Jeremia 28:6 - MUKANDA USANDU WA ZAMBI 1975

⁶ Profeta Jeremia yamba ngwenyi, Chikapwe chocho! Ngunazange Yehova alinge chocho. Yehova akalinge nikulita ni maliji hiwaprofeteza akachize ku Babilonia yikwachilo ya mu zuwo lia Yehova, ni njize eswe nikwahilwisa kuno cheka nawa.

Mukanda Wa Zambi 1970

⁶ “Chamwenemwene, ni yami mwene che ngunazange. Yami nawa ngunazange Mwene Zambi achilinge. Ahilwise kama atu eswe atwalile mu undungo ku Babilonia ni yuma yeswe ya mu zuwo lia Zambi.

Jeremia 28:6 Iomraidhean Croise

1 Yitanga Ya Mianangana 1:36

Benaia mwana Jehoiada yakumbulula kuli mwanangana ngwenyi, Chochene! Yehova Zambi ya mwene wami mwanangana ambe chocho nawa.

1 Sango Ja Mianangana 16:36

Yehova Zambi ya Izalele akafumane, chize ku miaka ya mutolo ndo ku miaka ya mutolo! Atu eswe ambile ngwo, Amene, ahalishile Yehova.

Miaso (Masamu) 106:48

Yehova Zambi ya Izalele akafumane, chize ku miaka ya mutolo ndo ku miaka ya mutolo! Atu eswe ambe ngwo, Amene. Halisenu Yehova!

Miaso (Masamu) 41:13

Afumane Yehova Zambi ya Izalele, chize ku miaka ya mutolo ndo ku miaka ya mutolo, Amene; Amene.

Miaso (Masamu) 72:19

Jina lienyi lilemu likafumane ku miaka ya mutolo. Hashi heswe hakazale tò ni ulemu wenyi. Amene ni Amene.

Miaso (Masamu) 89:52

Yehova akafumane ku miaka ya mutolo. Amene ni Amene.

Jeremia 11:5

hanga ngukamanune shingo lize nalishingile ni tulamba twenu, ngukaahe chifuchi cha kupukukila yamwa ni wuchi, ngwe ha tangwa lino lia musono. Ami nakumbulwile ngwami, Chochene, Yehova.

Jeremia 17:16

Chakushinjikile kutuma chipi, chazangile tangwa lia huli, yena unachinyingika. Yize yeswe yatuhukile mu kanwa liami kwe kumeso je nayambile.

Jeremia 18:20

Kakufweta chipema ni chipi? Hindu hanangufulila wumbu anguchize mwono wami. Iwuluka chize namanyine kumeso je ni kwahakwila, ngukatewulule ufwatulo we kuli ayo.

Jeremia 28:3

Shimbu miaka yiali kanda yihwa munguhilwisa kuno yikwachilo yeswe ya zuwo lia Yehova, yize Nabukanezore mwanangana wa Babilonia wachijile kuno nikuyitwala ku Babilonia.

Zakaria 6:10

Sakula kuli njize Heldai, ni Tobija, ni Jedaia, waze hanakatuka ku Babilonia haneza, nukaye tangwa lioliene ku zuwo lia Josia mwana Zefania.

Kwalula 5:22

Ano meya a kuneha shingo manjila mu jimo lie, majimbisa mujimba we, masosewesa chitongo che. Mba mwe pwo mamba ngwenyi, Amene, Amene.

Mateu 28:20

nikwalongesa kufunga yuma yize yeswe nanuhele shimbi: nyingikenu, yami kunguli hamuwika ni yenu matangwa eswe ndo kumanunuka cha mwaka. Amene.

Mateu 6:13

Kanda ukatutwala kama ku cheseko, alioze tupulule kama kuli mwe mupi. Mumu we wanangana, ni je tachi, ni we uhenya, yeswe niye ndo ku miaka yeswe. Amene.

1 Korintu 14:16

Nyi ka, kachi mufumanyisa ni Spiritu, ngwe kuchi yoze kanyingikine mamba ngwenyi, Amene, ha kusakwila che? Se kanyingikineko chize unambe.

2 Korintu 1:20

Mumu yilakenyo yeswe ya Zambi cheswacho muyipwa, muli iye hiyapwa ewa, muli iye nawa hiyapwa Amene, hanga kuli yetu uhenya ukapwe kuli Zambi.

Usolwelo 1:18

ni mwe mukwa mwono; napwile mufu, aiioze natwama ni mwono ndo ku miaka ya mutolo, ni sapi ja kufwa ni Heteze nguli najo.

Usolwelo 19:4

Ni makumi aali a makulwana ni makulwana awana, ni akwa mwono awana afulamanyine, akawayile Zambi, yoze watwama ha ngunja, ngwo, Amene; Aleluya!

Usolwelo 3:14

Kuli mungelo wa chikungulwila cha ku Laotisea Soneka ngwe, Yino yuma kanambe mwe Amene, chela wamwenemwene keshi mahuza, we uputukilo wa kutanga cha Zambi ngwenyi,

Usolwelo 5:14

Ni akwa mwono awana ambile ngwo, Amene; ni makulwana afulamanyine, awayilile.