Jeremia 28:4 - MUKANDA USANDU WA ZAMBI 1975

⁴ Kumunguneha nawa ku chifuchi chino Jekonia mwana Jehoakime mwanangana wa Yunda, ni njize eswe a ku Yunda waze ayile ku Babilonia, mumu mungupatula kanga ya mwanangana wa Babilonia. Chocho kanambe Yehova.

Mukanda Wa Zambi 1970

⁴ Munguhilwisa nawa mwanangana wa Yuda Jehoakine, mwana wa Jehoakime, ni Ayuda eswe waze atwalile mu undungo mu Babilonia. Ewa, munguhwisa tachi ja mwanangana wa Babilonia. Yami Mwene Zambi nachamba.’ ”

Jeremia 28:4 Iomraidhean Croise

Ubutukilo 27:40

Kumukamona mwono ku tachi ja katana ke. Alioze kumukavumbika mwanakwenu. Hindu muze mukatusuka Mukalishatununa kanga yenyi ku kota ye.

1 MIANANGANA 24:14

Yambata atu eswe a mu Yerusaleme, ni alemu eswe, ni akwa tachi ni hamu eswe, kumi lia tununu a funge, ni yilangaji ni fuli. Niumwe wasalile shina yiswale wika a mu chifuchi.

Izaya 9:4

Mumu hiwamakuna kanga ya chiteli chenyi, ni pango ya ha chipaya chenyi, ni mbwechi ya mukwa kumupinjisa, ngwe ha tangwa lia Mindiane.

Jeremia 13:19

Yihunda ya ku Negeve hanayajila, mba kukushi niumwe kuyazulula. A-Yunda eswe hanaambata ku ufunge; e eswe hanayi ku ufunge.

Jeremia 2:20

Hasuku wamakwine kanga ye nikupatula mihipu ye nikwamba ngwe, Chichi kuzeya. Ewa ha mulundu weswe usuku ni mushi lia mutondo weswe wa wisu wahetaminyine ngwe chikoi.

Jeremia 22:10

Kanda nulilila yoze hanafu chipwe kumutwila mikuma; alioze lilenu masoji asasu hali yoze unayi, mumu kechi kahiluka nawa kumona chifuchi asemukinyine.

Jeremia 22:24

Yehova kanambe ngwenyi, Ni mwono wami ngwami, Chipwe Konia mwana Jehoakime mwanangana wa Yunda wapwa kazeya wa ha kwoko liami lia chindume, hindu mungunuchizaho

Jeremia 24:1

Muze te Nabukanezore mwanangana wa Babilonia hachiza ku Yerusaleme ni kwatwala ku unjize Jekonia mwana Jehoakime mwanangana wa Yunda hamwe ni alemu ja A-Yunda, ni yilangaji, ni fuli, haatwala ku Babilonia mba Yehova yanguweza usolwelo uno: mitonga yiali ya makuyu hanayitumbika kulutwe lia tembele ya Yehova.

Jeremia 24:5

Yehova Zambi ya Izalele kanambe ngwenyi, Ngwe makuyu wano apema chocho mungumwena kupema njize a ku Yunda wano ngunachiza ku chifuchi chino nikwatuma ku chifuchi cha A-Kaletea.

Jeremia 27:8

Alioze nyi vungu limwe hanji wanangana umwe kechi kalingila yono Nabukanezore mwanangana wa Babilonia; kechi katá kusa makota jo mu kanga ya mwanangana wa Babilonia, munguhana kastigu ku vungu lize ni katana, ni kapunga, ni chilungo ndo hinaanongesa ku kwoko lienyi. Chocho kanambe Yehova.

Jeremia 28:10

Henaho profeta Hanania yachiza kanga ku kota ya profeta Jeremia, yayipatula.

Jeremia 28:2

Yehova-wa-Tujita Zambi ya Izalele kanambe ngwenyi, Hinapatula kanga ya mwanangana wa Babilonia.

Jeremia 29:1

Wano e maliji a mukanda profeta Jeremia ku Yerusaleme yautuma kuli makulwana ja njize ni kuli asasendote, ni kuli aprofeta, ni kuli atu eswe, waze Nabukanezore te hachiza ku Yerusaleme nikwatwala ku Babilonia.

Jeremia 29:2

Chino chapwile muze mwanangana Jekonia, ni naye mwanangana, ni aunuku, ni alemu ja mu Yunda ni Yerusaleme, ni yilangaji, ni fuli, eswe hakatuka ku Yerusaleme.

Jeremia 30:8

Yehova-wa-Tujita kanambe ngwenyi, Muchikapwa ha tangwa lize mungukamakuna kanga ha makota jo; mungukapatwola mihipu yo, mba yilambala kechi kaatenga nawa ngamba.

Alevi 26:13

Yami Yehova Zambi yenu. Nanuchijile ku chifuchi cha Engitu hanga nukatusuke ku upinji wo. Namakwine mitondo ya kúli jenu. Nanwendesele nikwoloka.

Nahume 1:13

Mba haliapwila mungunumakwina kanga yenyi nikupula mihipu yenu ndusu.