Jeremia 26:21 - MUKANDA USANDU WA ZAMBI 1975

²¹ Muze mwanangana Jehoakime ni tujita twenyi eswe ni alemu jenyi eswe evwile maliji jenyi mwanangana wafupile kumushiha. Alioze Uriya yachivwa, yevwa woma, yomboka, yachinyina ku Engitu.

Mukanda Wa Zambi 1970

²¹ Muze mwanangana Jehoakime, ni tujita twenyi, ni miata a chifuchi heevwa chize ahanjikile Uria, mwanangana yamba kumushiha. Alioze Uria yachivwa, yachina ni woma ku Egiptu.

Jeremia 26:21 Iomraidhean Croise

1 Yitanga Ya Mianangana 18:10

Ni mwono wa Yehova Zambi yenu kukushi chifuchi hanji vungu kuze mwata wami katumine kunufupa, mba muze kanuwanyine yaashingisa pundu pundu ngwo, Kutwamuwanyine.

2 Sango Ja Mianangana 16:10

Asa yatenuka ni mwe mukwa kumona, yamusa mu zuwo lia ususu. Wamuvwilile ufwatulo ha chikuma chino. Asa yapinjisa amwe hakachi ka e atu nawa ha matangwa aze.

2 Sango Ja Mianangana 24:21

Alioze amutwamine punga. Yamwasa mawe nikulita ni liji lia mwanangana, mu yize ya zuwo lia Yehova.

Miaso (Masamu) 119:109

Mwono wami ngunaukwata mu kwoko liami matangwa eswe, hindu chishi kuvulama shimbi ye.

Yishima 29:25

Kuvwila woma atu muchineha kambwila; alioze mweswe mafuliela Yehova matwama kanawa.

Jeremia 26:10

Muze alemu ja Yunda evwile yino yuma yakatuka ku zuwo lia mwanangana yeza ku zuwo lia Yehova. Yatwama ha yitwamo yo ku unjililo wa Chikolo Chaha cha ku zuwo lia Yehova.

Jeremia 36:26

Mba mwanangana yatuma Jeramila mwana wa mwanangana, ni Seraia mwana Azriele, ni Shelemia mwana Abadiele akakwate mukwa kusonyeka Baruke ni profeta Jeremia, alioze Yehova waaswekele.

Jeremia 38:4

Mba e alemu yamba kuli mwanangana ngwo, Yono lunga chatamba kumushiha mumu kanachiza tachi kuli maswalale waze asala mu chihunda chino, ni kuli atu eswe, ha kuhanjika maliji wano kuli ayo. Yono lunga kafupile kuwahisa akwa vungu lino; kanafupu kwalambula.

Mateu 10:23

Alioze muze manuhungumiona mu limbo lino, chinyinenu ku likwo, mumu pundu ngunambe kuli yenu ngwami, Kunuchi kamanununa membo a mu Izalele ndo mwe Mwana Mutu meza.

Mateu 10:28

Kanda nukavwila woma waze akushiha mujimba, hindu kahashile kushiha alma: alioze Shinaho muvwilenu woma yoze mahasa kwonwona ni alma ni mujimba mu Ngehena.

Mateu 10:39

Yoze mawana mwono wenyi kumakautokesa; yoze matokesa mwono wenyi mumu hali yami, kumakauwana.

Mateu 14:5

Muze azangile kumushiha, wevwile woma wa mbunga, mumu amumwene profeta.

Marku 6:19

Ni Herondeya wamuhalililecho, wazangile kumushiha; alioze kahashile.