Jeremia 23:25 - MUKANDA USANDU WA ZAMBI 1975

²⁵ Hinevwa aprofeta ha kuprofeteza mahuza mu jina liami ngwo, Hinalota, hinalota!

Mukanda Wa Zambi 1970

²⁵ Ngunanyingika yeswe yize akwamba akwa munanyi waze akuhanjika mahuza mu jina liami ni akwambujola ngwo, hingunalweze maliji jami mu yilota yo.

Jeremia 23:25 Iomraidhean Croise

Ubutukilo 37:5

José yalota chilota, yachilweza kuli ayayo, kashika o yaweza nawa ku kole yo.

Ubutukilo 37:9

Iye yalota nawa chilota chikwo, yachilweza kuli ayayo ngwenyi, Kumanyi, hinalota nawa chilota chikwo. Ni tangwa, ni kakweji, ni kumi lia matongonoshi ni lutongonoshi umuwika yahetamina hashi kuli yami.

Miaso (Masamu) 139:2

Unanyingika ni kutwama chami ni kukatuka chami. Kunyonga chami kuchakulumbunuka kuli yena chipwe kusuku.

Miaso (Masamu) 139:4

Nilimwe liji kulishiho ha limi liami, shina yena Yehova unalinyingika ndusu.

Jeremia 13:27

Hinamona yizelwokeso yenu, ni utanji wenu, ni kulikumbukila chenu ni ukoi wenu wa usolo, ha milundu mu yambu. Lamba lie, Yerusaleme! Miaka yingahi ndo makupemesa?

Jeremia 14:14

Yehova yamba kuli yami ngwenyi, Aprofeta anaprofeteza mahuza mu jina liami. Ami chaatumine, chipwe kwaaha liji chipwe kuhanjika no. Kanaprofeteza kuli yenu usolwelo wa mahuza, ngombo yamokomoko, ni kwonga cha mu manyonga jo ene.

Jeremia 16:17

Mumu meso jami kanatale ndako jo jeswe; kujanguswaminyine. Chipwe uhenge wo kahashile kunguswekelawo.

Jeremia 23:28

Profeta mweswe kali ni chilota akachaule chilota chenyi, alioze mweswe kali ni liji liami ahanjike liji liami ni umwenemwene. Yehova kanambe ngwenyi, Mwambu wamokomoko ni tiliku kuyinalifu te?

Jeremia 23:32

Yehova kanambe ngwenyi, Kunalimika ni waze akuprofeteza yilota ya mahuza nikuyaula ni kupiangula atu jami ni mahuza jo, ni kulizelula cho, muze ami chaatumine chipwe kwaaha chiyulo, kashika kakwashile wano atu nichimwe. Chocho kanambe Yehova.

Jeremia 27:10

Mumu yize anaprofeteza kuli yenu mahuza kashika manuchiza ku chifuchi chenu ni yami mungukanuhumako, munukakuwa.

Jeremia 27:15

Yehova kanambe ngwenyi, Chaatumine yami, hindu kanaprofeteza mahuza mu jina liami, kashika mungunuhuma mba munukakuwa, ni yenu ni aprofeta aze anaprofeteza kuli yenu.

Jeremia 29:23

Mumu halinga uhepuke mu Izalele; halinga utanji ni mapwo ja akwo, hanahanjika mu jina liami maliji a mahuza aze chaatumine. Yami ngunachinyingika ni yami nguli chela. Chocho kanambe Yehova.

Jeremia 29:8

Mumu Yehova-wa-Tujita, Zambi ya Izalele kanambe ngwenyi, Kanda nutayiza aprofeta ni tahi waze atwama hakachi kenu kunwonga. Kanda nupanjika ku yilota yize akulota,

Jeremia 8:6

Hinatelako matwi, hinapanjika, alioze kahanjikile kanawa. Niumwe kanalikonyeka ha ungulungulu wenyi ngwenyi, Yika nalinga? Mweswe kanatalikisa mu jila yenyi mwene ngwe kavwalu yoze kanalimbilila mu jita.

Lungungu 2:14

Aprofeta je hakumwena usolwelo wa mahuza, wa kwonga. Kasolwele uhenge we akahilwise kuwaha che, alioze hakumwena yilayi ya mahuza ni ya kukupiangula.

Ezekiel 22:28

Ni aprofeta jako hapemesaho ni pemba, ni kumona usolwelo wa kwonga, ni kutahila yuma ya mahuza ngwo, Mwene Yehova unachambe; alioze Yehova kahanjikile.

Joele 2:28

Mba kulutwe mungukazukula Spiritu yami hali atu eswe. Ana jenu a malunga ni a mapwo makaprofeteza. Makulwana jenu a malunga makateta yilota, ni akweze jenu makamona usolwelo.

Zakaria 13:3

Mba nyi umwe masoloka nawa ngwenyi, Yami profeta, tato ni naye waze amusemene, makamba kuli iye ngwo, Kuchi kutwama ni mwono, mumu unahanjika mahuza mu jina lia Yehova. Mba tato ni naye waze amusemene makamutuwa ndusu muze maprofeteza.

Kwalula 12:6

Ngwenyi, Panjikenu maliji jami. Kachi profeta hwali hakachi kenu, yami Yehova kumungulisolola kuli iye mu usolwelo, kumunguhanjika nenyi mu chilota.

Mateu 1:20

Alioze shimbu anyongene ha yino yuma, kumanyi, mungelo wa Mwene wasolokele kuli iye mu chilota, ngwenyi, José, yena mwana David, kanda wivwa woma kutambula mukwenu-pwo Maria: mumu chize chinaseseka muli iye cha kuli Spiritu Musandu.

Luka 12:3

Kashika cheswacho nwambile mu milima kumakachivwa mu mwalwa; ni chize nwahanjikile mu matwi mu yipatulo ya muchima kumakachiambujola ha mafulumba ja mazuwo.

1 Korintu 4:5

Kashika kanda nukapatula nichimwe shimbu te mwaka kanda uheta, ndo Mwene meza, iye makaneha ku pangu yuma ya kuhengama ya milima, makasolola manyonga ja mbunge; hohene mutu ni mutu makapwa ni uhaliso wenyi wa kuli Zambi.

Hebreu 4:13

Ni chuma chize kuchishi kumoneka kuli iye chakuhi nichimwe; aiioze yuma yeswe yapwa ya uselesele, ya kufukuka kumeso ja yoze mutukamulumbunwina yuma yeswe.

Usolwelo 2:23

Mungukashiha ana jenyi ni kufwa; ni yikungulwila yeswe kumanyingika yami nguli yoze wakuhengula muchima ni mu mbunge: mba mungukahana kuli mweswe wa kuli yenu nikulita ni yitanga yenu.