Jeremia 23:3 - MUKANDA USANDU WA ZAMBI 1975

³ Henaho mungukonga masalila ja mapanga jami ku yifuchi yeswe kuze hinaahumina. Mungwaneha nawa ku limba lio mba masema ni kuliokesa.

Mukanda Wa Zambi 1970

³ Atu jami waze asala ku yifuchi yize hingunamwangina mungwakungulula, mungwahilwisa ku chifuchi cho. Maakasema ana anji, kumaakaliokesa.

Jeremia 23:3 Iomraidhean Croise

Miaso (Masamu) 106:47

Yehova Zambi yetu, utulamwine kama utuchize hakachi ka mavungu nikutukungulula, hanga tukasakwile ku jina lie lisandu, tukakumbe mu uhaliso we.

Jeremia 16:15

alioze mamba ngwo, Ni mwono wa Yehova yoze wachijile A-Izalele ku chifuchi cha ku Norte ni ku yifuchi yeswe kuze haahumina. Mumu mungwahilwisa nawa ku chifuchi cho ene chize nahanyine kuli tulamba two.

Jeremia 29:14

Yehova kanambe ngwenyi, Mununguwana mba munguhilwisa kuwaha chenu ni kunukonga ni kunuchiza ku mavungu eswe ni yifuchi yeswe kuze hinanuhumina mba mungunuhilwisa nawa ku chifuchi kuze nanuchijile hatangu ngukanutume ku unjize. Chocho kanambe Yehova.

Jeremia 30:10

Kashika Yehova kanambe ngwenyi, Kanda wivwa woma, yena Yakomba kavumbi kami, ni yena Izalele kanda ulishimwoka, mumu mungukakulamwina chipwe kusuku. Mungukalamwina ana je ku chifuchi cha ufunge wo. Yakomba makahiluka ni kuhola ni kuhwima, niumwe mamukolesa woma.

Jeremia 30:3

Mumu Yehova kanambe ngwenyi, Matangwa kaneza muze munguhilwisa kuwaha cha atu jami A-Izalele ni A-Yunda. Mungukaaneha nawa ku chifuchi chize nahanyine kuli tulamba two, mba makachizuka. Chocho kanambe Yehova.

Jeremia 31:7

Mumu Yehova kanambe ngwenyi, Imbenu ni liji linene lia chiseke mumu hali Yakomba; likwizenu mumu hali mukwa lutwe hakachi ka mavungu. Ambululenu; halisenu nikwamba ngwenu, Yehova hanalamwina atu jenyi, e masalila ja A-Izalele.

Jeremia 31:8

Mungwachiza ku chifuchi cha ku Norte, mungwakonga chize ku kusula-songo lia hashi. Hakachi ko kumukukapwa afwa-meso ni yitonji, ni tufumba ni tufumbakaji hamuwika, mbunga yinene, eswe makahiluka kuno kwene.

Jeremia 32:37

mungwakonga ku yifuchi yeswe kuze naahuminyine mu utenu wami ni ufwatulo wami, ni matoto anji. Mungwaneha cheka nawa ku chifuchi chino nikwatwamisa ni sambukila.

Jeremia 46:27

Alioze yena kavumbi kami Yakomba kanda wivwa woma; yena Izalele, kanda utatajala, mumu mungunulamwina kusuku, waze makasemuka kuli yena mungwalamwina ku yifuchi ya ufunge wo. Yakomba kumakahiluka; kumakawana kuhola ni uhwimino, niumwe mamukolesa woma wakuhi.

Jeremia 50:19

Munguhilwisa Izalele ku ulilo wenyi, mba kumakahia ha Karmela, ni mu Mbashane, ni kuzanga chenyi cheswe muchikayuka ha mindundena ya Eframe ni mu Ngiliate.

Jeremia 8:3

Yehova-wa-Tujita kanambe ngwenyi, Waze eswe malisalaho a ku munyachi uno upi mu yifuchi kuze naahuminyine makazanga Shinaho kufwa hi mwono ko.

Ezekiel 11:17

Kashika amba ngwe, Mwene Yehova kanambe ngwenyi, Mungukanukonga ku mavungu; mungukanuchiza ku yifuchi kuze hinwamwanganyina, mungukanwaha chifuchi cha Izalele.

Ezekiel 36:11

Mba mungukaokesa hali yenu ni atu ni tushitu, no makaoka ni kusema, mba makatwama muli yenu ngwe ku miaka ya shakulu. Makanulinga chipema kuhiana chipema chize cheswe cha kunyima. Henaho munukanyingika yami nguli Yehova.

Ezekiel 36:24

Mumu mungukanuchiza ku mavungu, mungukanukonga ku yifuchi yeswe ngukanunehe ku chifuchi cha yenwene.

Ezekiel 36:37

Mwene Yehova kanambe ngwenyi, Chino nawa mungutayiza akwa munyachi wa Izalele akete kuli yami, ngukaokese malunga jo ngwe mbunga ya mapanga.

Alevi 26:9

Mungununyonga; mungunupwisa semi; mungunwokesa. Mungukolesa usendo wami ni yenu.

Mika 2:12

Enu A-Yakomba, pundu mungukanukunga eswe; mungukakunga masalila ja Izalele. Mungwasela hamuwika ngwe mapanga mu limba; ngwe mbunga ya mapanga ku ulilo wo; mbunga ya malunga ni chimbangwinya.

Mika 7:12

Ha tangwa lize makeza kuli yena chize ku Asuria ndo ku Engitu; chize ku Engitu ndo ku mwe Lwiji; chize ku kalunga-lwiji ndo ku kalunga-lwiji, chize ku mulundu ndo ku mulundu.