Jeremia 27:14 - MUKANDA USANDU WA ZAMBI 1975

¹⁴ Kanda nupanjika ku maliji ja aprofeta aze anambe kuli yenu ngwo, Kunuchi kalingila mwanangana wa Babilonia. Mumu yize anaprofeteza kuli yenu mahuza.

Mukanda Wa Zambi 1970

¹⁴ Kanda nubanjika kuli akwa munanyi waze ananwambe ngwo: ‘Kanda nuzeyela kuli mwanangana wa Babilonia. Kaananwongo!’

Jeremia 27:14 Iomraidhean Croise

Jeremia 14:14

Yehova yamba kuli yami ngwenyi, Aprofeta anaprofeteza mahuza mu jina liami. Ami chaatumine, chipwe kwaaha liji chipwe kuhanjika no. Kanaprofeteza kuli yenu usolwelo wa mahuza, ngombo yamokomoko, ni kwonga cha mu manyonga jo ene.

Jeremia 23:21

Ami chatumine aprofeta, hindu azombokele. Chahanjikile no hindu aprofetezele.

Jeremia 23:25

Hinevwa aprofeta ha kuprofeteza mahuza mu jina liami ngwo, Hinalota, hinalota!

Jeremia 28:15

Mba profeta Jeremia yamba kuli profeta Hanania ngwenyi, Panjika Hanania, Yehova kakutumine alioze yena hiwakoka akwa vungu lino akafuliele mahuza.

Jeremia 37:19

Aprofeta jenu aze aprofetezele kuli yenu ngwo, Mwanangana wa Babilonia kechi kwiza kulimika ni yenu hanji kulimika ni chifuchi chino, kulihi ali haliapwila?

Jeremia 38:22

mapwo eswe waze asala mu zuwo lia mwanangana wa Yunda te maatwala kuli alemu ja mwanangana wa Babilonia nikwamba ngwo, Masepa je aze waafulielele hanakwongo, hanakukumbu. Haliapwila muze molu je anashimbama mu malowa kanakutewulula meso jo.

Lungungu 2:14

Aprofeta je hakumwena usolwelo wa mahuza, wa kwonga. Kasolwele uhenge we akahilwise kuwaha che, alioze hakumwena yilayi ya mahuza ni ya kukupiangula.

Mika 2:11

Nyi mutu mendangana nikwambulula fuji ni mahuza ngwenyi, Mungunulumbunwina yuma ya vinyu ni kunwa chisasu kachi mwenawo mapwa Chilumbununyi wa wano atu!

Zakaria 10:2

Mumu terafimi hanahanjika chize kuchalumbunukine; tahi hanamono mahuza; akwa yilota kanaula yilota ya kwonga, nikulembejeka chamokomoko. Kashika atu anendangana ngwe mapanga; kanapinji mumu ha kuhona kafunga.

Mateu 7:15

Alioze keyelenu aprofeta a kwonga, waze akwiza kuli yenu ni mazalo ja mapanga, alioze muchima kanapu tungunga a kunuwumbula.

Filipu 3:2

Keyelenu tuwa, keyelenu akwa milimo api, keyelenu akwa kuliteta.

1 Yoano 4:1

Akwetu a zango, kanda nufuliela maspiritu eswe, aiioze esekenu maspiritu, kachi mapwa maspiritu a kuli Zambi; mumu aprofeta a kwonga anji haneza hano hashi.