Jeremia 26:24 - MUKANDA USANDU WA ZAMBI 1975

²⁴ Alioze kwoko lia Ahikame mwana Shafane Wakwashile Jeremia kashika kamuhanyine kuli atu amushihe.

Mukanda Wa Zambi 1970

²⁴ Alioze Ahikame mwana wa Shafane yangufunga, kashika kangukunjikile ko mu moko ja atu angushihe.

Jeremia 26:24 Iomraidhean Croise

1 Yitanga Ya Mianangana 18:4

Muze Jezebele washihile aprofeta ja Yehova Obadia watambwile kulakaji lia aprofeta, waaswekele makumi atano mu chivwenge chimwe, makumi atano mu chivwenge chikwo, waahele kulia ni meya.)

1 MIANANGANA 25:22

Ha kutwala kuli atu aze asalile mu chifuchi cha Yunda, waze te Nabukanezore mwanangana wa Babilonia hanahichika, hali ayo wasele Gedalia mwana Ahikame mwana Shafane akapwe mukwa kwayula.

2 Sango Ja Mianangana 34:20

Mwanangana yatuma Hilekia, ni Ahikame, mwana Shafane, ni Abadone mwana Mika, ni Shafane mukwa kusonyeka, ni Asaia kaselo ka mwanangana ngwenyi,

Jeremia 29:3

Yatuma mukanda mu kwoko lia Eleasa mwana Shafane, ni Gemaria mwana Hilekia waze Zedekia mwanangana wa Yunda yatuma kuli Nabukanezore mwanangana wa Babilonia. Mu mukanda yamba ngwenyi,

Jeremia 36:10

Henaho, mu matwi ja atu eswe Baruke yatanga maliji a Jeremia ku mukanda mu zuwo lia Yehova mu chipatulo cha Gemaria mwana Shafane mukwa kusonyeka, te chili mu yize ya ku tunda, ku unjililo wa Chikolo Chaha cha zuwo lia Yehova.

Jeremia 36:11

Muze Mikaia mwana Gemaria mwana Shafane, wevwile maliji eswe a Yehova ku mukanda,

Jeremia 36:12

yaya ku zuwo lia mwanangana, mwe mu chipatulo cha mukwa kusonyeka. Alemu eswe te kokwene kwali; Elisama mwe mukwa kusonyeka, ni Ndelaia mwana Shemaia, ni Elenatane mwana Akopore, ni Gemaria mwana Shafane, ni Zedekia mwana Hanania ni alemu eswe.

Jeremia 36:19

Alemu yamba kuli Baruke ngwo, Yako ukaswame, ni yena ni Jeremia. Kanda nulweza niumwe kuze nuli.

Jeremia 36:26

Mba mwanangana yatuma Jeramila mwana wa mwanangana, ni Seraia mwana Azriele, ni Shelemia mwana Abadiele akakwate mukwa kusonyeka Baruke ni profeta Jeremia, alioze Yehova waaswekele.

Jeremia 39:14

yatuma kuchiza Jeremia ku yize ya tulayi. Yamukunjika kuli Gedalia mwana Ahikame mwana Shafane, akamutwale ku zuwo lienyi. Chocho yatwama hakachi ka e atu.

Ezekiel 8:11

Kumeso jo kwamanyine makumi shimbiali a malunga, makulwana a munyachi wa Izalele, ni Jazania mwana Shafana kanamana hakachi ko. Mweswe kali ni kandeho ka kwochelamo insensu mu kwoko lienyi, ni lelwa lia mwishi wa insensu linafwindangana.

Yilinga 23:10

Muze Chizungozungo chinene chavundukile, manjolo, nikwivwa woma kuchina matanwona Paulu yihanda, wambile mbunga ya maswalale apalumuke, akamuchize ni tachi mukachi ko, akamunjise mu mbonge.

Yilinga 27:43

Alioze kapitau, nikuzanga kulamwina Paulu, waachijile ku upale wo; wambile waze ahashile kusányika alimbile hatangu mu meya, ahete hashi;

Usolwelo 12:16

Ni hashi hakwashile pwo, ni hashi hapakwile kanwa liaho ni hashi haminyine mihwiji yize ndragau Watuhwishile mu kanwa lienyi.