Jeremia 26:9 - MUKANDA USANDU WA ZAMBI 1975

⁹ Kuchi te hiwaprofeteza mu jina lia Yehova ngwe, Zuwo lino mulipwa ngwe Shilo, ni chihunda chino muchipwa cha woya, kuchishi atu? Mba atu eswe yaseleka Jeremia mwe mu zuwo lia Yehova.

Mukanda Wa Zambi 1970

⁹ Mumu yika hiwamba mu jina lia Mwene Zambi ngwe, zuwo lino kumulibwa ngwe Shilo, chikwo ngwe, limbo lino mulibwa yikulu, mutu niumwe kechi kutwama mo nawa?” Mba atu yaangulundumukina.

Jeremia 26:9 Iomraidhean Croise

2 Sango Ja Mianangana 25:16

Shimbu machihanjika nenyi, mwanangana yamba kuli iye ngwenyi, Te hitwakupwisa kaliamanga ka mwanangana? Holako! Nyi unazange akulambe? Kashika profeta yahola. Yamba ngwenyi, Ngunanyingika Zambi kanapale kukwonwona mumu hiwalinga chino, kusolo kupanjika ku chiyulo chami.

Izaya 29:21

waze te ha liji limuwika kakupwisa mutu chivulumunyi. Yoze makanjisa mamutela muheto mu chikolo; yoze unasambe mamupiangula ni ungaji wamokomoko.

Jeremia 32:3

Mumu Zedekia mwanangana wa Yunda hamusa mu zuwo lia ususu ngwenyi, Kuchi te wakuprofeteza ngwe, Yehova kanambe ngwenyi, Ngunakunjika chihunda chino mu moko ja mwanangana wa Babilonia mba machitambula?

Jeremia 33:10

Yehova kanambe ngwenyi, Muno mwene enu nwakwamba ngwenu, Munapu mwa hululu, kumushi atu chipwe yimuna, ni mu yihunda ya Yunda, ni mu matapalo ja Yerusaleme muze munapu mwamokomoko, kumushi atu, chipwe akwa kutungako, chipwe yimuna, ngwami,

Jeremia 36:29

Ha kutwala kuli Jehoakime mwanangana wa Yunda muwamba ngwe, Yehova kanambe ngwenyi, Hiunocho mukanda uno nikwamba ngwe, Kuchi te hiwasonekamo ngwe mwanangana wa Babilonia meza pundu ni kwonwona chifuchi chino, ni kutetamo mutu ni chimuna?

Jeremia 9:11

Mungupwisa Yerusaleme mulumba wa yipuzu, chipombelo cha mikuza. Mungupwisa yihunda ya Yunda puya, kuze kukwatwamine atu.

Lungungu 4:13

Chino chapwile mumu ha milonga ya aprofeta jenyi, ni ha uhenge wa asasendote jenyi, waze amwangine hakachi ko manyinga ja akwa ululi.

Amose 5:10

Mukwa kukanjisa mu chota kakumuvwila kole; kakuvwila kupiha yoze mahanjika umwenemwene.

Mika 2:6

Kakwamba ngwo, Kanda nwambulula! Kuchatambile kwambulula yino yuma; mumu kusauka kuchichi katuwana.

Mateu 21:23

Muze anjilile mu tembele, asasendote akwa lutwe ni makulwana ja atu ejile kuli iye shimbu machilongesa ngwo, Ni chiyulo chika wakulinga yino yuma? Iya wakuhele chiyulo chino?

Mateu 27:20

Achi, asasendote akwa lutwe ni makulwana akunwine mbunga hanga ete Mbarapa, akonwone Yesu.

Marku 15:11

Alioze asasendote akwa lutwe avundwile mbunga hanga Shinaho atusule Mbarapa kuli ayo.

Yoano 8:20

Maliji ano wahanjikile mu zuwo lia milambu, shimbu alongesele mu tembele: mba niumwe wamukwachile; mumu ola yenyi kanda yichiza.

Yoano 8:59

Anjile kashika mawe hanga amwase; alioze Yesu waswamine, watuhukile mu tembele nikupalika ndusu mukachi ko wayile kwenyi, chocho wahianyine.

Yilinga 13:50

Alioze A-Yunda akapwile pichi ja mapwo akwa uwayilo alemu, ni akwa lutwe a mu limbo, o avundwile yihungumiona hali Paulu ni Mbarnavwe, aambilile haze lia manjiza jo.

Yilinga 21:30

Limbo lieswe liapwile ni Chizungozungo, atu akungulukile; akwachile Paulu, amumbulumwine haze lia tembele; haze hene ajilile mapito.

Yilinga 22:22

O ahalakanyine ndo ku liji lino; alioze akololokele, ngwo, Chizenu yono mutu hano hashi: mumu katelele kutwama ni mwono.

Yilinga 3:11

Shimbu akwachile Petulu ni Yoano, atu eswe azombokele nikulikungulula kuli ayo mushi lia Senge jina lialio Lia Solomone, nikukomoka chikolo.

Yilinga 5:12

Mba ku moko ja apostolo alingile yilayi yinji ni yipekesa hakachi ka atu: o apwile ni mbunge yimuwika mu Senge lia Solomone.

Yilinga 5:28

Tunakanwaha koki ngwetu, Kanda nukalongesa mu jina lino: ni kumanyi, hinunazalisa Yerusaleme ni longeso lienu, nunafupu kuneha manyinga ja yono mutu hali yetu.

Yilinga 6:14

Mumu twamuvwile nikwamba ngwenyi, Yono Yesu Ka-Nazare kumakonwona kuma kuno, iye kumakalumuna ndako jize atukunjikile Mose.

Yoshua 18:1

Chikungulwila cheswe cha A-Izalele chakungulukile ku Shilo. Yamikako mbalaka ya chikungulwila. Chifuchi te chazeya kumeso jo.