Jeremia 26:4 - MUKANDA USANDU WA ZAMBI 1975

⁴ Muwamba kuli ayo ngwe, Yehova kanambe ngwenyi, Nyi kunuchi kupanjika kuli yami nukende mu shimbi yami yize ngunase kumeso jenu

Mukanda Wa Zambi 1970

⁴ Mwene Zambi yahanjika nikulweza atu ngwenyi: “Yami, Mwene Zambi, hinamba ngwami, chatamba kungwononokena ni kufunga longeso lize hinanulongesa,

Jeremia 26:4 Iomraidhean Croise

1 Yitanga Ya Mianangana 9:6

Alioze nyi mutewuluka nikulitwamina kungukaula, chipwe yena chipwe ana je, hanji kuchi kuhinga shimbi jami ni yiyulo yami yize hinasa kumeso je ukaye ukalingile mazambi akwo nikwawayila,

Izaya 1:20

alioze nyi munukwata pami ni kukolema, munukanonga ni katana, mumu kanwa lia Yehova hilinahanjika.

Jeremia 17:27

Alioze nyi kunuchi kungupanjika, kufunga Sambata nikulitwamina kumbata chiteli nikunjila ku yikolo ya Yerusaleme ha Sambata, munguwika kahia mu yikolo yayo, mba mukalalisa palasiu ja Yerusaleme ni kujima ka.

Jeremia 22:5

Alioze nyi kunwapanjikile maliji wano, Yehova kanambe ngwenyi, Ngunalishingi ni yami mwene ngwami, zuwo lino mulialumuka lia kwenyeka.

Jeremia 32:23

O yanjila yachizuka, alioze kononokene ku liji lie, chipwe kwenda nikulita ni shimbi ye. Kalingile nichimwe cha yize waatumine yena. Kashika waatumine yikalu yino yeswe kuli ayo.

Jeremia 44:10

Kalikehesele ndo ku tangwa lino lia musono, chipwe kwivwa woma, chipwe kwenda nikulita ni shimbi jami hanji yiyulo yami yize nasele kumeso jenu ni kumeso ja tulamba twenu.

Jeremia 44:23

Chipi chino cheswe hichanuwana ndo musono mumu nwochele insensu, ni kuvulumuna Yehova; kunwononokene ku liji lia Yehova, chipwe kwenda nikulita ni shimbi jenyi, hanji yiyulo yenyi, hanji Shindakenyo jenyi.

Jeremia 7:14

kashika zuwo lino hanaliluku jina liami, ni yenu nunafulielamo, ni kuma kuno nanuhele yenu ni tulamba twenu, mungulilinga chize nalingile ku Shilo.

Shimbi 11:32

nukanyame, nulinge yiyulo yeswe ni upatwilo ngunase kumeso jenu musono.

Shimbi 31:20

Muze mungwahetesa mu chifuchi nalishingile kuli tulamba two mukwaahacho, kuze kunokela yamwa ni wuchi, ha kulia, ha kukuta, ha kutoha, henaho o makatewulukila ku tuzambi tweka, nikutuvumbika, makangulelesa, makatangula usendo wami.

Shimbi 4:44

Shimbi yino Mose wasele kumeso ja A-Izalele,

Shimbi 4:8

Vungu lika linene liliko Ukwete yiyulo ni upatwilo ya ululi ngwe shimbi yino yeswe hinasa kumeso jenu tangwa Uno?

Hebreu 6:18

Hanga ku yuma yiali kuyishi kuhasa kwalumuka, mu yino Zambi kechi kuhasa kuhanjika mahuza, tukapwe ni kulembejeka cha ngolo, yetu hitunachinyina kukwata ku kutalatala chize chili kulutwe lietu.