Jeremia 28:11 - MUKANDA USANDU WA ZAMBI 1975

¹¹ Hanania yahanjika kumeso ja atu eswe ngwenyi, Yehova kanambe ngwenyi, Chocho mungupatula kanga ya Nabukanezore mwanangana wa Babilonia ku makota ja mavungu eswe ni miaka yiali kanda yihwa. Alioze profeta Jeremia yaya kwenyi.

Mukanda Wa Zambi 1970

¹¹ mba yamba ku meso ja atu eswe ngwenyi: “Mwene Zambi kanambe ngwenyi: ‘Chenacho mungubatwola kanga lia mwanangana Nebukanezore yize hanajichika ha kota ya mavungu eswe.’ Makachilinga muze miaka yino yaali hiyahwa.” Hohene yami yingutuhuka.

Jeremia 28:11 Iomraidhean Croise

1 Yitanga Ya Mianangana 13:18

Iye yamukumbulula ngwenyi, Ni yami nawa nguli profeta ngwe yena, mba umwe mungelo hangwamba ni liji lia Yehova ngwenyi, Munehe hamwe ni yena ku zuwo lie akalie mbolo akanwe meya. Alioze te kanamwongo.

1 Yitanga Ya Mianangana 22:6

Chocho mwanangana wa Izalele yakungulula aprofeta hamuwika, ngwe kulakaji awana a malunga, yamba kuli ayo ngwenyi, Nguye mukwasa jita ni Ramote-Ngiliate nyi ka? O ngwo, Yénu, mumu Mwene machikunjika mu kwoko lia mwanangana.

2 Sango Ja Mianangana 18:10

Zedekia mwana Chenana yalilingila mbinga ja utale ngwenyi, Yehova kanambe ngwenyi, Ni jino mushinjika A-Seria ndo makuwa.

Yishima 14:7

Yako kuli chihepuke, kuchi kuwana kuli iye mivumbo ya yinyingi.

Jeremia 14:14

Yehova yamba kuli yami ngwenyi, Aprofeta anaprofeteza mahuza mu jina liami. Ami chaatumine, chipwe kwaaha liji chipwe kuhanjika no. Kanaprofeteza kuli yenu usolwelo wa mahuza, ngombo yamokomoko, ni kwonga cha mu manyonga jo ene.

Jeremia 23:17

Kakwambamba kuli waze akulelesa liji lia Yehova ngwo, Mukawaha, ni kuli waze akukaula mbunge jo ene ni pami kakwamba ngwo, Nichimwe chuma chipi kuchichi kukuwana.

Jeremia 28:15

Mba profeta Jeremia yamba kuli profeta Hanania ngwenyi, Panjika Hanania, Yehova kakutumine alioze yena hiwakoka akwa vungu lino akafuliele mahuza.

Jeremia 29:9

mumu kananuprofetezela mahuza mu jina liami. Ami chaatumine. Chocho kanambe Yehova.

Ezekiel 13:7

Shimbu munwamba ngwenu, Yehova kanambe, ni yami chanutumine, kumwamwene usolwelo wa kulionga, ni kuhanjika liji lia ngombo ya mahuza?