Jeremia 27:6 - MUKANDA USANDU WA ZAMBI 1975

⁶ Haliapwila hinahana yifuchi yino yeswe kuli kavumbi kami Nabukanezore, mwanangana wa Babilonia. Hinamwaha nawa tushitu a mu yambu akamulingile.

Mukanda Wa Zambi 1970

⁶ Yami nasele mavungu wano eswe mu chiyulo cha kavumbi kami mwanangana Nebukanezore wa Babilonia, yingusa nawa tushitu a mu yambu amulingile.

Jeremia 27:6 Iomraidhean Croise

1 MIANANGANA 25:28

Yahanjika nenyi ni vumbi; yasa ngunja yenyi helu lia ngunja ja mianangana akwo aze apwile nenyi mu Babilonia.

2 Sango Ja Mianangana 36:23

Siru mwanangana wa Persia ngwenyi, Yehova Zambi ya mwilu hangwaha mawanangana eswe a hashi. Mba iye hangwaha shimbi kumutungila zuwo mu Yerusaleme mu chifuchi cha Yunda. Mweswawo uliko hakachi ka yenu eswe atu jenyi, aye akanduke, ni Yehova Zambi yenyi apwe hamwe nenyi.

Izaya 44:28

Ha kutwala kuli Siru kakwamba ngwenyi, Iye kafunga kami, kumakamanununa upale wami weswe; ha kutwala ku Yerusaleme kanambe ngwenyi, Kumuyikatungiwa! Ha kutwala ku tembele ngwenyi, Kumakasa fundamentu ye.

Jeremia 21:7

Yehova kanambe ngwenyi, Kulutwe mungukunjika Zedekia mwanangana wa Yunda, ni tuvumbi twenyi, ni akwa chihunda chino waze kafwile ni chilungo, hanji ni katana, hanji ni kapunga, mungwakunjika mu moko ja Nabukanezore mwanangana wa Babilonia, mu moko ja akwa kole jo, ku moko ja waze anafupu kwashiha. Kumakaalamba ni lutwilo wa katana. Kechi kaavwila vumbi, hanji kwatetela, hanji kwavwila keke.

Jeremia 22:25

ni kunukunjika mu moko ja waze anafupu kunushiha; ku moko ja waze nwakwavwila woma; mwe mu moko ja Nabukanezore mwanangana wa Babilonia, ni mu moko ja A-Kaletea.

Jeremia 24:1

Muze te Nabukanezore mwanangana wa Babilonia hachiza ku Yerusaleme ni kwatwala ku unjize Jekonia mwana Jehoakime mwanangana wa Yunda hamwe ni alemu ja A-Yunda, ni yilangaji, ni fuli, haatwala ku Babilonia mba Yehova yanguweza usolwelo uno: mitonga yiali ya makuyu hanayitumbika kulutwe lia tembele ya Yehova.

Jeremia 25:9

kashika yami Yehova ngunambe ngwami, Hinatuma kusaka mavungu eswe a ku Norte ni kavumbi kami Nabukanezore mwanangana wa Babilonia mba mungwakoka kulimika ni chifuchi chino ni atu jacho ni wano mavungu eswe akunujingilika. Mungwaonwona liakulu, ni kwapwisa chuma cha mwongo, ni chuma cha kuyunga, ni luchoko wa mutolo.

Jeremia 28:14

Mumu Yehova-wa-Tujita, Zambi ya Izalele kanambe ngwenyi, Hinasa ha makota ja wano mavungu eswe kanga ya utale ya undungo kuli Nabukanezore mwanangana wa Babilonia. Kumakamulingila mumu hinamwaha chipwe tushitu a mu yambu.

Jeremia 43:10

Mba muwamba kuli ayo ngwe, Yehova-wa-Tujita, Zambi ya Izalele kanambe ngwenyi, Kumungukatuma ngukasake kavumbi kami Nabukanezore mwanangana wa Babilonia mba iye kumakanuka ngunja yenyi he helu lia mawe wano hinavumbika; kumakazazulwilaho mbalaka yenyi ya wanangana.

Jeremia 49:30

Yehova kanambe ngwenyi, Chinenu, endanganenu kusuku, twamenu mu yiswamo enu akwa Hazore. Mumu Nabukanezore mwanangana wa Babilonia hanalulika chuma cha kulimika ni yenu hanakolesa chiyulo cha kulimika ni yenu.

Ezekiel 29:12

Mungukapwisa chifuchi cha Engitu cha kwenyeka hakachi ka yifuchi ya kwenyeka; ni yihunda yenyi muyikapwa ya kwenyeka makumi awana a miaka hakachi ka yihunda ya hululu. Mungukamwanga A-Engitu hakachi ka mavungu; mungukaahumina hakachi ka yifuchi.

Ezekiel 30:24

Mungukaweza tachi ku moko ja mwanangana wa Babilonia; mungukasa katana kami mu moko jenyi. Alioze mungukamakuna moko ja Falau, mba makatwa mikuma kumeso jami ngwe lunga yoze unafu ni mbandu.

Daniel 4:12

Mafwo jawo apema ni mihuko yawo ya kulumbama, yapwile ya kulia eswe. Tushitu a mu yambu yawana chihuhumuke mushi liawo; tujila a mu tetela yatwama mu mitango yawo; mba akwa musunya eswe alileko.

Daniel 4:22

mutondo uno, yenu mwanangana; hinwatatuka hinwakola. Unene wenu watatuka, hiwaheta kwilu, ni chiyulo chenu hichaya ndo ku masongo a hashi.