Jeremia 23:5 - MUKANDA USANDU WA ZAMBI 1975

⁵ Yehova kanambe ngwenyi, Matangwa kaneza muze mungukasolola hali David Mutango wa ululi, mba iye kumakapwa mwanangana wa kuyula, nikulinga ni mana, ni kupatula ni kulita ni ululi mu chifuchi.

Mukanda Wa Zambi 1970

⁵ Mwene Zambi kanambe ngwenyi: “Tangwa kulineza lize mungukatongola mwanangana umwe wa ululi, wa ku vungu lia David. Mwanangana yoze makayula ni mana, makalinga ni ululi ni yize yinalite mu chifuchi.

Jeremia 23:5 Iomraidhean Croise

2 Samuel 23:3

Zambi ya Izalele wambile, Liwe lia Izalele wambile kuli yami ngwenyi, Yoze mayula atu ni ululi, mayula ni woma wa Zambi.

Miaso (Masamu) 45:4

Enda nikuwaha mu ulamba we, mumu ha umwenemwene, ni umbovu, ni ululi. Chindume che muchikulongesa yuma ya kukolesa mwongo.

Miaso (Masamu) 80:15

chitondo chino kwolo lie lia chindume liatumbile; mutango uno watakamishine hali yena mwene.

Miaso (Masamu) 99:4

Tachi ja mwanangana jakuzanga upatwilo. Yena kuwakukolesa chize chinalite, kuwakupatula ni ululi muli Yakomba.

Izaya 33:5

Yehova kanangama mumu katwama mwilu; kumakazalisa Zaione ni kulita ni ululi.

Izaya 4:2

Ha tangwa lize mutango wa Yehova muukapwa upema wa uhenya, ni mihuko ya chifuchi muyipwa uhenya wa kulisamba nawo wa waze anasala mu Izalele.

Izaya 42:6

Yami Yehova nakusanyikine ni ululi, nakukwachile ku kwoko nikukufunga; hinakuhana ukapwe usendo kuli atu, pangu ku mavungu,

Izaya 45:24

Kumakachamba ha kutwala kuli yami ngwo, Muli Yehova wika mwatwama ululi ni tachi. Waze eswe amuvwilile wuli kumeza kuli iye ni sonyi.

Izaya 52:13

Kavumbi kami mawaha mu milimo yenyi. Kumakanangama ni kuzunduka; kumakapwa kwe kwilu lume.

Izaya 53:10

Hindu Yehova wapalile kumuwonda. Iye hanamumwesa chikulikuli. Muze makapwisa mwono wenyi mulambu ha shili, iye kumakamona munyachi wenyi, kumakasuhisa matangwa jenyi; upale wa Yehova muuwaha mu moko jenyi.

Izaya 53:2

Mumu kumakatatuka kumeso jenyi ngwe lutombo, ngwe muji wa mu mavu omu; keshi ni upeme wa mujimba hanji wa meso hanga tukamutale, chipwe uhenya keshi nawo hanga tukamuzange.

Izaya 9:5

Mumu sapato yeswe ya kajita yoze wakuliataliata mu Chizungozungo cha jita, ni mazalo eswe akuvunga mu manyinga, makayocha ngwe kunyi ja ha jiko.

Izaya 9:6

Mumu kuli yetu hikwasemuka umwe kemba, kuli yetu hahana umwe mwana wa lunga. Chiyulo kumuchikapwa ha chipaya chenyi, ni jina lienyi mamuluka ngwo, Longeshi wa mana mukwa kukomwesa, Zambi ya Ndundo, Tata ya Miakulwila, Mwanangana wa Sambukila.

Izaya 9:7

Kutanda cha chiyulo chenyi ni cha sambukila kuchichi kusula, ha ngunja ya David ni ha wanangana wenyi kuukolesa ni kuujikijisa ni upatwilo ni ululi chize ku tangwa lize ni ndo ku miaka yeswe. Tachi ja Yehova-wa-Tujita mujilinga chino chuma.

Jeremia 22:15

Unamono ngwe uli mwanangana mumu wakweseka kuhiana akwenu ni sedru? Tatenu te kalile, kanwine, shimbu mapatula nikulita ni kulinga ululi? Miaka yize te kanawaha.

Jeremia 22:3

Yehova kanambe ngwenyi, Patulenu nikulita; lingenu ululi, pululenu ku kwoko lia mukwa kupinjisa yoze hamwiya. Kanda nulinga uhenge hanji upupilo kuli chilambala, hanji mwana-shiwa, hanji tuliwa, kanda numwanga muma muno manyinga ja waze keshi chitela.

Jeremia 22:30

Yehova kanambe ngwenyi, Soneka lunga yono ngwe keshi mwana; lunga umwe kechi kawaha ha matangwa jenyi. Mumu niumwe wa ana jenyi makawaha nikutwama ha ngunja ya David, nikuyula nawa mu Yunda.

Jeremia 23:6

Ha matangwa jenyi malamwina Yunda, ni Izalele matwama ni sambukila. Jina lize mamwaha ngwo, Yehova ululi wetu.

