Jeremia 28:3 - MUKANDA USANDU WA ZAMBI 1975

³ Shimbu miaka yiali kanda yihwa munguhilwisa kuno yikwachilo yeswe ya zuwo lia Yehova, yize Nabukanezore mwanangana wa Babilonia wachijile kuno nikuyitwala ku Babilonia.

Mukanda Wa Zambi 1970

³ Muze miaka yaali hiyahwa munguhilwisa yuma yeswe ya mu zuwo lia Zambi yize ambachile mwanangana wa Babilonia.

Jeremia 28:3 Iomraidhean Croise

Ubutukilo 47:28

Yakomba watwamine mu Engitu kumi lia miaka ni miaka shimbiali, chocho miaka ya mwono wenyi yahetele ku kulakaji lia miaka ni makumi awana a miaka ni miaka shimbiali.

Ubutukilo 47:9

Yakomba yamba ngwenyi, Matangwa a miaka ya unjize wami kulakaji lia miaka ni makumi atatu a miaka. Miaka ya mwono wami yapwa yikepe, yipi tuhu. Kuyahetele ku miaka ya mwono wa atata mu matangwa a unjize wo.

1 MIANANGANA 24:13

Mba yachizako upite weswe wa zuwo lia Yehova, ni wa zuwo lia mwanangana. Yateta yipinji yikwachilo yeswe ya oru yize Solomone mwanangana wa Izalele walingile mu tembele ya Yehova, nikulita ni liji lia Yehova.

2 Sango Ja Mianangana 36:10

Ha kwalumuka cha mwaka mwanangana Nabukanezore yatuma, yamutwala ku Babilonia, hamuwika ni yikwachilo yipema ya zuwo lia Yehova. Yapwisa yayo Zedekia mwanangana wa Yunda ni Yerusaleme.

2 Sango Ja Mianangana 36:7

Nabukanezore yambata ku Babilonia nawa yimwe ya yikwachilo ya mu zuwo lia Yehova, yayisa mu tembele yenyi ku Babilonia.

Miaso (Masamu) 90:10

Miaka yetu yapwa makumi shimbiali a miaka, hanji mumu ha tachi muyipwa makumi nake. Hindu kulenga chayo chinapu kuhondangana ni chinyengo wika, mumu yakuhwa nikawashi ni yetu mutuhumuka.

Daniel 1:2

Mwene yakunjika Jehoakime mwanangana wa Yunda kuli iye, hamwe ni yikwachilo yimwe ya mu zuwo lia Zambi. Yayineha ku chifuchi cha Shinare, ku zuwo lia zambi yenyi. Yasa yikwachilo mu zuwo lia kutulikila upite wa zambi yenyi.