hosea 2:2

Lembelela kuli noko. Aye hi pwo liami ko, ami hi nguli lunga lienyi ko, kashika lembelela kuli iye; akambile ukoi wenyi kumeso jenyi, akachize utanji wenyi mu kondo.

Mika 2:10

Katukenu, yénu, hi kuno ko munuhasa kuhwimina ha mukunda wa luchisa umwe wa kwonwona ni kwonwonachipi.

Zakaria 1:3

kashika amba kuli ayo ngwe, Yehova-wa-Tujita kanambe ngwenyi, Hilukenu kuli yami ni yami munguhiluka kuli yenu. Chocho kanambe Yehova-wa-Tujita.

Mateu 5:31

Achambile nawa ngwo, Mweswawo malakula mukwo-pwo, akamwehe mukanda wa kulakula.

Shimbi 22:21

ahetese mwana-pwo ku chikolo cha zuwo lia tato, malunga a limbo lienyi amwase mawe, hanga afwe, mumu te iye hanalingi uhepuke mu Izalele, hapwa chikoi mu zuwo lia tato. Chocho munukatwisa che chipi mukachi kenu.

Akwa Kuyula 19:2

Alioze *konkubina yenyi wamuvulumwine ha kulinga utanji, yamuchina, yaya ku zuwo lia tato ku Mbeteleme-Yunda, yatwamako amwe tukweji awana.