Jeremia 27:1 - MUKANDA USANDU WA ZAMBI 1975

¹ Ha kuputuka kuyula Zedekia mwana Josia mwanangana wa Yunda, liji lino liejile kuli Jeremia lia kuli Yehova:

Mukanda Wa Zambi 1970

¹ Muze Josia mwana wa Zedekia habwa mwanangana wa Yuda, Mwene Zambi yangwamba ngwenyi:

Jeremia 27:1 Iomraidhean Croise

1 MIANANGANA 24:18

Ha kuputuka kuyula Zedekia wapwile ni makumi aali a miaka ni mwaka umuwika. Wayulile kumi lia miaka ni mwaka umuwika mu Yerusaleme. Jina lia naye Hamutala mwana Jeremia wa ku Libna.

2 Sango Ja Mianangana 36:11

Ha kuputuka kuyula Zedekia wapwile ni makumi aali a miaka ni mwaka umuwika. Wayulile mu Yerusaleme kumi lia miaka ni mwaka umuwika.

Jeremia 26:1

Ha kuputuka kuyula Jehoakime mwana Josia mwanangana wa Yunda, liji lino liakatukile kuli Yehova.

Jeremia 27:12

Yinguhanjika chizechene kuli Zedekia mwanangana wa Yunda ngwami, Zeyesenu makota jenu kushi lia kanga ya mwanangana wa Babilonia nukamulingile ni atu jenyi nukatwame ni mwono.

Jeremia 27:3

Mba tuma liji kuli mwanangana wa Endome, ni mwanangana wa Moape, ni mwanangana wa ana ja Amone, ni mwanangana wa Teru, ni mwanangana wa Sendone ku moko ja tunganda two waze haneza kuli Zedekia mwanangana wa Yunda ku Yerusaleme.

Jeremia 28:1

Ha mwaka uze wene, ha kuputuka kuyula Zedekia mwanangana wa Yunda ha kakweji wamuchitano ha mwaka wamuchiwana, Hanania mwana Azure profeta wa ku Ngibeone yahanjika ni yami mu zuwo lia Yehova, kumeso ja asasendote ni atu eswe ngwenyi,

Jeremia 32:1

Liji lize liejile kuli Jeremia lia kuli Yehova ha mwaka wamuchikumi wa Zedekia mwanangana wa Yunda, wenawo mwaka kumi ni wamuchinake wa Nabukanezore.