Jeremia 25:3 - MUKANDA USANDU WA ZAMBI 1975

³ Makumi aali a miaka ni miaka yitatu (chize ku mwaka kumi ni tatu wa Josia mwana Amone mwanangana wa Yunda ndo musono) liji lia Yehova liakwizaza kuli yami, ni yami hinahanjika kuli yenu nikulimenyeka nikuhanjeka, hindu kunwapanjikile.

Mukanda Wa Zambi 1970

³ “Ha miaka makumi aali ni yitatu, chize ku mwaka kumi ni wa muchitatu wa kuyula cha mwanangana wa Yuda Josia, mwana wa Amone, ndoo ni musono, Mwene Zambi hanahanjika kuli yami, chaliwile ko kunulweza yize ambile. Alioze yenu kunwasele ko mbunge.

Jeremia 25:3 Iomraidhean Croise

Ubutukilo 22:3

Chocho Apalahama yalimeneka chimenemene, yalulika chimbulu chenyi, yatwala akweze jenyi aali hamwe nenyi, ni mwanenyi Izake. Yapula kunyi ja mulambu wa kulumba, yakatuka, yaya kuma kuze Zambi te hamulweza.

1 Yitanga Ya Mianangana 22:3

Mwanangana wa Izalele yamba kuli tuvumbi twenyi ngwenyi, Kunwanyingikine ngwenu, Ramote-Ngiliate nichetu hindu tunatwama, kutwachitambwile ku kwoko lia mwanangana wa Seria?

1 MIANANGANA 17:13

Alioze Yehova washindakenyene kuli A-Izalele ni kuli A-Yunda kuli profeta mweswe ni kuli mukwa kumona mweswe ngwenyi, Alumukenu ku ndako jenu jipi nukafunge shimbi jami ni yiyulo yami nikulita ni shimbi jami jeswe jize natuminyine tulamba twenu, te jize nanutumine kuli tuvumbi twami aprofeta.

2 Sango Ja Mianangana 24:19

Yehova yatuma aprofeta kuli ayo akaakoke kuli iye nikwashindakenya, alioze kapanjikile.

2 Sango Ja Mianangana 34:1

Ha kuputuka kuyula Josia wapwile ni miaka nake, mba wayulile makumi atatu a miaka ni mwaka umuwika mu Yerusaleme.

2 Sango Ja Mianangana 34:3

Mumu ha mwaka wamuchinake wa kuyula chenyi shimbu achili mukweze waputukile kufupa mwe Zambi ya kalamba kenyi David, mba ha mwaka kumi ni wamuchiali waputukile kupemesa Yunda ni Yerusaleme ku yuma ya manangamo, ni Ashera ni tuponya twa kwola ni twa kuzuzulula.

2 Sango Ja Mianangana 34:8

Ha mwaka kumi ni wamuchinake wa kuyula chenyi muze hapemesa chifuchi, ni lie zuwo, yatuma Shafane mwana Azalia, ni Maseia mukwa kuyula chihunda, ni Joa mwana Joahaze, mukwa kusonyeka, akalulike zuwo lia Yehova Zambi yenyi.

2 Sango Ja Mianangana 36:15

Yehova Zambi ya tulamba two yaatuma tunganda twenyi, che kulimeneka ni kutumatuma mumu keke ya atu jenyi ni zuwo lienyi.

Miaso (Masamu) 81:13

Atu jami, kachi mangwivwa! Izalele, kachi menda mu majila jami!

Kutuhuka 8:20

Yehova yamba kuli Mose ngwenyi, Ulimeneke ha chimene umane kumeso ja Falau. Iye kumatuhuka akaye ku lwiji, umwambulwile ngwe, Chocho anambe Yehova ngwenyi, Echa atu jami aye, akangulingile.

Izaya 55:2

Kuchi te wakumwanga mbongo je ha chize hi mbolo ko? Kuchi te wakutokesa milimo ye ha chize kuchayukishile mbunge? Panjika kanawa kuli yami, ukalie yuma yipema, ukawahilile ni maji.

Jeremia 1:2

Liji lia Yehova liejile kuli iye ha matangwa a Josia mwana Amone, mwanangana wa Yundu, mu mwaka kumi ni wamuchitatu wa kuyula chenyi.

Jeremia 11:7

Mumu natowezele tulamba twenu ni tachi muze naachijile ku chifuchi cha Engitu, nikwatoweza tangwa ha tangwa ndo musono uno ngwami, Ononokenu ku liji liami.

