Jeremia 23:2 - MUKANDA USANDU WA ZAMBI 1975

² Kashika ha kutwala kuli tufunga waze akufunga atu jami Yehova Zambi ya Izalele kanambe ngwenyi, Enu hinwamwanga mapanga jami ni kwahuma. Kunwaasele mbunge. Yami mungunusela mbunge ha yitanga yenu yipi. Chocho kanambe Yehova.

Mukanda Wa Zambi 1970

² Mwene Zambi, Zambi ya Israele, kanambila miata waze chatamba kufunga atu jenyi, ngwenyi: “Kunwafungile ko atu jami. Hinunaamwange ni kwaahuma. Haliabwila mungunumwesa lamba mumu ha ungulungulu wenu.

Jeremia 23:2 Iomraidhean Croise

Kutuhuka 32:34

Haliapwila hiyako, ukasongwele atu kuma kuze navulukile kuli yena. Mungelo wami kumakanutetekela alioze ha tangwa lize mungukafwetesa, kumungukaafwetesa mulonga wo.

Jeremia 10:21

Mumu tufunga kapwa yelo, kahulile kuli Yehova. Kashika kawahile mu milimo yo, ni mbunga yo yeswe ya mapanga hiyamwangana.

Jeremia 11:22

kashika Yehova-wa-Tujita kanambe ngwenyi, Mungwaaha kastigu. Akweze jo kumafwa ni katana, ni ana jo a malunga ni a mapwo kumafwa ni kapunga;

Jeremia 13:17

Alioze nyi kunuchi kwivwa, mbunge yami ku tenga muyililila kulengumuka chenu. Meso jami kumakahia chikolo nikulila masoji, mumu mbunga ya mapanga a Yehova hanakwachika mu ufunge.

Jeremia 13:20

Hetulenu meso jenu numone waze anakatuka ku Norte. Mbunga yize ya mapanga akuhele, yilihiyo? Mbunga ye yipema?

Jeremia 13:21

Yika muwamba muze masa helu iia yena waze yena mwene waalongesele kupwa masepa je? Te kuchi kwivwa yikola, ngwe ya pwo mukwa kufumbajala?

Jeremia 17:10

Yami Yehova kunakupolongoza mu manyonga ni kweseka mbunge, hanga ngukahane kuli mutu mweswe nikulita ni ndako jenyi, nikulita ni mihuko ya yitanga yenyi.

Jeremia 21:12

Enu munyachi wa David! Yehova kanambe ngwenyi, Ha chimene patulenu ni upatwilo uze unalite, pululenu ku kwoko lia mukwa kupinjisa yoze hamwiya, kuchina ufwatulo wami muutuhuka ngwe kahia ukalekwoke ni yoze maujima wakuhi mumu ha yitanga yenu yipi.

Jeremia 23:34

Mba ha kutwala kuli profeta, hanji sasendote, hanji umwe hakachi ka atu yoze mamba ngwenyi, Chino chiteli cha Yehova, munguhana kastigu kuli yono lunga ni akwa zuwo lienyi.

Jeremia 44:22

Yehova te kahashile kusúla ni yitanga yenu yipi, ni yuma ya kuzelwokesa yize nwalingile, kashika chifuchi chenu hichalumuka cha hululu, ni cha kwenyeka, ni shingo, kuchishi atu ndo musono uno.

Jeremia 5:29

Kashika Yehova kanambe ngwenyi, Te chichi kwalamba mumu ha yino yuma? Chichi kukala milonga ha vungu limwe Hapwa ngwe lino nyi?

Jeremia 5:9

Yehova kanambe ngwenyi, Te chichi kwalamba mumu ha yino yuma? Chichi kukala milonga ha vungu limwe liapwa ngwe lino nyi?

Jeremia 8:12

Te sonyi evwile ha kulinga yuma ya lwaji? Kenu! Kefwile sonyi nijimwe. Sonyi kajinyingikine. Kashika makalimbuka hakachi ka akwa kulimbuka. Mwaka wa kastigu mungwanunguna. Chocho kanambe Yehova.

Ezekiel 34:5

Kashika kanamwangana mumu kafunga wakuhi, mba hanalumuka kulia cha tushitu eswe asasu.

Hosea 2:13

Mungukamwaha kastigu mumu ha yiwanyiho ya Ambale muze aochelele insensu, nikuliwahisa ni tuzeya ni yuma ya uhenya nikukaula akwa zango lienyi nikunguvulama yami. Chocho kanambe Yehova.

Mika 7:4

Mwe mupema hakachi ko kapwa-ngwe mukalale, yoze Wahiana ululi hakachi ko kapwa ngwe chipanga cha mbimbo. Tangwa lia tulayi twe, lia kastigu ye hilieza; kutatajala cho hichaheta.

Zakaria 10:3

Utenu wami unasasaminyina hali tufunga; mungulamba kastigu tusongo. Mumu Yehova-wa-Tujita kakusa mbunge yenyi hali mapanga jenyi, munyachi wa Yunda; kumakaapwisa ngwe kavwalu wa uhenya mu jita.

Zakaria 11:16

Mumu mungusolola mu chifuchi kafunga umwe kechi kusa mbunge waze anafu, kechi kufupa akwa kujimbata, kechi kuwuka yilema, hanji kulela angunu, alioze kakulia musunya wa akwa maji, nikuzununa chipwe sende jo.

Mateu 25:36

napwile ni uvu, mba nwangujikile; nayijile, mba nwangunangishine; napwile mu zuwo lia ususu, mba nwejile kuli yami.

Mateu 25:43

napwile chilambala, kunwanguzumbwile; napwile ni uvu, kunwangujikile; nayijile, napwile mu zuwo lia ususu, kunwangunangishine.

Tiangu (Jake) 1:27

Uwayilo upema kuushi luchisa kumeso ja Zambi kanda ja mwe Tata, uno, Kunangisa ana-ashiwa ni twamishi ja mapwo mu luyinda wo, ni kulitunga mwene keshi chipeka ku yuma ya hano hashi.