Jeremia 24:3 - MUKANDA USANDU WA ZAMBI 1975

³ Yehova yamba kuli yami ngwenyi, Jeremia, yika unamono? Yingwamba ngwami, Ngunamono makuyu. Makuyu apema kanapeme chikolo; makuyu api kanapiha chikolo chocho mutu kahashile kwalia.

Mukanda Wa Zambi 1970

³ Mba Mwene Zambi yanguhula ngwenyi: “Jeremia, yika unamono?” Yingukumbulula ngwami: “Makuyu amwe kaali abema kuhiana, akwo kaali abi kuhiana, hi abema ko ni kulia.”

Jeremia 24:3 Iomraidhean Croise

Jeremia 24:4

Henaho liji lia Yehova yiliza kuli yami ngwenyi,

Jeremia 29:17

Yehova-wa-Tujita kanambe ngwenyi, Talenu, ngunatumu kuli ayo katana, ni kapunga, ni chilungo, mba mungwapwisa ngwe makuyu aze hapiha chocho niumwe kahashile kwalia.

Amose 7:8

Yehova yamba kuli yami ngwenyi, Amose, yika unamono? Yingwamba ngwami, Ngunamono prumo. Mba Mwene yamba ngwenyi, Yami ngunase prumo hakachi ka atu jami A-Izalele; chichi kwapalika nawa nilimwe tangwa.

Amose 8:2

Mba yamba ngwenyi, Amose, yika unamono? Yingwamba ngwami, Mutonga wa mihuko ya lwiza. Yehova yamba kuli yami ngwenyi, Songo hiliaheta kuli atu jami A-Izalele; chichi kwapalika nawa nilimwe tangwa.

Zakaria 4:2

Yamba kuli yami ngwenyi, Yika unamono? Yingwamba ngwami, Ngunamono chikwachilo cha ndeya cheswe cha oru. Chili ni musenge helu liacho, ni ndeya shimbiali jiliho. Ndeho jize jiliho yimwe ha yimwe yili ni tumihembo shimbiali.

Zakaria 5:2

Aye yamba kuli yami ngwenyi, Yika unamono? Yingukumbulula ngwami, Ngunamono mukanda wa chivungo unahumuka; usuhe wawo makumi aali a mbandu, ni utohe wawo kumi lia mbandu.

1 Samuel 9:9

(Ku shakulu mu Izalele muze umwe wayile kuhula chimwe chuma kuli Zambi wambile ngwenyi, Tuye tuhule mwe mukwa kumona. Mumu yoze akumutongola musono ngwo, Profeta, kunyima amutongwele ngwo, Mukwa kumona.)