Jeremia 19:15

Yehova-wa-Tujita Zambi ya Izalele kanambe ngwenyi, Ngunakokela ha limbo lino ni ha yihunda yalio yeswe yipi yize yeswe hinavulukaho mumu hanakalisa makota jo, kasolo kwivwa maliji jami.

Jeremia 22:21

Nahanjikile kuli yena ha mwaka wa kuwaha che, alioze wambile ngwe, Chisolo kupanjika. Ndako jino te nije chize ku ukweze we kusolo kwivwa liji liami.

Jeremia 25:4

Kunwapanjikile chipwe kutela matwi jenu, chipwe Yehova hatumatuma kuli yenu tuvumbi twenyi aprofeta eswe ngwenyi,

Jeremia 26:5

nukapanjike ku maliji a tuvumbi twami aprofeta, aze nakulikoleza kutuma chipwe kunwachinyongene,

Jeremia 29:19

mumu kapanjikile maliji jami, Yehova ngwenyi, Nalikolezele kutuma ni tuvumbi twami aprofeta alioze kunwapanjikile.

Jeremia 32:33

Manyima jo hangutalikisa hi meso jo ko, mba chipwe hinaalongiesalongiesa hindu kapanjikile akatambule longeso liami.

Jeremia 35:14

Shimbi yize Jonadabe mwana Rekabe hahana kuli ana jenyi kanda akanwa vinyu, hanayifungu kayinwine ndo musono, mumu hononoka ku shimbi ya kalamba ko. Ni yami hinahanjeka kuli yenu alioze kunwangupanjikile.

Jeremia 35:15

Hinatuma tuvumbi twami aprofeta eswe ni kulitwamina ka, ngwami, Alumukenu yenu eswe nukahichike mutu mweswe ndako jenyi jipi. Pemesenu yitanga yenu; kanda nukaula mazambi akwo nukaalingile, hanga nukatwame mu chifuchi chino nahanyine kuli yenu ni kuli tulamba twenu. Alioze kunwatelele matwi jenu, chipwe kungwivwa.

Jeremia 36:1

Ha mwaka wamuchiwana wa Jehoakime mwana Josia mwanangana wa Yu nda liji lino liejile kuli Jeremia lia kuli Yehova ngwenyi,

Jeremia 36:2

Anda mukanda wa chivungo ukasonekemo maliji eswe hinamba kuli yena a kulimika ni Izalele ni Yunda ni mavungu eswe chize ku tangwa litangu nahanjikile ha matangwa a Josia ndo musono.

Jeremia 44:4

Hindu natuminetumine kuli yenu tuvumbi twami eswe aprofeta ngwami, Kanda nulinga chuma chino cha kuzelwokesa cha kunguvwisa lwaji.

Jeremia 7:13

Kashika haliapwila Yehova kanambe ngwenyi, Mumu hinwalinga yuma yino yeswe mba muze nahanjikile kuli yenu nikutumatuma kunwapanjikile, muze nasanyikine kunwakumbulwile,

Jeremia 7:25

Chize ku tangwa lize tulamba twenu akatukile ku chifuchi cha Engitu ndo musono, chahonene kutuma tuvumbi twami aprofeta kuli ayo tangwa ha tangwa;

Ezekiel 33:4

nyi umwe mevwa liji lia chitavwi alioze kachisele mbunge, nyi katana meza ni kumwanda, manyinga jenyi mapwa ha mutwe wenyi mwene.

Zakaria 1:4

Kanda nupwa ngwe tulamba twenu, kuli ayo aprofeta a kushi akololokele ngwo, Yehova-wa-Tujita kanambe ngwenyi, Katukenu ku majila jenu api ni yitanga yenu yipi. Alioze kevwile; kangupanjikile; chocho kanambe Yehova.

Marku 1:35

Ha chimenemene, shimbu kuchili milima, wahindukile, watuhukile, wayile kuma ku puya, walembeleleko.

Yoano 8:2

Ha kupatwoka ngwangwangwa wahilukile cheka nawa ku tembele, ni atu eswe ejile kuli iye; iye Watwamine, waalongesele.

Yoano 8:47

Yoze wa kuli Zambi kakwivwavwa maliji a Zambi: ha chikuma chino yenu kunushi kwevwa, mumu hi nuli akwa Zambi ko.

2 Timoteu 4:2

ngwami, Ambujola lie Liji, hondangana nalio ha mwaka upema, ni haze hi mwaka upema ko; kumika, ámbila, shinjila, ni uhomboloji weswe ni longeso lieswe.