Jeremia 27:17 - MUKANDA USANDU WA ZAMBI 1975

¹⁷ Kanda nupanjika kuli ayo. Lingilenu mwanangana wa Babilonia nukatwame ni mwono. Kuchi te mapwisa chihunda chino kuchishi atu?

Mukanda Wa Zambi 1970

¹⁷ Kanda nwabanjika. Zeyelenu kuli mwanangana wa Babilonia mba nubwe ni mwono! Mumu yika limbo lino mulibuzukila?

Jeremia 27:17 Iomraidhean Croise

Jeremia 38:17

Mba Jeremia yamba kuli Zedekia ngwenyi, Yehova, Zambi-ya-Tujita, Zambi ya Izalele kanambe ngwenyi, Nyi munuzeya kuli alemu ja mwanangana wa Babilonia kechi kunushiha, ni chihunda chino kechi kuchocha ni kahia, ni yenu ni munyachi wenu, munukatwama ni mwono.

Jeremia 38:23

Mapwo jenu eswe ni ana jenu eswe a malunga makaatwala kuli A-Kaletea ni yenu mwene kunuchi kapuluka kuli ayo. Mwanangana wa Babilonia kumakanukwata ni chihunda chino makachocha ni kahia.

Jeremia 42:11

Kanda nuvwila woma mwanangana wa Babilonia, yoze nwakumuvwila woma. Yehova kanambe ngwenyi, Kanda numuvwila woma mumu yami nguli hamwe ni yenu kunulamwina ni kunupulula kuli iye.

Jeremia 7:34

Mu yihunda ya Yunda ni ha matapalo a Yerusaleme mungusulisa liji lia chiseke ni liji lia uwahililo, ni liji lia sandungi, ni liji lia ndungi, mumu chifuchi muchalumuka puya.