Jeremia 24:10 - MUKANDA USANDU WA ZAMBI 1975

¹⁰ Mungutuma kuli ayo katana, ni kapunga, ni chilungo ndo hakuwa ku chifuchi chize nahanyine kuli ayo ni kuli tulamba two.

Mukanda Wa Zambi 1970

¹⁰ Mungwakokela jita, ni zala, ni misongo, ndoo niumwe kechi kusala mu chifuchi chize naahele ayo ni tushakulu two.”

Jeremia 24:10 Iomraidhean Croise

1 Yitanga Ya Mianangana 14:15

Mumu Yehova kumakalamba Izalele ngwe mbungu ja kunyika mu meya. Kumakatukula Izalele mu chifuchi chino chipema wachihanyine kuli tulamba two. Kumakaamwanga mu sali lia mwe Lwiji mumu halinga Ashera jo akehie Yehova ku utenu.

Izaya 51:19

Yuma yino yiali hiyakuwana, mba iya makulembejeka? Ngwami, Kwenyeka ni kunongesa, kapunga ni katana, mba neya mungukuwumbijeka?

Jeremia 14:12

Chipwe malitwamina kulia chichi kwivwa muteto wo. Chipwe malambula milambu ya kulumba ni milambu ya wunga chichi kwatambula alioze mungwanongesa ni katana, ni kapunga, ni chilungo.

Jeremia 15:2

Mba muze makuhula ngwo, Kulihi mutuya? Amba kuli ayo ngwe, Yehova kanambe ngwenyi, Waze hanaasela chilungo, aye ku chilungo, ni waze hanaasela katana, aye ku katana. Waze hanaasela kapunga, aye ku kapunga, ni waze hanaasela ufunge, aye ku ufunge

Jeremia 16:4

Kumakafwa ni misongo ya kufwa. Kechi kwalila, chipwe kwafunda, alioze mapwa ngwe wilo ha mavu. Kumakafwila ku katana ni kapunga, ni mijimba yo muyikapwa kulia cha tujila a mu tetela, ni cha tushitu a mu yambu.

Jeremia 19:7

Mba kuma kuno mungufuwisa kupala cha A-Yunda ni A-Yerusaleme, ni mungushihisa atu jo ni katana kumeso ja akwa kole jo, ni ku kwoko lia waze akufupa kwashiha. Mungupwisa mijimba ya afu jo kulia cha tujila a mu tetela, ni cha tushitu a mu yambu.

Jeremia 21:9

Mweswe masala mu chihunda chino mafwa ni katana, ni kapunga, ni chilungo, alioze mweswe matuhuka nikulikunjika kuli A-Kaletea waze ananuseleka kechi kufwa, mamwaha mwono wenyi, upite wa jita.

Jeremia 27:8

Alioze nyi vungu limwe hanji wanangana umwe kechi kalingila yono Nabukanezore mwanangana wa Babilonia; kechi katá kusa makota jo mu kanga ya mwanangana wa Babilonia, munguhana kastigu ku vungu lize ni katana, ni kapunga, ni chilungo ndo hinaanongesa ku kwoko lienyi. Chocho kanambe Yehova.

Jeremia 29:17

Yehova-wa-Tujita kanambe ngwenyi, Talenu, ngunatumu kuli ayo katana, ni kapunga, ni chilungo, mba mungwapwisa ngwe makuyu aze hapiha chocho niumwe kahashile kwalia.

Jeremia 29:18

Mungwakaula ni katana, ni kapunga, ni chilungo; mungwapwisa chuma cha lwaji ku mavungu eswe a hashi, akapwe shingo, ni mwongo, ni musozo, ni luchoko hakachi ka mavungu kuze hinaahumina,

Jeremia 32:24

Milumba ya kuseleka hiyakundama ku chihunda kuchitambula, mumu ha katana, ni kapunga, ni chilungo chihunda chino hanachikunjika kuli A-Kaletea waze alinwa nacho. Chize wambile mba hichapwa, ni kumanyi unachimono.

Jeremia 32:25

Hindu yena, Mwene Yehova, hiwamba kuli yami ngwe, Landa munda ni mbongo kumeso ja yela—chipwe chihunda hiwachikunjika kuli A-Kaletea.

Jeremia 34:17

Kashika Yehova kanambe ngwenyi, Kunwononokene kuli yami kwambujola utuswilo, mutu mweswe kuli usoko wenyi ni kuli mwenyembo wenyi. Kashika yami mungutusula hali yenu katana, ni chilungo, ni kapunga. Chocho kanambe Yehova. Kumunukapwa chuma cha lwaji ku mavungu eswe a hashi.

Jeremia 42:17

Malunga eswe waze anase meso jo kuya ku Engitu kutwama kumakafwilako ni katana, ni kapunga, ni chilungo. Kechi kapwa ni masalila hanji waze kechi kufwa ku yikalu yize mungwakokela.

Jeremia 42:22

Kashika nyingikenu pundu kumunukafwa ni katana, ni kapunga, ni chilungo mu chifuchi kuze nunazange kuya ni kutwama.

Jeremia 5:12

Hanahanjikila mahuza Yehova ngwo, Kechi kulinga nichimwe; chipi nichimwe kuchichi kutuwana; chipwe katana, chipwe kapunga, kutuchi kuyimona.

Jeremia 9:15

kashika Yehova-wa-Tujita mwe Zambi ya Izalele kanambe ngwenyi, Mungulisa e atu musase nikwaaha meya a kasashisa akanwe.

Jeremia 9:16

Mungwamwanga hakachi ka mavungu kaanyingikine, chipwe tulamba two, mungwahanga ni katana ndo hinaanongesa.

Ezekiel 33:27

Amba chino kuli ayo ngwe, Mwene Yehova kanambe ngwenyi, Ni mwono wami, pundu, waze anatwama mu yihela ya kwenyeka makafwa ni katana, mba yoze uli mu yambu mungukamuhana kuli tushitu akamulie; ni waze ali mu yihunda ya kukolesa ni mu yivwenge makafwa ni chilungo.

Ezekiel 6:11

Mwene Yehova kanambe ngwenyi, Sakwila ni koshi, linyehune, ukambe ngwe, Mama yami! Mumu ha yuma yeswe yipi ya lwaji ya munyachi wa A-Izalele. Mumu kumakafwa ni katana, ni kapunga, ni chilungo.

Ezekiel 7:15

Haze katana uliko; muchima chilungo ni kapunga. Yoze uli mu yambu mafwa ni katana; yoze uli mu chihunda manonga ni kapunga ni chilungo.

Shimbi 28:21

Yehova makanukwachisa chilungo, ndo makanumanuna ku chifuchi nunayi kuchizuka.

Usolwelo 6:8

Namwene, kavwalu watomonoka: ni yoze watwamineho, jina lienyi, Kufwa; ni Heteze yakawile hamwe nenyi; aahele poko ha chihanda chimuwika cha ku yihanda yiwana ya hashi, mukushiha ni katana, ni kapunga, ni kufwa, ni kuli tushitu asasu a hashi.