Jeremia 23:15 - MUKANDA USANDU WA ZAMBI 1975

¹⁵ Kashika Yehova-wa-Tujita kanambe ha kutwala kuli aprofeta ngwenyi, Mungwalisa musase ni kwanwisa meya a kasashisa mumu kuli aprofeta ja Yerusaleme utanganyanyi hiwalitanda mu chifuchi cheswe.

Mukanda Wa Zambi 1970

¹⁵ “Kashika yami, Mwene Zambi Mukwa Ndundo Jeswe ngunambe hakutwala kuli akwa munanyi a mu Yerusaleme ngwami; mungwalisa mitondo yisasu ni kwanwisa ulembe, mumu haabihisa chifuchi cheswe ni utanganyanyi wo.”

Jeremia 23:15 Iomraidhean Croise

Miaso (Masamu) 69:21

Ha kulia chami nawa anguhele kasashisa; ha pwila yami anguhele vinagre ngukanwe.

Jeremia 14:15

Kashika Yehova kanambe ha kutwala kuli aprofeta waze anaprofeteza mu jina liami, chipwe yami chaatumine, waze anambe ngwo, Katana ni kapunga kechi keza ha chifuchi chino, ngwami, Wano aprofeta kumakanonga ni katana ni kapunga.

Jeremia 8:14

Kuchi te tunatwama chizechene? Kungulukenu, tuye ku yihunda ya kukolesa tukakuweko; mumu Yehova Zambi yetu hanatufunjikila kukuwa; hanatwehe meya a kasashisa tukanwe, mumu hitunavulumuna Yehova.

Jeremia 9:14

hanakaula mbunge jo ene ni pami, nikukaula Ambale nikulita ni longeso lia tulamba two,

Jeremia 9:15

kashika Yehova-wa-Tujita mwe Zambi ya Izalele kanambe ngwenyi, Mungulisa e atu musase nikwaaha meya a kasashisa akanwe.

Lungungu 3:15

Hanguzalisa ni usasu hangukuchisa ni musase.

Lungungu 3:19

Iwuluka luyinda wami ni usasu wami, musase ni kasashisa.

Lungungu 3:5

Hanguseleka ni kungulimba ni usasu ni huli.

Zakaria 13:2

Yehova-wa-Tujita kanambe ngwenyi, Ha tangwa lize munguteta majina ja mahamba mu chifuchi; chipwe kwewuluka kechi kaewuluka nawa. Mungukachiza nawa ku chifuchi aprofeta, ni Spiritu wa luchisa.

Mateu 27:34

ha kunwa amuhele vinyu chinge ni kasashisa: alioze muze te hayipanjika, kanwine.

Shimbi 29:18

Kuchina mukupwa mukachi kenu lunga, hanji pwo, hanji akwa jiko limwe, hanji munyachi, mbunge yenyi yinatewuluka musono kuli Yehova Zambi yetu, nikuya, nikuvumbika tuzambi twa mavungu aze, kuchina mukupwa mukachi kenu muji umwe unemi kasashisa ni musase.

Usolwelo 8:11

Kanavuluka lutongonoshi jina ngwo, Musase, ni chihanda chimuwika cha ku yihanda yitatu ya meya chalumukine kusasa, ni malunga anji afwile ni meya, mumu alumukine asasu.