Jeremia 26:5 - MUKANDA USANDU WA ZAMBI 1975

⁵ nukapanjike ku maliji a tuvumbi twami aprofeta, aze nakulikoleza kutuma chipwe kunwachinyongene,

Mukanda Wa Zambi 1970

⁵ ni kukanyama ku maliji a tuvumbi twami, akwa munanyi, waze te nakunutumina. Kunwalingile nichimwe yuma yize anulongesele.

Jeremia 26:5 Iomraidhean Croise

1 MIANANGANA 17:13

Alioze Yehova washindakenyene kuli A-Izalele ni kuli A-Yunda kuli profeta mweswe ni kuli mukwa kumona mweswe ngwenyi, Alumukenu ku ndako jenu jipi nukafunge shimbi jami ni yiyulo yami nikulita ni shimbi jami jeswe jize natuminyine tulamba twenu, te jize nanutumine kuli tuvumbi twami aprofeta.

1 MIANANGANA 17:23

ndo Yehova wachijile Izalele kumeso jenyi, ngwe wambile kuli tuvumbi twenyi aprofeta eswe. Chocho yachiza A-Izalele ku chifuchi cho, yaatwala ku Asuria, ndo musono.

1 MIANANGANA 24:2

Yehova yatuma kulimika nenyi mbunga ja A-Kaletea, ni mbunga ja A-Seria, ni mbunga ja A-Moape, ni mbunga ja A-Amone. Yaatuma kulimika ni A-Yunda akaonwone nikulita ni liji lia Yehova lize ahanjikile kuli tuvumbi twenyi aprofeta.

1 MIANANGANA 9:7

Kumulamba munyachi wa Ahabe mwata we hanga ngukakalile hali Jezebele manyinga ja tuvumbi twami aprofeta, ni manyinga ja tuvumbi twa Yehova eswe.

Ezra 9:11

jize watumine kuli tuvumbi twe aprofeta ngwe, Chifuchi chize nunayi kutambula, chifuchi cha luchisa mumu ha luchisa wa atu a yifuchi, ni yizelwokeso yo yize hiyachizalisa ni luchisa, chize ku songo limwe ndo ku songo likwo.

Jeremia 11:7

Mumu natowezele tulamba twenu ni tachi muze naachijile ku chifuchi cha Engitu, nikwatoweza tangwa ha tangwa ndo musono uno ngwami, Ononokenu ku liji liami.

Jeremia 29:19

mumu kapanjikile maliji jami, Yehova ngwenyi, Nalikolezele kutuma ni tuvumbi twami aprofeta alioze kunwapanjikile.

Jeremia 32:33

Manyima jo hangutalikisa hi meso jo ko, mba chipwe hinaalongiesalongiesa hindu kapanjikile akatambule longeso liami.

Jeremia 35:15

Hinatuma tuvumbi twami aprofeta eswe ni kulitwamina ka, ngwami, Alumukenu yenu eswe nukahichike mutu mweswe ndako jenyi jipi. Pemesenu yitanga yenu; kanda nukaula mazambi akwo nukaalingile, hanga nukatwame mu chifuchi chino nahanyine kuli yenu ni kuli tulamba twenu. Alioze kunwatelele matwi jenu, chipwe kungwivwa.

Jeremia 35:17

Kashika Yehova, Zambi-ya-Tujita, Zambi ya Izalele kanambe ngwenyi, Ngunaneha hali A-Yunda ni akwa Yerusaleme eswe yuma yize yikalu hinatongola kuli ayo. Mumu hingunahanjika kuli ayo hindu kevwile; hingunaasanyika hindu katayile.

Jeremia 44:4

Hindu natuminetumine kuli yenu tuvumbi twami eswe aprofeta ngwami, Kanda nulinga chuma chino cha kuzelwokesa cha kunguvwisa lwaji.

Jeremia 7:13

Kashika haliapwila Yehova kanambe ngwenyi, Mumu hinwalinga yuma yino yeswe mba muze nahanjikile kuli yenu nikutumatuma kunwapanjikile, muze nasanyikine kunwakumbulwile,

Jeremia 7:25

Chize ku tangwa lize tulamba twenu akatukile ku chifuchi cha Engitu ndo musono, chahonene kutuma tuvumbi twami aprofeta kuli ayo tangwa ha tangwa;

Ezekiel 38:17

Mwene Yehova kanambe ngwenyi, Yena uli mwe mutu natongwele ha shakulu ku makanwa ja tuvumbi twami aprofeta ja Izalele. Te ha matangwa aze aprofetezele miaka ngwo, Yehova makakukoka ukalimike no.

Amose 3:7

Pundu Mwene Yehova keshi kulinga chuma shina malweza chijimbikilo chenyi kuli tuvumbi twenyi aprofeta.

Zakaria 1:6

Maliji jami ni yiyulo yami yize natumine kuli tuvumbi twami aprofeta te kuyawanyine tulamba twenu? Kashika yalikonyeka ngwo, Chizechene ngwe Yehova-wa-Tujita wanyongene kulinga ni yetu mumu ha majila jetu ni yitanga yetu, chochene hatulinga.

Usolwelo 10:7

Alioze ha matangwa ja liji lia mungelo wamuchishimbiali, muze memba chitavwi, hohene chijimbikilo cha Zambi muchimanunuka, nikulita ni sango lipema lize hanambujola kuli ndungo jenyi aprofeta.

Usolwelo 11:18

Ni mavungu atenukine, ni utenu we hiuneza, ni mwaka wa kupatwila afu, ni wa kwononona ndungo je, aprofeta ni asandu, ni waze akwivwa woma wa jina lie, ni akepe ni anene, mukwonwona waze akwonwona hashi.