Jeremia 23:14 - MUKANDA USANDU WA ZAMBI 1975

¹⁴ Alioze muli aprofeta ja Yerusaleme namwene chuma cha kuvwisa lwaji. O kakulinga utanji ni kwenda ni mahuza. Kakutakamisa moko ja akwa kulinga yipi, kashika niumwe akuhichika ungulungulu wenyi. Eswe hanalumuka ngwe Sondome kuli yami; ngwe waze atwama mu Ngomora.

Mukanda Wa Zambi 1970

¹⁴ Alioze hingunamono akwa munanyi a mu Yerusaleme kuvulumuna kuhiana: kaakulinga utanji ni kuhanjika mahuza; kaakushinjika atu alinge yibi, kashika niumwe keshi kwecha kulinga yibi. Ku meso jami ayo eswe kaali abi ngwe akwa Sodome ni Gomora.

Jeremia 23:14 Iomraidhean Croise

Ubutukilo 13:13

Alioze atu a mu Sondome yingulungulu, akwa kuvulumiona Yehova kuhiana.

Ubutukilo 18:20

Mba Yehova yamba ngwenyi, Mumu lufuma wa Sondome ni Ngomora munene; shili yo yapiha naye,

Ubutukilo 19:24

Mba Yehova yanokesa fundanga ni kahia ha Sondome ni Ngomora ya kuli Yehova kwilu.

Ubutukilo 19:25

Yonwona membo aze ni chana cheswe, ni akwa membo eswe, ni yuma yeswe yasokele ha mavu.

Izaya 9:15

Mukulwana mulemu iye we mutwe, profeta wa mahuza iye muchila;

Jeremia 14:14

Yehova yamba kuli yami ngwenyi, Aprofeta anaprofeteza mahuza mu jina liami. Ami chaatumine, chipwe kwaaha liji chipwe kuhanjika no. Kanaprofeteza kuli yenu usolwelo wa mahuza, ngombo yamokomoko, ni kwonga cha mu manyonga jo ene.

Jeremia 18:13

Kashika Yehova kanambe ngwenyi, Hula hakachi ka mavungu, iya hanevu chuma ngwe chino? Mwe *virgem Izalele hanalingi chuma cha lwaji.

Jeremia 20:16

Au mutu akapwe ngwe yihunda yize Yehova wanungwine ni keke ka. Akevwe muteto ha chimene ni mutambi tangwa ha muchima,

Jeremia 23:17

Kakwambamba kuli waze akulelesa liji lia Yehova ngwo, Mukawaha, ni kuli waze akukaula mbunge jo ene ni pami kakwamba ngwo, Nichimwe chuma chipi kuchichi kukuwana.

Jeremia 23:22

Alioze nyi kachi apwile mu punga yami, kachi alumbunwine maliji jami kuli atu jami, kachi aatembwile ku jila yo yipi ni ku wupi wa yilinga yo.

Jeremia 23:32

Yehova kanambe ngwenyi, Kunalimika ni waze akuprofeteza yilota ya mahuza nikuyaula ni kupiangula atu jami ni mahuza jo, ni kulizelula cho, muze ami chaatumine chipwe kwaaha chiyulo, kashika kakwashile wano atu nichimwe. Chocho kanambe Yehova.

Jeremia 29:21

Yehova-wa-Tujita, Zambi ya Izalele kanambe ha kutwala kuli Ahabe mwana Kolaia ni Zedekia mwana Maseia waze ananuprofetezela mahuza mu jina liami ngwenyi, Mungwakunjika mu moko ja Nabukanezore mwanangana wa Babilonia mba iye maashiha kwe kumeso jenu.

Jeremia 29:23

Mumu halinga uhepuke mu Izalele; halinga utanji ni mapwo ja akwo, hanahanjika mu jina liami maliji a mahuza aze chaatumine. Yami ngunachinyingika ni yami nguli chela. Chocho kanambe Yehova.

Jeremia 36:2

Anda mukanda wa chivungo ukasonekemo maliji eswe hinamba kuli yena a kulimika ni Izalele ni Yunda ni mavungu eswe chize ku tangwa litangu nahanjikile ha matangwa a Josia ndo musono.

Jeremia 49:18

Chizechene ngwe muze hanunguna Sondome ni Ngomora ni yihunda ya kujingilika niumwe matungako, niumwe matwamako njize, chocho kanambe Yehova.

