Jeremia 27:22 - MUKANDA USANDU WA ZAMBI 1975

²² Kumakayimbata ku Babilonia; muyikatwamako ndo tangwa lize munguyinyonga, mba munguyineha nawa nikuyisa kuma kwayo. Chocho kanambe Yehova.

Mukanda Wa Zambi 1970

²² Kumaayitwala mu Babilonia; kwenako muyikasala ndoo ni muze yami mwene mungukayinyonga nawa. Mba mungukayihilwisa ni kuyineha kuno. Yami, Mwene Zambi, nachamba.”

Jeremia 27:22 Iomraidhean Croise

1 MIANANGANA 25:13

Ni manguji a unengu a mu zuwo lia Yehova ni yimanyino ni lutanke lwa unengu ya mu zuwo lia Yehova, A-Kaletea yayipalwola nikumbata unengu wayo ku Babilonia.

2 Sango Ja Mianangana 36:21

akamanunune liji lia Yehova ku kanwa lia Jeremia, ndo chifuchi hichahwima masambata jacho, mumu shimbu chatwamine cha hululu chahwimine Sambata, akamanunune makumi shimbiali a miaka.

Ezra 1:11

Yikwachilo yeswe ya oru ni prata yapwile tununu atano ni kulakaji awana. Yino yeswe Sheshabazare yambata muze akwa unjize akatukile ku Babilonia nikuya ku Yerusaleme.

Ezra 7:19

Ni yikwachilo yize anakwehe ha milimo ya zuwo lia Zambi ye hana kumeso ja mwe Zambi ya Yerusaleme.

Ezra 7:9

Mumu ha tangwa litangu lia kakweji mutangu yakatuka ku Babilonia, mba ha tangwa litangu lia kakweji wamuchitano yaheta ku Yerusaleme nikulita ni kwoko lipema lia Zambi yenyi hali iye.

Yishima 21:30

Mana a kulimika ni Yehova, hanji malinjekela, hanji yiyulo yakuhi.

Jeremia 20:5

Chikwo nawa munguhana upite weswe wa chihunda chino ni kufumbuka chacho cheswe, ni yuma yize ya kupita kanayizange chikolo, ni yuma yilemu ya mianangana ja A-Yunda yeswe munguyihana mu moko ja akwa kole jo, o mayipunda, mayanda, ni kuyitwala ku Babilonia.

Jeremia 27:21

Yehova-wa-Tujita, Zambi ya Izalele kanambe ha kutwala ku yikwachilo yize yasala mu zuwo lia Yehova, ni mu zuwo lia mwanangana wa Yunda, ni mu Yerusaleme, ngwenyi,

Jeremia 27:7

Mavungu eswe mamulingila, ni mwanenyi, ni mujikulu wenyi ndo mwaka wa chifuchi chenyi hiwaheta, mba mavungu anji ni mianangana anene mamupwisa kapinji ko.

Jeremia 29:10

Mumu Yehova kanambe ngwenyi, Muze makumi shimbiali a miaka hamanunuka ku Babilonia mungununangisa; mungumanununa kuli yenu chize nalakenyene. Mungunuhilwisa ku chifuchi chino.

Jeremia 32:5

Aye matwala Zedekia ku Babilonia mba kwenako matwama ndo mungumunangisa. Chipwe munulitachika ni A-Kaletea kunuchi kakumba. Chocho kanambe Yehova.

Jeremia 34:2

Yehova Zambi ya Izalele kanambe ngwenyi, Yako uhanjike ni Zedekia mwanangana wa Yunda ukambe kuli iye ngwe, Yehova kanambe ngwenyi, Ngunahana chihunda chino kuli mwanangana wa Babilonia mba iye machocha ni kahia.

Jeremia 34:3

Kuchi kwomboka mu kwoko lienyi, alioze pundu makukwata ni kukukunjika kuli iye. Mukamona mwanangana wa Babilonia liso ni liso, mukahanjika nenyi meso ni meso mba muoya ku Babilonia.

Jeremia 34:5

Kumuofwa ni sambukila. Ni chizechene ngwe ochele tumbuto twa lupembo mupema hali tulamba twe mianangana waze akutetekelele, chocho atu makwochela tumbuto twa lupembo mupema ni kukulila ngwo, Mama yami, mwata wetu! Mumu Yehova ngwenyi, Yami hinahanjika lie liji.

Daniel 5:23

alioze hinwalizundula kulimika ni Mwene wa mwilu. Yikwachilo ya mu zuwo lienyi hinwaneha kumeso jenu, ni yenu ni alemu jenu, ni mapwo jenu ni *akonkubina jenu hinwanwinamo vinyu. Hinwahalisa mazambi a prata, ni oru, ni unengu, ni utale, ni mutondo, ni mawe, aze keshi kumona, chipwe kwivwa, chipwe kunyingika; alioze Zambi yoze kali ni mwiku wenu, ni yoze kali ni chiyulo cha majila jenu eswe, kunwamulemesene.

Daniel 9:2

ha mwaka wenyi utangu wa kuyula, yami Daniel nasele chinyingi mu mikanda, nikulita ni liji lia Yehova kuli profeta Jeremia, kwalula cha miaka yize muyipalika ndo ku songo lia kupwa Yerusaleme ya hululu—chinalumbunuka, makumi shimbiali a miaka.