Jeremia 27:19 - MUKANDA USANDU WA ZAMBI 1975

¹⁹ Mumu Yehova-wa-Tujita kanambe ha kutwala ku manguji, ni lutanke, ni yimanyino, ni yikwachilo yikwo yize yichili mu chihunda chino,

Mukanda Wa Zambi 1970

^19-20 (Muze mwanangana Nebukanezore atwalile mwanangana wa Yuda mu Babilonia, Jehoakine mwana wa Jehoakime, ni akwa lutwe ja Ayuda ni Yerusaleme, yahichika manguji, ni luchitende lwa unengu, ni yimanyino, ni yimwe yuma ya mu zuwo lia Zambi.)

Jeremia 27:19 Iomraidhean Croise

1 Yitanga Ya Mianangana 7:23

Yalinga lutanke lwa kuzuzulula ni kutoha cha kumi lia mbandu chize ku mukomo ndo ku mukomo. Lwapwile lwa chikelula ni Chizundamo chalwo te mbandu jitano. Ha kujingilika cheseko chalwo makumi atatu a mbandu.

1 Yitanga Ya Mianangana 7:27

Yalinga nawa kumi lia yimanyino ya unengu. Usuhe wa chimanyino mbandu jiwana, ni utohe mbandu jiwana, ni Chizundamo mbandu jitatu.

1 MIANANGANA 25:13

Ni manguji a unengu a mu zuwo lia Yehova ni yimanyino ni lutanke lwa unengu ya mu zuwo lia Yehova, A-Kaletea yayipalwola nikumbata unengu wayo ku Babilonia.

1 MIANANGANA 25:17

Chizundamo cha nguji limuwika kumi lia mbandu ni mbandu nake, ni chipangula cha unengu helu. Usuhe wa chipangula mbandu jitatu. Chapwile ni milimo ya kuseleka ni mihuko ya romana ha chipangula kweswe kwa kujingilika, yeswe ya unengu. Ni nguji liamuchiali chimuwika liapwile ni ye milimo ya kuseleka.

2 Sango Ja Mianangana 36:18

Ni yikwachilo yeswe ya mu zuwo lia Zambi, yinene ni yikepe, ni upite wa mu zuwo lia Yehova, ni upite wa mwanangana ni alemu jenyi—ayo yeswe yayimbata ku Babilonia.

Lungungu 1:10

Mukwa kole hazoza moko jenyi ha yuma yenyi yeswe yilemu; ewa, hamona mavungu kulokola muma mwenyi musandu; waze te yena waakanjishile kunjila mu chikungulwila.

Daniel 1:2

Mwene yakunjika Jehoakime mwanangana wa Yunda kuli iye, hamwe ni yikwachilo yimwe ya mu zuwo lia Zambi. Yayineha ku chifuchi cha Shinare, ku zuwo lia zambi yenyi. Yasa yikwachilo mu zuwo lia kutulikila upite wa zambi yenyi.