Jeremia 26:18 - MUKANDA USANDU WA ZAMBI 1975

¹⁸ Mika wa ku Morese yaprofeteza ha matangwa ja Hezekia mwanangana wa Yunda, nikwamba kuli atu eswe ja A-Yunda ngwenyi, Yehova-wa-Tujita kanambe ngwenyi, Zaione muyipwa ya kuchipa ngwe munda; Yerusaleme muyipwa mulumba wa yipuzu, ni mulundu wa zuwo ngwe mulundu umwe wa usaki.

Mukanda Wa Zambi 1970

¹⁸ “Muze Hezekia abwile mwanangana wa Yuda, mukwa munanyi Mika wa ku Moreshete yalweza atu ngwenyi: ‘Mwene Zambi Mukwa Ndundo Jeswe kanambe ngwenyi: Zione maamuchiba ngwe munda, Yerusaleme kumalumuka yikulu, ni mulundu haze atungile zuwo lia Zambi muubwa usaki.’

Jeremia 26:18 Iomraidhean Croise

1 MIANANGANA 19:25

Te kwevwile ngwe nachesekele kulu, ngwe nachipalile ku shakulu? Mba haliapwila hinachilinga hanga ukapwe yena mukwa kupupa yihunda ya yipanga-ya-mawe yikapwe milumba ya yiswaswa.

2 Sango Ja Mianangana 32:26

Alioze Hezekia yalikehesa mumu ha kulengumuka cha mbunge yenyi, iye ni akwa Yerusaleme hamwe, kashika ufwatulo wa Yehova kuwejile hali ayo ha matangwa a Hezekia.

Nehemia 4:2

Yamba kumeso ja usoko wenyi ni tujita twa Samaria ngwenyi, Wano A-Yunda amokomoko yika analingi? Te kumalikolesa? Te kumalambula yitapo? Te kumamanununa tangwa limuwika? Mahasa kuvumbula mawe mu milumba ya yiswaswa muze hawema?

Miaso (Masamu) 79:1

Zambi, akwa mavungu hanjila mu chihinga che. Hanajitula tembele ye yisandu. Hapwisa Yerusaleme yikulu.

Jeremia 17:3

ni ha milundu ya mu chana. Yikumba yenu ni upite wenu weswe, ni manangamo je munguhana ya kupunda, yikafwike shili yenu, ndusu chifuchi chenu cheswe.

Jeremia 51:37

Mba Babilonia muyalumuka mulumba wa yipuzu. Muyipwa wendelo wa mikuza, kanda chuma cha mwongo ni cha kusoza ni yoze matwamamo wakuhi.

Jeremia 9:11

Mungupwisa Yerusaleme mulumba wa yipuzu, chipombelo cha mikuza. Mungupwisa yihunda ya Yunda puya, kuze kukwatwamine atu.

Mika 1:1

Liji lia Yehova lize liejile kuli Mika wa ku Morese ha matangwa ja Yotame, ni Ahaze, ni Hezekia mianangana ja Yunda, lize amwene lia kutwala ku Samaria ni Yerusaleme.

Mika 3:12

Kashika ha mukunda wa yenu Zaione muyikapwa ngwe munda wa kuchipa; Yerusaleme muyikalumuka mulumba wa yipuzupuzu ni mulundu wa lie zuwo muukapwa mulundu wa usaki.

Mika 4:1

Muchikapwa ha matangwa a kusula mulundu wa zuwo lia Yehova makaukolesa ngwe mulundu uze Wahiana kusuha. Makalinangamisa helu lia mindundena mba mavungu mazombokelamo.

Zakaria 8:3

Yehova kanambe ngwenyi, Mungukahiluka ku Zaione, mungukatwama hakachi ka Yerusaleme, mba makatongola Yerusaleme ngwo, Chihunda cha jika, ni mulundu wa Yehova-wa-Tujita, makautongola ngwo, Mulundu usandu.