Jeremia 27:21 - MUKANDA USANDU WA ZAMBI 1975

²¹ Yehova-wa-Tujita, Zambi ya Izalele kanambe ha kutwala ku yikwachilo yize yasala mu zuwo lia Yehova, ni mu zuwo lia mwanangana wa Yunda, ni mu Yerusaleme, ngwenyi,

Mukanda Wa Zambi 1970

²¹ “Banjikenu yize yami Mwene Zambi Mukwa Ndundo Jeswe, Zambi ya Israele, ngunambe hakutwala ku yuma yize yasala mu zuwo lia Zambi ni mu zuwo lia mwanangana mu Yerusaleme.

Jeremia 27:21 Iomraidhean Croise

1 MIANANGANA 20:17

Matangwa aneza muze yize yeswe yili mu zuwo lie, ni yize yeswe tulamba twe aswekele ndo musono, mayimbata ku Babilonia. Nichimwe muchisala, chocho kanambe Yehova.

2 Sango Ja Mianangana 36:18

Ni yikwachilo yeswe ya mu zuwo lia Zambi, yinene ni yikepe, ni upite wa mu zuwo lia Yehova, ni upite wa mwanangana ni alemu jenyi—ayo yeswe yayimbata ku Babilonia.

Ezra 1:11

Yikwachilo yeswe ya oru ni prata yapwile tununu atano ni kulakaji awana. Yino yeswe Sheshabazare yambata muze akwa unjize akatukile ku Babilonia nikuya ku Yerusaleme.

Ezra 1:7

Chikwo nawa mwanangana Siru yatuhwisa yikwachilo ya mu zuwo lia Yehova yize Nabukanezore hachiza ku Yerusaleme nikuyisa mu zuwo lia mazambi jenyi.

Izaya 39:6

Matangwa aneza muze yize yeswe yili mu zuwo lie, ni yize yeswe tulamba twe aswekele ndo musono, mayimbata ku Babilonia. Nichimwe muchisala, chocho kanambe Yehova.

Jeremia 20:5

Chikwo nawa munguhana upite weswe wa chihunda chino ni kufumbuka chacho cheswe, ni yuma yize ya kupita kanayizange chikolo, ni yuma yilemu ya mianangana ja A-Yunda yeswe munguyihana mu moko ja akwa kole jo, o mayipunda, mayanda, ni kuyitwala ku Babilonia.

Jeremia 27:20

yize Nabukanezore mwanangana wa Babilonia kachijile muze wachijile ku Yerusaleme Jekonia mwana Jehoakime mwanangana wa Yunda hamwe ni alemu eswe ja mu Yunda ni Yerusaleme nikwatwala ku unjize mu Babilonia, ngwenyi,

Jeremia 27:22

Kumakayimbata ku Babilonia; muyikatwamako ndo tangwa lize munguyinyonga, mba munguyineha nawa nikuyisa kuma kwayo. Chocho kanambe Yehova.

Lungungu 1:10

Mukwa kole hazoza moko jenyi ha yuma yenyi yeswe yilemu; ewa, hamona mavungu kulokola muma mwenyi musandu; waze te yena waakanjishile kunjila mu chikungulwila.