Lungungu 4:6

Mumu uhenge wa mwana wa pwo atu jami wahiana shili ya Sondome, yize ayinungwine susumuku ni kusaho kama kwoko ka.

Ezekiel 13:16

te aprofeta aze ja mu Izalele aprofetezele ha kutwala ku Yerusaleme nikumona sambukila yako muze te sambukila yakuhi. Chocho kanambe Mwene Yehova.

Ezekiel 13:19

Hinwangujilula hakachi ka atu jami ha kome ja sevada ni tuyipinji twa mbolo, ha kushiha atu aze kuchatambile kufwa, ni kufunga ni mwono atu aze kuchatambile kutwama ni mwono, ni ha mahuza jenu kuli atu jami, mumu o kakupanjika ku mahuza.

Ezekiel 22:25

Alemu jenyi muchima lienyi kapwa ngwe ndumba umwe kanahiohio shimbu machipapulula yifwo. Hanali mwono wa atu; hapunda upite ni yuma yilemu; hapwisa tuliwa anji hakachi ko.

Hosea 6:10

Mu munyachi wa Izalele hinamona chuma cha lwaji. Ukoi wa Eframe ulimo. Izalele halipihisa.

Amose 4:11

Nanungwine amwe hakachi kenu ngwe Zambi wanungwine Sondome ni Ngomora, ni yenu nwapwile ngwe lukunyi wa kuchanga mu mbwemena. Hindu kunwahilukile kuli yami. Chocho kanambe Yehova.

Mika 1:5

Chino cheswe mumu ha Utanguko wa Yakomba ni milonga ya munyachi ya Izalele. Utanguko wa Yakomba uka? Hi Samaria ko? Mulonga wa munyachi wa Yunda uka? Hi Yerusaleme ko?

Mika 3:11

Akwa lutwe jako kakupatula ha chindo; asasendote jako kakulongesa ha fweto; aprofeta jako kakutaha ha mbongo; hindu kakujamina hali Yehova nikwamba ngwo, Yehova hwali hakachi ketu; nichimwe chipi muchikatuwana.

Zefania 3:4

Aprofeta jenyi alelu, akwa mafwefwe; asasendote jenyi kakuchisa yuma yisandu ni kutangula shimbi.

Zakaria 13:2

Yehova-wa-Tujita kanambe ngwenyi, Ha tangwa lize munguteta majina ja mahamba mu chifuchi; chipwe kwewuluka kechi kaewuluka nawa. Mungukachiza nawa ku chifuchi aprofeta, ni Spiritu wa luchisa.

Malaki 1:1

Chikuma cha liji lia Yehova kuli A-Izalele mu kanwa lia Malakia.

Mateu 11:24

Alioze ngunambe kuli yena ngwami, Kumuchikapwa chashi ha chifuchi cha Sondome ha tangwa lia upatwilo, chikalu hali yena.

Shimbi 32:32

Mutondo wa uva wo unakatuka ku mutondo wa uva wa Sondome kwe ku minda ya Ngomora. Uva jo ja utende yichakata yo yinasase.

1 Timoteu 4:2

ku ulembekese wa atu akuhanjika mahuza, hanaáula mu mbunge jo ene.

2 Petulu 2:6

Wajindwolele membo ja Sondome ni Ngomora ku uto, waahishile ni kupupa, se waapwishile chilweza kuli waze menda ni utanganyanyi.

Yuda 1:7

Chizechene ngwe Sondome ni Ngomora, ni membo a kwajingilika, se chizechene ngwe wano alitumbikilile ku utanji, nikukaula musunya weka, hanaasela ngwe chilweza, ha kwivwa upatwilo wa kahia ka mutolo.

Usolwelo 11:8

Ni mijimba yo yinapombo mu tapalo lia limbo linene, lize anavuluka ha uspiritu ngwo, Sondome, ni ngwo, Engitu, kuze nawa ahachilile Mwene wo ha kulusu.

Usolwelo 19:20

Mba akwachile mwe ngongo, ni profeta wa kwonga hamwe nenyi, yoze walingile yilayi kumeso jenyi, yize wapiangwile nayo waze atambwile mufunda wa ngongo, ni waze awayilile kaponya kenyi: eswe ni aali aanyashine a mwono mu Chitende cha kahia chize cha kuyila ni fundanga.

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.

Usolwelo 22:15

Haze atwama tuwa ni akwa kupanda, ni yitanji, ni yingalwe, ni akwa kukombelela mahamba, ni mweswawo wakufwila, wakutomba mahuza.