Jeremia 26:11 - MUKANDA USANDU WA ZAMBI 1975

¹¹ Mba asasendote ni aprofeta yamba kuli alemu ni atu eswe ngwo, Yono mutu katela kufwa mumu haprofeteza kulimika ni chihunda chino, ni yenu hinwachivwa ni matwi jenu.

Mukanda Wa Zambi 1970

¹¹ Mba mahako, ni akwa munanyi yaambila miata ni atu ngwo: “Mutu yono kanatela kufwa mumu kanalimika ni limbo lietu. Hinwachivwa ni matwi jenu.”

Jeremia 26:11 Iomraidhean Croise

Jeremia 18:23

Alioze yena Yehova unanyingika kutaka cho cheswe cha kungushiha. Kanda ukonekena uhenge wo; kanda ujimuna shili yo ku meso je. Anunguke kumeso je; ukaapatwile ha tangwa lia utenu we.

Jeremia 26:16

Mba alemu ni atu eswe yamba kuli asasendote ni aprofeta ngwo, Yono mutu katelele kufwa mumu hanahanjika kuli yetu mu jina lia Yehova Zambi yetu.

Jeremia 38:4

Mba e alemu yamba kuli mwanangana ngwo, Yono lunga chatamba kumushiha mumu kanachiza tachi kuli maswalale waze asala mu chihunda chino, ni kuli atu eswe, ha kuhanjika maliji wano kuli ayo. Yono lunga kafupile kuwahisa akwa vungu lino; kanafupu kwalambula.

Mateu 26:66

Kuchi nunashinginyeka? No akumbulwile ngwo, Kanatela kufwa.

Yoano 18:30

Amukumbulwile ngwo, Kachi yono kapwile chingulungulu kachi kutwamukunjikile kuli yena.

Yoano 19:7

A-Yunda amukumbulwile ngwo, Shimbi tuli nayo, nikulita ni shimbi yetu chamutamba kufwa, mumu hanalipwisa mwe Mwana Zambi.

Yilinga 22:22

O ahalakanyine ndo ku liji lino; alioze akololokele, ngwo, Chizenu yono mutu hano hashi: mumu katelele kutwama ni mwono.

Shimbi 18:20

Alioze profeta mweswe mahanjika liji lia kulengumuka mu jina liami, ami chamwambilelio kuhanjika, hanji mahanjika ni jina lia tuzambi tweka, profeta yoze afwe.

Akwa Kuyula 6:30

Mba malunga a chihunda yamba kuli Njoashe ngwo, Neha mwané akafwe, mumu hapuzula chilumbilo cha Mbale nikuteta e Ashera aliko.