Jeremia 26:2 - MUKANDA USANDU WA ZAMBI 1975

² Yehova kanambe ngwenyi, Manyina mu yize ya zuwo lia Yehova ukahanjike kuli akwa yihunda yeswe ya Yunda waze akwiza kuwayila mu zuwo lia Yehova maliji eswe mungukwaha kuhanjika no. Kanda uhichika chipwe liji limuwika.

Mukanda Wa Zambi 1970

² Mwene Zambi yangwamba ngwenyi: “Mana mu yiize ya zuwo lia Zambi, wambujole yeswe yize hinakwamba kulweza atu waze aneza ku membo ja Ayuda ni kuwayila ko. Kanda uhichika liji nilimwe.

Jeremia 26:2 Iomraidhean Croise

Jeremia 1:17

Alioze ena, jichika muya we; katuka ukambe kuli ayo yeswe mungukutumina. Kanda wavwila woma, kuchina mungukuvwisa woma kumeso jo.

Jeremia 1:7

Alioze Yehova yamba kuli yami ngwenyi. Kanda wamba ngwe, Nguchili mukweze, mumu muoya kuli waze eswe mungukutuma, muhanjika cheswacho mungukwamba.

Jeremia 19:14

Mba Jeremia yakatuka ku Tofete kuze Yehova te kamutumanga kuprofeteza, yamanyina mu yize ya zuwo lia Yehova, yamba kuli atu eswe ngwenyi,

Jeremia 23:28

Profeta mweswe kali ni chilota akachaule chilota chenyi, alioze mweswe kali ni liji liami ahanjike liji liami ni umwenemwene. Yehova kanambe ngwenyi, Mwambu wamokomoko ni tiliku kuyinalifu te?

Jeremia 25:2

Te liji lize profeta Jeremia yamba kuli A-Yunda eswe ni A-Yerusaleme eswe ngwenyi,

Jeremia 28:5

Mba profeta Jeremia yahanjika ni profeta Hanania, kumeso ja asasendote ni atu eswe waze te anamana mu zuwo lia Yehova.

Jeremia 36:10

Henaho, mu matwi ja atu eswe Baruke yatanga maliji a Jeremia ku mukanda mu zuwo lia Yehova mu chipatulo cha Gemaria mwana Shafane mukwa kusonyeka, te chili mu yize ya ku tunda, ku unjililo wa Chikolo Chaha cha zuwo lia Yehova.

Jeremia 42:4

Profeta Jeremia yamba kuli ayo ngwenyi, Hinanwivwa; mungulemba kuli Yehova Zambi yenu nikulita ni kwita chenu mba cheswacho Yehova makumbulula mungunwambulwilacho. Chichi kunuswekela nichimwe.

Jeremia 7:2

Manyina mu chikolo cha zuwo lia Yehova ukambujoleko liji lino ngwe, Ivwenu liji lia Yehova enu A-Yunda eswe nwakunjilila ku yikolo yino kuwayila Yehova.

Jeremia 7:27

Kashika muhanjika maliji wano eswe kuli ayo, alioze kechi kukupanjika. Mutambika kuli ayo, alioze kechi kukukumbulula.

Ezekiel 3:10

Yamba nawa kuli yami ngwenyi, Mwana mutu, maliji jami eswe waze munguhanjika kuli yena, tambula mu mbunge ye, panjika ni matwi je.

Ezekiel 33:7

Chocho ni yena mwana mutu. Hinakupwisa kalayi ha munyachi wa Izalele. Ha kwivwa liji lia mu kanwa liami muatoweza kuli yami.

Ezekiel 40:4

Mwe lunga yamba kuli yami ngwenyi, Mwana mutu, tala ni meso je, ivwa ni matwi je, sako mbunge ha yize yeswe mungukulweza, mumu hakuneha kuno hanga ngukulwezecho. Mba cheswe mumona mulumbununa kuli akwa munyachi wa Izalele.

Mateu 28:20

nikwalongesa kufunga yuma yize yeswe nanuhele shimbi: nyingikenu, yami kunguli hamuwika ni yenu matangwa eswe ndo kumanunuka cha mwaka. Amene.

Luka 19:47

Iye wapwile nikulongesa tangwa ha tangwa mu tembele, ni asasendote akwa lutwe ni akwa kusonyeka ni akwa lutwe ja atu afupile kumwonwona.

Yoano 18:20

Yesu wamukumbulwile ngwenyi, Nahanjikile mwazu kuli akwa hashi; nalongesele matangwa eswe mu masunangonga ni mu tembele, muze akukungama A-Yunda eswe; ni ku tenga chahanjikile nichimwe.

Yoano 8:2

Ha kupatwoka ngwangwangwa wahilukile cheka nawa ku tembele, ni atu eswe ejile kuli iye; iye Watwamine, waalongesele.

Yilinga 20:20

ngwe chalitwaminyine kunwambulwila chize cheswe chakunufumbula, nikunulongesa hakachi ka mbunga ya atu, ni ku zuwo ni zuwo nawa,

Yilinga 20:27

Mumu chalitwaminyine kwambujola kuli yenu mana eswe a Zambi.

Yilinga 5:25

Mba umwe wejile, wambulwile kuli ayo ngwenyi, Kumanyi, malunga waze nunakaasa mu zuwo lia ususu, mwali mu tembele, kanamana nikulongesa atu.

Yilinga 5:42

Mba tangwa ha tangwa, mu tembele ni ku zuwo ni zuwo, kalitwaminyineko kulongesa, nikwambujola sango lipema ngwo, Yesu iye mwe Kristu.

Shimbi 12:32

Cheswacho ngunanwambecho, nukanyame kuchilinga. Kanda nuwezako, chipwe kanda nutepululako.

Shimbi 12:5

Alioze kuze Yehova Zambi yenu manutongwela ku minyachi yenu yeswe mukusa jina lienyi, te matwama iye, nukafupeko.

Shimbi 4:2

Kanda nuweza ku liji ngunanwambelio chipwe kutepululako. Nufunge maliji a shimbi a Yehova Zambi yenu nanwamba.

Yoshua 8:35

Nilimwe liji kuliasalile lia kutuma kuli Mose, Yoshua yaatanga eswe kumeso ja chikungulwila cha Izalele, ni mapwo, ni ana, ni njize waze atwamine hakachi ko.

Usolwelo 22:19

Nyi kachi umwe machiza ku maliji a mukanda wa uprofeto uno, kachi Zambi makachiza chihanda chenyi ku mutondo wa mwono, ni mu limbo lisandu, ni ku yuma yize yinasonewa mu mukanda uno.