Jeremia 25:1 - MUKANDA USANDU WA ZAMBI 1975

¹ Liji lize liejile kuli Jeremia ha kutwala kuli A-Yunda eswe ha mwaka wamuchiwana wa Jehoakime mwana Josia mwanangana wa A-Yunda (achi chapwile mu mwaka utangu wa Nabukanezore mwanangana wa Babilonia).

Mukanda Wa Zambi 1970

¹ Ha mwaka wa muchiwana wa kuyula cha Jehoakime mwanangana wa Yuda, yingwivwa maliji a Mwene Zambi hakutwala kuli Ayuda eswe. (Te mwaka utangu wa kuyula cha Nebukanezore mwanangana wa chifuchi cha Babilonia.)

Jeremia 25:1 Iomraidhean Croise

2 Sango Ja Mianangana 36:4

Mwanangana wa Engitu wapwishile mwanakwo Eliakimi mwanangana wa Yunda ni Yerusaleme. Yamwaha jina lieka ngwenyi, Jehoakime. Mba Neko yakwata yayo Jehoahaze, yamutwala ku Engitu.

2 Sango Ja Mianangana 36:6

Nabukanezore mwanangana wa Babilonia yeza kulimika nenyi. Yamukashila mu kúli akamutwale ku Babilonia.

Jeremia 1:3

Liejile nawa ha matangwa a Jehoakime mwana Josia, mwanangana wa Yunda, ndo ku songo lia mwaka kumi ni kashi wa Zedekia mwana Josia, mwanangana wa Yunda, ndo ku ufunge wa Yerusaleme ha kakweji wamuchitano.

Jeremia 32:1

Liji lize liejile kuli Jeremia lia kuli Yehova ha mwaka wamuchikumi wa Zedekia mwanangana wa Yunda, wenawo mwaka kumi ni wamuchinake wa Nabukanezore.

Jeremia 35:1

Liji lia Yehova liejile kuli Jeremia ha matangwa a Jehoakime mwana Josia mwanangana wa Yunda ngwenyi,

Jeremia 36:1

Ha mwaka wamuchiwana wa Jehoakime mwana Josia mwanangana wa Yu nda liji lino liejile kuli Jeremia lia kuli Yehova ngwenyi,

Jeremia 45:1

Liji lia profeta Jeremia kuli Baruke mwana Neria ha kusoneka maliji ano mu mukanda shimbu Jeremia mamusonekesa ha mwaka wamuchiwana wa Jehoakime mwana Josia mwanangana wa Yunda ngwenyi,

Jeremia 46:2

Ha kutwala ku Engitu. Liji lia tujita twa Falau-Neko, mwanangana wa Engitu, aze apwile ku lwiji Ufrateze ku Karkemishi, aze Nabukanezore mwanangana wa Babilonia wakumbile ha mwaka wamuchiwana wa Jehoakime mwana Josia mwanangana wa Yunda ngwenyi,

Jeremia 7:1

Liji lia Yehova lize liejile kuli Jeremia ngwo,

Daniel 1:1

Ha mwaka wamuchitatu wa kuyula cha Jehoakime mwanangana wa Yunda, Nabukanezore mwanangana wa Babilonia yeza ku Yerusaleme, yayiseleka.

Daniel 1:2

Mwene yakunjika Jehoakime mwanangana wa Yunda kuli iye, hamwe ni yikwachilo yimwe ya mu zuwo lia Zambi. Yayineha ku chifuchi cha Shinare, ku zuwo lia zambi yenyi. Yasa yikwachilo mu zuwo lia kutulikila upite wa zambi yenyi.

Daniel 2:1

Ha mwaka wamuchiali wa kuyula cha Nabukanezore, mwe Nabukanezore watetele yilota; kashika Spiritu yenyi yilifwita, kahashile kuya tulo.