Jeremia 27:12 - MUKANDA USANDU WA ZAMBI 1975

¹² Yinguhanjika chizechene kuli Zedekia mwanangana wa Yunda ngwami, Zeyesenu makota jenu kushi lia kanga ya mwanangana wa Babilonia nukamulingile ni atu jenyi nukatwame ni mwono.

Mukanda Wa Zambi 1970

¹² Nalweza mwanangana Zedekia wa Yuda maliji waze ene ngwami: “Zeyela kuli mwanangana wa Babilonia. Umulingile, ni e atu jenyi, mba nubwe ni mwono.

Jeremia 27:12 Iomraidhean Croise

Yishima 1:33

Alioze mweswawo mangwivwa matwama kanawa; kumakahwima ni woma wa yipi wakuhi.

Jeremia 17:4

Kumunwecha kwoko lienu, ku chihinga chenu nanuhele, mba mungunutuma kulingila akwa kole jenu mu chifuchi kunwachinyingikine, mumu mu utenu wami hinawika kahia, mukalekwoka miaka yeswe.

Jeremia 21:9

Mweswe masala mu chihunda chino mafwa ni katana, ni kapunga, ni chilungo, alioze mweswe matuhuka nikulikunjika kuli A-Kaletea waze ananuseleka kechi kufwa, mamwaha mwono wenyi, upite wa jita.

Jeremia 27:8

Alioze nyi vungu limwe hanji wanangana umwe kechi kalingila yono Nabukanezore mwanangana wa Babilonia; kechi katá kusa makota jo mu kanga ya mwanangana wa Babilonia, munguhana kastigu ku vungu lize ni katana, ni kapunga, ni chilungo ndo hinaanongesa ku kwoko lienyi. Chocho kanambe Yehova.

Jeremia 28:1

Ha mwaka uze wene, ha kuputuka kuyula Zedekia mwanangana wa Yunda ha kakweji wamuchitano ha mwaka wamuchiwana, Hanania mwana Azure profeta wa ku Ngibeone yahanjika ni yami mu zuwo lia Yehova, kumeso ja asasendote ni atu eswe ngwenyi,

Jeremia 28:2

Yehova-wa-Tujita Zambi ya Izalele kanambe ngwenyi, Hinapatula kanga ya mwanangana wa Babilonia.

Jeremia 38:17

Mba Jeremia yamba kuli Zedekia ngwenyi, Yehova, Zambi-ya-Tujita, Zambi ya Izalele kanambe ngwenyi, Nyi munuzeya kuli alemu ja mwanangana wa Babilonia kechi kunushiha, ni chihunda chino kechi kuchocha ni kahia, ni yenu ni munyachi wenu, munukatwama ni mwono.

Jeremia 42:11

Kanda nuvwila woma mwanangana wa Babilonia, yoze nwakumuvwila woma. Yehova kanambe ngwenyi, Kanda numuvwila woma mumu yami nguli hamwe ni yenu kunulamwina ni kunupulula kuli iye.