Jeremia 26:15 - MUKANDA USANDU WA ZAMBI 1975

¹⁵ Alioze nyingikenu pundu nyi munungushiha munukoka hali yenu ni ha chihunda chenu ni atu jacho manyinga keshi chitela, mumu pundu Yehova wangutumine kuli yenu kuhanjika maliji ano eswe mu matwi jenu.

Mukanda Wa Zambi 1970

¹⁵ Alioze nyingikenu ngwenu, nyi nwangushiha yenu ni akwa limbo lino munubwa ni uhiso wa kushiha mutu yoze keshi mulonga, mumu Mwene Zambi mwe unakangutuma kunukanyamisa.”

Jeremia 26:15 Iomraidhean Croise

Ubutukilo 4:10

Yehova yamba ngwenyi, Yika walinga? Liji lia manyinga a mwanakwenu linatete hashi kuli yami.

Ubutukilo 42:22

Rupene yaakumbulula ngwenyi, Te chahanjikile ni yenu ngwami, Kanda nuvulumuna mwe mwana? Alioze kunusolo kupanjika. Kashika haliapwila kanatufwetesa ha manyinga jenyi.

1 MIANANGANA 24:4

ni ha manyinga aze amwangine chitela chakuhi. Mumu wazalishile Yerusaleme ni manyinga keshi chitela, mba Yehova kasolo kuchikonekena.

2 Sango Ja Mianangana 24:22

Chocho mwanangana Njoashe kewulukile utu wa Jehoiada tato ya Zekaria kuli iye, alioze yashihisa mwanenyi. Ha kufwa, Zekaria yamba ngwenyi, Yehova achitale, akachifwetese.

Yishima 6:16

Yuma yisambano Yehova kalinwa nayo, ewa shimbiali yapwa chizelwokeso kuli iye.

Yishima 6:17

Yino ngwami, Meso a kulizelula; kanwa lia mahuza; moko a kumwanga manyinga chitela chakuhi;

Jeremia 2:30

Hinalamba ana jenu alioze chamokomoko, mumu katambwile kufumba nichimwe. Katana ka yenwene wonwene aprofeta jenu ngwe ndumba mukwa kupapulula.

Jeremia 2:34

Chikwo nawa ha mahina je hwali manyinga a mwono wa yiswale keshi chitela, kwaawanyine hanji kulokola zuwo. Hindu, chipwe ni yino yuma yeswe

Jeremia 22:17

Alioze yena uli ni meso ni mbunge ya kunyonga kufumbuka cha uhenge, ni kumwanga manyinga keshi chitela ni kulinga upinjiso ni upupilo.

Jeremia 22:3

Yehova kanambe ngwenyi, Patulenu nikulita; lingenu ululi, pululenu ku kwoko lia mukwa kupinjisa yoze hamwiya. Kanda nulinga uhenge hanji upupilo kuli chilambala, hanji mwana-shiwa, hanji tuliwa, kanda numwanga muma muno manyinga ja waze keshi chitela.

Jeremia 26:12

Henaho Jeremia yamba kuli alemu eswe ni atu eswe ngwenyi, Yehova wangutumine kuprofeteza kulimika ni zuwo lino ni chihunda chino maliji ano eswe hinwevwa.

Jeremia 30:1

Liji lino lia Yehova liejile kuli Jeremia ngwenyi,

Jeremia 7:6

nyi kunuchi kupinjisa chilambala hanji mwana-shiwa, hanji tuliwa, kunuchi kumwanga muma muno manyinga keshi chitela, nyi kunuchi kukaula mazambi akwo kulilemeko no,

Kwalula 35:33

Chocho, kanda nukapihisa chifuchi nuna-twamamo, mumu manyinga akupihisa chifuchi. Keshi kuhasa kufukila chifuchi mumu ha manyinga anamwanganamo, shina ku manyinga a mukwa kumwanga manyinga.

Mateu 26:25

Yundase yoze wamukunjikile, wakumbulwile ngwenyi, Longeshi, yami nyi? Yamba kuli iye ngwenyi, Yena wachamba.

Mateu 26:4

Atwamine punga hanga akakwate Yesu ni kalimbalimba, akamushihe.

Yilinga 7:60

Mba waliumbile makungunwa, wakololokele ni liji linene ngwenyi, Mwene, kanda uatwika mulonga uno. Muze te hamba chino wayile tulo.

Shimbi 19:10

kuchina mamwanga manyinga ja mukwa kusamba mukachi ka chifuchi chenu Yehova Zambi yenu ananwehecho chikapwe chihinga, kuchina mutonga wa manyinga muupwa kuli yenu.

Usolwelo 16:6

Mumu amwangine manyinga ja asandu ni aprofeta, hiunaahe manyinga a kunwa; mumu kanatelo.