Jeremia 29:11

Yehova kanambe ngwenyi, Ngunanyingika manyonga aze nguli no hali yenu; manyonga a kunuwahisa hi kunupinjisa ko. Manyonga a kunwaha kutalatala ku yuma ya kulutwe.

Jeremia 30:3

Mumu Yehova kanambe ngwenyi, Matangwa kaneza muze munguhilwisa kuwaha cha atu jami A-Izalele ni A-Yunda. Mungukaaneha nawa ku chifuchi chize nahanyine kuli tulamba two, mba makachizuka. Chocho kanambe Yehova.

Jeremia 30:9

Alioze makalingila Yehova Zambi yo ni David mwanangana wo yoze mungusolola mumu hali ayo.

Jeremia 31:27

Yehova kanambe ngwenyi, Matangwa kaneza muze munyachi wa Izalele ni munyachi wa Yunda mungukuwako mbuto ya atu ni mbuto ya tushitu.

Ezekiel 21:27

Mungukachilumuna, chilumuna, chilumuna; ni chino nawa muchikahwa, ndo mwenyacho makeza, mba mungukamwahacho.

Ezekiel 34:16

Mungukufupa waze anatoko; mungukuhilwisa waze hanajimbata; mungukajichika muya yilema; mungukakolesa akwa upekepeke; mungukonwona akwa maji ni akwa tachi, ni kwalisa ni ululi.

Ezekiel 34:29

Mungukaaha minda ya lufuma kanda akafwa nawa ni zala mu chifuchi, ni kanda akalenyewa nawa kuli akwa mavungu.

Ezekiel 45:8

Chino muchikapwa nichenyi mu Izalele. Mba alemu jami kechi kapinjisa nawa atu jami, alioze makecha akwa munyachi wa Izalele kuzuka chifuchi nikulita ni minyachi yo.

Daniel 9:24

Hali atu je ni chihunda che chisandu hanasela shimbi ya makumi shimbiali a semana kumanununa Utanguko, ni kusulisa shili, ni kukukila uhenge, ni kuhetesa ululi wa mutolo, ni kujika ni Chijikilo usolwelo ni uprofeto, ni kuzujila maji muma musandu mwahiana.

Hosea 1:11

Atu ja Yunda ni atu ja Izalele makaakungulula, mba makalitongwela kasongo umuwika mba makatuka ku chifuchi, mumu lie tangwa lia Yezerele mulipwa linene.

Hosea 3:5

Mba kulutwe A-Izalele makahiluka nikufupa Yehova Zambi yo ni mwanangana wo David. Mba makeza ni woma wa Yehova ku upeme wenyi ha matangwa a kusula.

Amose 9:11

Ha tangwa lize mungutungulula nawa mbalaka ya David yize hiyinapuzuka. Mungukalulika yituwa yayo, nikumika nawa yize yalimbuka hashi, ni kuyitungulula chizechene ngwe ha matangwa a kunyima,

Mika 5:3

Kashika kumakaakunjika ndo mwaka uze mukwa kufumbajala hasema. Henaho masalila ja usoko wenyi makahiluka kuli atu ja Izalele.

Zakaria 3:8

Yena Yoshua sasendote mukwa lutwe, panjika hamwe ni akwenu waze akutwama kumeso je, mumu o kapwa chilayi. Tala, mungukaneha kavumbi kami mwe Mutango.

Zakaria 9:9

Ena mwana-pwo Zaione, Wahilila chikolo! Ena mwana-pwo Yerusaleme, likwize! Mwanangana wenu kaneza kuli yenu; aye mukwa kukangana, mukwa kukumba, hindu kanalikehesa, kanende hali chimbulu, te hali mwana-chimbulu wa kusemuka kuli chimbulu.

Mateu 2:2

ngwo, Ulihi yoze unasemuka Mwanangana wa A-Yunda? Mumu twamwene lutongonoshi wenyi mu Chivumbuko, hitweza mukumuwayila.

Yoano 1:45

Fwilipe yawana Natanele, yamba kuli iye ngwenyi, Hitunawane yoze asonekene Mose mu mikanda ya shimbi, ni aprofeta nawa, Yesu wa ku Nazare, mwana José.

Yoano 1:49

Natanele wamukumbulwile ngwenyi, Longeshi, mwe Mwana Zambi yena; mwe Mwanangana wa Izalele yena.

1 Korintu 1:30

Alioze yenu nuli muli Kristu Yesu nikulita ni kulinga cha Zambi, yoze amupwishile kuli yetu, mana a kuli Zambi, ni ululi, ni usandu, ni ukule:

Hebreu 8:8

Mumu nikutuma, kanambe kuli ayo ngwenyi, Matangwa meza, chocho anambe Mwene ngwenyi, muze mungukakwata usendo waha ni akwa zuwo lia Izalele, ni akwa zuwo lia Yunda.

Usolwelo 19:11

Mba namwene lilu lia kwazulula; ni kumanyi, kavwalu mutoma, ni yoze unatwamako anamuvuluka ngwo, Wamwenemwene, Keshi-mahuza; iye yapatula, yasa jita ni ululi.