Jeremia 27:15 - MUKANDA USANDU WA ZAMBI 1975

¹⁵ Yehova kanambe ngwenyi, Chaatumine yami, hindu kanaprofeteza mahuza mu jina liami, kashika mungunuhuma mba munukakuwa, ni yenu ni aprofeta aze anaprofeteza kuli yenu.

Mukanda Wa Zambi 1970

¹⁵ Mwene Zambi iye mwene hamba ngwenyi: ‘Chaatumine ko kwami. Kaananwongo mu jina liami.’ Ha chino, mungunutuhwisa mu chifuchi chenu hanga anushihe, yenu ni e akwa munanyi jenu waze akunulweza yuma ya mahuza.”

Jeremia 27:15 Iomraidhean Croise

2 Sango Ja Mianangana 25:16

Shimbu machihanjika nenyi, mwanangana yamba kuli iye ngwenyi, Te hitwakupwisa kaliamanga ka mwanangana? Holako! Nyi unazange akulambe? Kashika profeta yahola. Yamba ngwenyi, Ngunanyingika Zambi kanapale kukwonwona mumu hiwalinga chino, kusolo kupanjika ku chiyulo chami.

Jeremia 14:14

Yehova yamba kuli yami ngwenyi, Aprofeta anaprofeteza mahuza mu jina liami. Ami chaatumine, chipwe kwaaha liji chipwe kuhanjika no. Kanaprofeteza kuli yenu usolwelo wa mahuza, ngombo yamokomoko, ni kwonga cha mu manyonga jo ene.

Jeremia 20:6

Ni yena Pashure ni waze eswe a ku zuwo lie munuya ku ufunge. Kwe ku Babilonia munuya, mba kwenako munufwila, ni kwenako manufunda, yena ni masepa je eswe waze hiwaprofeteza kuli ayo ni mahuza.

Jeremia 23:15

Kashika Yehova-wa-Tujita kanambe ha kutwala kuli aprofeta ngwenyi, Mungwalisa musase ni kwanwisa meya a kasashisa mumu kuli aprofeta ja Yerusaleme utanganyanyi hiwalitanda mu chifuchi cheswe.

Jeremia 23:21

Ami chatumine aprofeta, hindu azombokele. Chahanjikile no hindu aprofetezele.

Jeremia 23:25

Hinevwa aprofeta ha kuprofeteza mahuza mu jina liami ngwo, Hinalota, hinalota!

Jeremia 27:10

Mumu yize anaprofeteza kuli yenu mahuza kashika manuchiza ku chifuchi chenu ni yami mungukanuhumako, munukakuwa.

Jeremia 29:8

Mumu Yehova-wa-Tujita, Zambi ya Izalele kanambe ngwenyi, Kanda nutayiza aprofeta ni tahi waze atwama hakachi kenu kunwonga. Kanda nupanjika ku yilota yize akulota,

Jeremia 29:9

mumu kananuprofetezela mahuza mu jina liami. Ami chaatumine. Chocho kanambe Yehova.

Jeremia 38:22

mapwo eswe waze asala mu zuwo lia mwanangana wa Yunda te maatwala kuli alemu ja mwanangana wa Babilonia nikwamba ngwo, Masepa je aze waafulielele hanakwongo, hanakukumbu. Haliapwila muze molu je anashimbama mu malowa kanakutewulula meso jo.

Mateu 15:14

Ahichikenu: tupuputa kanafupu kusongwela tupuputa, nyi kachi kapuputa masongwela kapuputa, eswe aali kumakalimbukila mu wina.

Mateu 24:24

Mumu akristu a kwonga ni aprofeta a kwonga kumakasoloka, no makasolola yilayi yinene ni yikomokeso; hanga nyi machihasa, akapiangule chipwe waze hanaatongola.

Usolwelo 19:20

Mba akwachile mwe ngongo, ni profeta wa kwonga hamwe nenyi, yoze walingile yilayi kumeso jenyi, yize wapiangwile nayo waze atambwile mufunda wa ngongo, ni waze awayilile kaponya kenyi: eswe ni aali aanyashine a mwono mu Chitende cha kahia chize cha kuyila ni fundanga.