Jeremia 28:9 - MUKANDA USANDU WA ZAMBI 1975

⁹ Mba profeta yoze maprofeteza ngwenyi, Sambukila, muze liji lia profeta yoze mulimanunuka, mba eswe manyingika ngwo, Pundu, Yehova hatuma yono profeta.

Mukanda Wa Zambi 1970

⁹ Alioze nyi umwe mukwa munanyi malongesa ngwenyi ‘Uhwimino muubwa,’ atu maashindakenya ngwo, kali mukwa munanyi yoze Mwene Zambi hanatumu, shina nyi longeso lienyi mulikamanunuka.”

Jeremia 28:9 Iomraidhean Croise

Izaya 44:26

kakukolesa liji lia kavumbi kenyi, kakulinga longeso lia mikeji jenyi; kakwamba ha kutwala ku Yerusaleme ngwenyi, Atu matwamamo; kakwamba ha kutwala ku yihunda ya Yunda ngwenyi, Kumuyikatungiwa; mungutungulula yize yapuzuka.

Jeremia 14:13

Yingwamba ngwami, Mwene Yehova, aprofeta kakwamba kuli ayo ngwo, Kunuchi kamona katana, chipwe kupwa ni kapunga, alioze mungunwaha sambukila ya pundu muno mu chifuchi.

Jeremia 4:10

Ami yingwamba ngwami, Mwene Yehova, hiwonga liakulu wano atu ni A-Yerusaleme ngwe, Muchipwa chipema ni yenu, alioze katana hanahete kwe ku mwono wo.

Jeremia 6:14

Hawuka chilonda cha atu jami hakehe wika, nikwamba ngwo, Sambukila, sambukila, muze sambukila yakuhi.

Jeremia 8:11

Hawuka chilonda cha mwana wa pwo atu jami hakehe wika, nikwamba ngwo, Sambukila, sambukila, muze sambukila yakuhi.

Ezekiel 33:33

Muze chino muchiaheta, mumu kuheta muchiheta, henaho makanyingika ngwo, Pundu twapwile ni profeta hakachi ketu.

Shimbi 18:21

Kachi munwamba mu mbunge jenu ngwenu, Kuchi mutunyingika liji kalihanjikile kuli Yehova?

Shimbi 18:22

Muze profeta mahanjika ni jina lia Yehova, nyi chuma kuchejile hanji kuchasolokele, che chize Yehova kachihanjikile; mwe profeta hachihanjika cha kulengumuka, kanda manuvwila woma.