Jeremia 23:19 - MUKANDA USANDU WA ZAMBI 1975

¹⁹ Talenu kangonga ka Yehova! Ufwatulo hiwaputuka. Chijimbi wa tachi, makalundumukina ha mitwe ya yingulungulu.

Mukanda Wa Zambi 1970

¹⁹ Ufwatulo wenyi uli ngwe kangonga, yoze unatukunga ha mitwe ya yingulungulu,

Jeremia 23:19 Iomraidhean Croise

Miaso (Masamu) 58:9

Ngwe mingonga shimbu ndeho kanda yichivwa chivukuminya chayo mayihehula ni chijimbi, ni ya wisu ni ya kahia hamuwika.

Yishima 1:27

Muze woma muunulamba ngwe kangonga; muze luyinda wenu makeza ngwe chijimbi; muze lamba ni huli muliza hali yenu.

Yishima 10:25

Muze chijimbi hapalika chingulungulu keshiko nawa; alioze mukwa ululi kapwa fundamentu ya mutolo.

Izaya 21:1

Liji lia kutwala ku puya ya kalungalwiji, ngwo, Chizechene ngwe yijimbi ya mu Negeve yinayi lume, kuchinakatuka ku puya, ku chifuchi kole ni mwongo.

Izaya 40:24

Machiatumba, machiakuwa mu mavu, machisoka miji, mba iye mafuza hali ayo mba malela, ni kangonga maambata ngwe yizungu.

Jeremia 25:31

Chizungozungo muchikaheta ndo ku masongo a hashi, mumu Yehova kali ni chikuma kusuma nacho mavungu. Kanaputuka kusopa ni atu eswe a musunya, mba yingulungulu kumakaashiha ni katana. Chocho kanambe Yehova.

Jeremia 25:32

Yehova-wa-Tujita kanambe ngwenyi, Chuma chikalu chinayi ku vungu ni vungu mba kangonga munene kanavunduka chize ku masongo a hashi kusuku.

Jeremia 30:23

Talenu kangonga ka Yehova! Ufwatulo hanauputuka; Kakundukundu wa chijimbi. Makahulumukina ha mitwe ya yingulungulu.

Jeremia 30:24

Utenu usasu wa Yehova kuuchi kahiluka ndo halinga ni kumanuna upale wa manyonga jenyi. Ha matangwa a kusula chino muchinulumbunuka.

Jeremia 4:11

Ha mwaka uze makamba kuli wano atu ni kuli A-Yerusaleme ngwo, Fuji yimwe ya kahia muyikatuka ku milundu yize kuyishi mitondo mu puya ni kutalikisa kuli mwana wa pwo atu jami; hi kufuza ko hanji kupemesa.

Jeremia 51:1

Yehova kanambe ngwenyi, Munguvundula Spiritu ya umwe chonwonyi akalimike ni Babilonia, ni waze atwama mu Kaletea.

Ezekiel 1:4

Shimbu munguchitala fuji yimwe ya kangonga yiyikatuka ku Norte, ni lelwa limwe linene lili ni pangu kweswe kwa kujingilika, ni kahia te kanahenyahenya, ni muchima lia kahia mwapwile ngwe unengu umwe unalejima.

Ezekiel 13:13

Kashika Mwene Yehova kanambe ngwenyi, Mu ufwatulo wami mungukatuma fuji ya kangonga; mu utenu wami kumukukapwa muhwiji wa vula, ni chiwe chinene mu ufwatulo ngukachonwone.

Amose 1:14

Chocho mungukawika kahia mu chipanga cha Raba, mukalalisa mbonge jenyi, ni kulikumbukila ha tangwa lia jita, ni kangonga ha tangwa lia chijimbi.

Zakaria 7:14

Kashika naamwangine ni chijimbi hakachi ka mavungu eswe kaanyingikine. Chocho chifuchi cho chasalile cha hululu; niumwe wapajekelemo, ni chifuchi chipema achipwishile cha hululu.

Zakaria 9:14

Mba Yehova masoloka helu lio, mivu yenyi muyipwa ngwe njaji. Mwene Yehova mahumuna chitavwi, matuhukila ni yijimbi ya ku Sule.