Jeremia 27:9 - MUKANDA USANDU WA ZAMBI 1975

⁹ Kashika kanda nupanjika kuli aprofeta jenu, ni tahi jenu, ni akwa yilota jenu, hanji akwa munanyi jenu, hanji yimbanda jenu, waze anambe kuli yenu ngwo, Kunuchi kalingila mwanangana wa Babilonia.

Mukanda Wa Zambi 1970

⁹ Kanda nubanjika kuli akwa munanyi jenu, hanji umwe yoze unalichichimieka ngwenyi, mahasa kwambujola yuma yize muyiza ho, chibwe ya ku yilota, hanji ya kuhanjika ni afu ni tufutafuta. Ayo eswe kaananwambe ngwo, kanda nuzeyela kuli mwanangana wa Babilonia.

Jeremia 27:9 Iomraidhean Croise

Kutuhuka 22:18

Kanda ukatayiza chimbanda kutwama ni mwono.

Kutuhuka 7:11

Hohene Falau yatambika akwa mana, ni akwa tufutafuta, ni e yimbanda a mu Engitu, no nawa yalinga chizechene ni umbanda wo.

Yishima 19:27

Mwanami, litwamine kupanjika ku longeso lize lia kukupiangula ku maliji a yinyingi.

Izaya 8:19

Mba muze manwamba ngwo, Hanjikenu ni akwa mahamba ni yimbanda aze akuyevweta ni kulinyinguna, ambenu ngwenu, Atu kechi kuhanjika ni Zambi yo? Te mahanjika ni afu ha kutwala kuli amwono?

Jeremia 14:14

Yehova yamba kuli yami ngwenyi, Aprofeta anaprofeteza mahuza mu jina liami. Ami chaatumine, chipwe kwaaha liji chipwe kuhanjika no. Kanaprofeteza kuli yenu usolwelo wa mahuza, ngombo yamokomoko, ni kwonga cha mu manyonga jo ene.

Jeremia 23:16

Yehova-wa-Tujita kanambe ngwenyi, Kanda nupanjika ku maliji ja aprofeta waze akuprofeteza kuli yenu nikunuzalisa ni kutalatala chamokomoko. Kakuhanjika yilota ya mu manyonga jo ene; kahanjikile ni kanwa lia Yehova.

Jeremia 23:25

Hinevwa aprofeta ha kuprofeteza mahuza mu jina liami ngwo, Hinalota, hinalota!

Jeremia 23:32

Yehova kanambe ngwenyi, Kunalimika ni waze akuprofeteza yilota ya mahuza nikuyaula ni kupiangula atu jami ni mahuza jo, ni kulizelula cho, muze ami chaatumine chipwe kwaaha chiyulo, kashika kakwashile wano atu nichimwe. Chocho kanambe Yehova.

Jeremia 29:8

Mumu Yehova-wa-Tujita, Zambi ya Izalele kanambe ngwenyi, Kanda nutayiza aprofeta ni tahi waze atwama hakachi kenu kunwonga. Kanda nupanjika ku yilota yize akulota,

Ezekiel 21:29

(shimbu makanumwena usolwelo wa kwonga, shimbu makanutahila mahuza)—katana wa kusa ha makota ja yingulungulu a kulijilula, waze tangwa lio hiliaheta, mwaka wa kastigu yo yasula.

Daniel 4:7

Kashika yimbanda, ni tahi, ni A-Kaletea, ni aprofeta yeza; yingwalweza che chilota, alioze kahashile kungulumbunwinacho.

Mika 3:7

akwa munanyi makasauka; tahi mevwa sonyi; eswe makafuka ku mivumbo yo mumu kumbululo liakuhi lia kuli Zambi.

Zakaria 10:2

Mumu terafimi hanahanjika chize kuchalumbunukine; tahi hanamono mahuza; akwa yilota kanaula yilota ya kwonga, nikulembejeka chamokomoko. Kashika atu anendangana ngwe mapanga; kanapinji mumu ha kuhona kafunga.

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

Yilinga 8:11

O apanjikile kuli iye, mumu te ha shimbu linene waashimine ni tufutafuta twenyi.

Efesu 5:6

Niumwe kanda akanwonga ni maliji amokomoko: mumu ha yino yuma utenu wa Zambi kumuwiza hali akwa uhulia.

Shimbi 13:2

mba che chilayi, hanji che chikomokeso muchiza kupwa ngwe iye te hamba kuli yenu ngwenyi, Tukaulenu tuzambi tweka tutuvumbike, enu kunwatunyingikine;

Shimbi 18:14

Mumu mavungu aze munuhuma, kakupanjika kuli akwa munanyi ni kuli tahi, alioze ha kutwala kuli yenu, Yehova Zambi yenu kanutayijile kulinga chocho.

Yoshua 13:22

Mbalau nawa mwana wa Mbeore, mukwa munanyi, A-Izalele amushihile ni katana hakachi ka akwo aze ashihile.

Usolwelo 18:23

Ni pangu lia ndeya kulichi kapanguka nawa nichimwe muli yena; ni liji lia sandungi ni lia ndungi kechi kalivwa nawa nichimwe muli yena; mumu akwa kutalikila je apwile mahando ja hashi; mumu ni yipandapanda ye apiangwile mavungu eswe.

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.

Usolwelo 22:15

Haze atwama tuwa ni akwa kupanda, ni yitanji, ni yingalwe, ni akwa kukombelela mahamba, ni mweswawo wakufwila, wakutomba mahuza.

Usolwelo 9:21

o kalikonyekeneko ha ungalwe wo, chipwe ha yipandapanda yo, chipwe ha utanji wo, chipwe ha wiji wo.