Jeremia 23:16 - MUKANDA USANDU WA ZAMBI 1975

¹⁶ Yehova-wa-Tujita kanambe ngwenyi, Kanda nupanjika ku maliji ja aprofeta waze akuprofeteza kuli yenu nikunuzalisa ni kutalatala chamokomoko. Kakuhanjika yilota ya mu manyonga jo ene; kahanjikile ni kanwa lia Yehova.

Mukanda Wa Zambi 1970

¹⁶ Mwene Zambi Mukwa Ndundo Jeswe kanambila akwa Yerusaleme ngwenyi: “Kanda nubanjika yize anahanjika akwa munanyi; kaananulongesa maliji amokomoko. Kaakunwambulwila yize akunyonga ayo ene, hi yize ko ngunahanjika yami.

Jeremia 23:16 Iomraidhean Croise

1 Yitanga Ya Mianangana 22:11

Zedekia mwana Chenana yalitungila mbinga ja utale. Yamba ngwenyi, Yehova kanambe ngwenyi, Munushinjika A-Seria ni mbinga ndo majimuka.

1 MIANANGANA 17:15

Yalituna yiyulo yenyi, ni usendo wenyi uze akolesele ni tulamba two, ni Shindakenyo yenyi yize waashindakenyene. Akawile yuma yamokomoko mba alumukine atu amokomoko. Embulwile mavungu aze aajingilikile waze te Yehova waambile ngwenyi, Kanda nukaembulula.

2 Sango Ja Mianangana 18:5

Mba mwanangana wa Izalele yakungulula aprofeta hamuwika; kulakaji awana a malunga. Yamba kuli ayo ngwenyi, Kumutuya mu jita ku Ramote-Ngiliate nyi ngulitwamine? O ngwo, Yénu; mumu Zambi kumakachikunjika mu moko ja mwanangana.

Yishima 19:27

Mwanami, litwamine kupanjika ku longeso lize lia kukupiangula ku maliji a yinyingi.

Jeremia 14:14

Yehova yamba kuli yami ngwenyi, Aprofeta anaprofeteza mahuza mu jina liami. Ami chaatumine, chipwe kwaaha liji chipwe kuhanjika no. Kanaprofeteza kuli yenu usolwelo wa mahuza, ngombo yamokomoko, ni kwonga cha mu manyonga jo ene.

Jeremia 2:5

Yehova kanambe ngwenyi, Chipi chika akakenu awanyine muli yami mba hangukatuka nikuya kusuku, nikukaula yuma yamokomoko nikwalumuka amokomoko?

Jeremia 23:21

Ami chatumine aprofeta, hindu azombokele. Chahanjikile no hindu aprofetezele.

Jeremia 23:26

Ndo mwiji muka mahuza matwama mu mbunge ja waze akuprofeteza mahuza; waze akuprofeteza yuma ya kwonga ya mu mbunge jo ene?

Jeremia 29:23

Mumu halinga uhepuke mu Izalele; halinga utanji ni mapwo ja akwo, hanahanjika mu jina liami maliji a mahuza aze chaatumine. Yami ngunachinyingika ni yami nguli chela. Chocho kanambe Yehova.

Jeremia 29:8

Mumu Yehova-wa-Tujita, Zambi ya Izalele kanambe ngwenyi, Kanda nutayiza aprofeta ni tahi waze atwama hakachi kenu kunwonga. Kanda nupanjika ku yilota yize akulota,

Jeremia 9:12

Mutu wa mana yoze yuma yino muyimulumbunuka, iya? Yoze hevwa chuma chino ku kanwa lia Yehova akahase kuchilumbununa, iya? Kuchi te chifuchi hachenyeka, hachipihisa ngwe puya, kashika niumwe mapalikilako?

Jeremia 9:20

Enu mapwo ivwenu liji lia Yehova, matwi jenu atambule liji lia mu kanwa lienyi. Longesenu anenu a mapwo mwaso wa mbimbi, mutu mweswe alongese mwenyembo wenyi kwimba lungungu ni chinyengo.

Lungungu 2:9

Yikolo yenyi hiyinanjila mu mavu; hanonwona njalo jako ni kujimakwona. Mwanangana ni alemu jenyi hanayi hakachi ka mavungu; shimbi kuyishiko, ni aprofeta jenyi katambwile usolwelo kuli Yehova.

Ezekiel 13:16

te aprofeta aze ja mu Izalele aprofetezele ha kutwala ku Yerusaleme nikumona sambukila yako muze te sambukila yakuhi. Chocho kanambe Mwene Yehova.

Ezekiel 13:23

Kashika kunuchi kamona nawa usolwelo wa kulionga hanji kutaha ngombo. Mungupatula atu jami mu moko jenu. Henaho munukanyingika yami nguli Yehova.

Ezekiel 13:3

Mwene Yehova kanambe ngwenyi, Lamba kuli aprofeta yihepuke waze akukaula maspiritu jo ene; kamwene nichimwe!

Ezekiel 13:6

Hanahanjika mahuza; hanatahe cha kwonga. Kakwamba ngwo, Yehova kanambe, alioze Yehova kaatumine, hindu kanafuliela ngwo, Iye makamanununa liji lietu.

Ezekiel 22:28

Ni aprofeta jako hapemesaho ni pemba, ni kumona usolwelo wa kwonga, ni kutahila yuma ya mahuza ngwo, Mwene Yehova unachambe; alioze Yehova kahanjikile.

Mika 2:11

Nyi mutu mendangana nikwambulula fuji ni mahuza ngwenyi, Mungunulumbunwina yuma ya vinyu ni kunwa chisasu kachi mwenawo mapwa Chilumbununyi wa wano atu!

Mateu 7:15

Alioze keyelenu aprofeta a kwonga, waze akwiza kuli yenu ni mazalo ja mapanga, alioze muchima kanapu tungunga a kunuwumbula.

A-ROMA 1:21

Mumu chipwe anyingikine Zambi, kamuchichimiekene ngwe Zambi, chipwe kasakwilile; alioze asekele mu manyonga jo, ni mbunge jo ja kuhulama jatayile.

1 Yoano 4:1

Akwetu a zango, kanda nufuliela maspiritu eswe, aiioze esekenu maspiritu, kachi mapwa maspiritu a kuli Zambi; mumu aprofeta a kwonga anji haneza hano hashi.